OSHKAABEWIS NATIVE JOURNAL - Bemidji State University
OSHKAABEWIS NATIVE JOURNAL - Bemidji State University
OSHKAABEWIS NATIVE JOURNAL - Bemidji State University
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
20 BEMIDJI STATE UNIVERSITY<br />
WAABI-BINES<br />
GAA-TIBAAJIMOD VERNON WHITEFEATHER<br />
GAA-ANISHINAABEWISIDOOD DAVID TREUER<br />
[1] Aah sa gonaa ingagwe-gashkitoon ayi’ii da-wiindamaageyaan<br />
minik gaye niin ezhi-gikendamaan wendakaaneziyaan iidog. Mii<br />
dash iidog mewinzha omaa gii-ayaawag anishinaabeg omaa<br />
Obaashiing omaa ezhinikaademagak.<br />
[2] Aanish naa omaa gii-dagoshinowag iidog aya’aa wemitigoozhi<br />
gaa-izhinikaanind. Mii dash iidog aya’aag anishinaabeg o’owe<br />
ogii-meshkwadoonamawaawaan iniwen awesiinyan owe giidasoonaawaad.<br />
Mii dash iidog o’owe minik o’owe zhigwa<br />
gikendamaan iidog wa’awe bezhig gaa-ozhibii’igegwen aya’aa<br />
bezhig wemitigoozhii-wanii’igewinini ezhinikaazod.<br />
[3] Aabiding iidog imaa gii-miigaadiwag omaa anishinaabe<br />
miinawaa bwaanan. Amanj igo dibi go omaa baakaj gaatazhiikodaadiwaagwen.<br />
[4] Miish iidog a’aa owe bezhig omaa gwiiwizens iidog omaa ogiiwiijiwaan<br />
iniw bwaanan iidog. Mii dash iidog zhigwa gii-maajidazhiikawaawaad<br />
iidog bwaanan omaa anishinaabeg omaa gaaayaawaad.<br />
Mii dash iidog omaa, mii dash iwidi ozhibii’igegwen<br />
aya’aa bezhig aya’aa wemitigoozhi.<br />
O SHKAABEWIS N ATIVE J OURNAL V OL. 8 / NO. 1 S PRING 2011