OSHKAABEWIS NATIVE JOURNAL - Bemidji State University
OSHKAABEWIS NATIVE JOURNAL - Bemidji State University
OSHKAABEWIS NATIVE JOURNAL - Bemidji State University
Create successful ePaper yourself
Turn your PDF publications into a flip-book with our unique Google optimized e-Paper software.
48 BEMIDJI STATE UNIVERSITY<br />
miinikwaa ingiw ge-ani nibowaad. Bijiinag da-ani-baataniini a’aw<br />
anishinaabe. Mii dash ingiw ge-miinikwaa iw wiisiniwin gaye<br />
a’aw asemaa.”<br />
[28] Mii sa zhigwa gii-kanoonaad oshiimeyan: “Nishiime, gidinin<br />
ji-aanwetawisiwan iw waa-ininaan. Ambe sa, nibon!” ogichiganawaabamigon.<br />
“Nisayenh, aaniin wenji-izhiyan?”<br />
[29] Nenabozho ezhi-ganoonaad: “Noongom gidinin jiaanwetawisiwan.<br />
Gaawiin gosha wiin geget ji-niboyan. Anishaa<br />
gosha ji-ganawenimad a’aw minik ge-ani-nibod.”<br />
[30] Zhigwa dash oganoonigon Nenabozho oshiimeyan: “Etawaa,<br />
nisayenh! Mii na go iw geget gedizhiwebiziyaan?”<br />
[31] “Eya, mii go geget iw ge-izhiwebiziyan.”<br />
[32] “Haaw, gidebwetoon.” Mii sa geget ezhi-nibod a’aw<br />
Nenabozho oshiimeyan. Ajina go jiibayendam a’aw nebod. Animaajaa,<br />
besho go eni-dagoshing onoondawaan osayeyan madwegichi-mawinid<br />
mookawaanigod. Indawaa, neyaab giiwe. Neyaab<br />
idash aabijiibaa. Ezhi-ganoonaad osayeyan Nenabozhowan:<br />
“Aaniin wenji-mawiyan?” “Mii sa iw ge-izhiwebak minik geakiiwang<br />
ji-mookawaaninid ge-nibod. Mii dash geget iw ani-izhimaajaan!<br />
Gaawiin geyaabi giga-mookawaanisiinoon.”<br />
[33] Geget ani-maajaa Nenabozho oshiimeyan. Mii sa<br />
nandawaabandang bakaan o’owidi zhaawanong inakakeyaa. Mii<br />
dash gii-ozhitood bakaan aki.<br />
O SHKAABEWIS N ATIVE J OURNAL V OL. 8 / NO. 1 S PRING 2011
Change language