OSHKAABEWIS NATIVE JOURNAL - Bemidji State University

40 BEMIDJI STATE UNIVERSITY
GAA-ONJIBAAMAGAKIN EZHINAAGOZID
NENABOZHO
GAA-ANISHINAABEWISIDOOD WILLIAM JONES
GAA-AANIKE-AANJIBII’ANG ALEX DECOTEAU
[1] Mii dash imaa moozhag gii-ayaad a’aw Nenabozho. Ingoding
idash gii-koziwag Nenabozho wiiwan, ookomisan dash ogiiwiijiiwigoowaan.
Moozhag gii-andawenjige. Nenabozho, amikwan
gaye ogii-nooji’aan. Anit ogii-ozhitoon Nenabozho, mii iw gaaaabajitood
amikwan gii-pazhiba’waad. Michigiw izhinikaade iw
okan gaa-ozhitood.
[2] Ingoding idash ogii-mikawaan gichi-amikwan daanid, mii owe
gichigaaming. Aapiji mamaandidowan. Mii dash enaad wiiwan:
“Inga-nooji’aag ingiw amikwag.” Niizhinoon iniw amikwag
endaawaad. Mii iwe bezhig Minong miinawaa dash Michibigwadoo-minising.
Mii iwe gaye amikwag gaa-taawaagobanen.
Ogii-piigo’aanan iniw amikowiishan. Mii dash giipabaamaazhagaamed
owe gichigami. Aanind ogii-nisaan
amikoonsan, bezhig gaye gichi-amikwan. Bezhig idash gichiamikwan
gaawiin omikawaasiin. Gegapii dash gii-inendam:
“Indawaa inga-biigo’aan iw okonim. Maanoo dash da-iskate o’ow
gichigami. Mii iw ji-mikawag a’aw amik.
[3] Mii dash gaa-izhi-wiizhaamaad ookomisan iwidi okonimiing.
Apii dash gaa-piigo’ang iw okonim, “Mii omaa ayaan,
O SHKAABEWIS N ATIVE J OURNAL V OL. 8 / NO. 1 S PRING 2011