OSHKAABEWIS NATIVE JOURNAL - Bemidji State University
OSHKAABEWIS NATIVE JOURNAL - Bemidji State University
OSHKAABEWIS NATIVE JOURNAL - Bemidji State University
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
30 BEMIDJI STATE UNIVERSITY<br />
WENJIIWAAD ANIMOSHAG<br />
GAA-ANISHINAABEWISIDOOD WILLIAM JONES<br />
GAA-AANIKE-AANJIBII’ANG ALEX DECOTEAU<br />
[1] Ningoding niizh anishinaabeg bimishkaawaad jiimaaning<br />
gichigamiing iwidi giiwedinong inakake, mii iw gaa-izhi-gichinoodininig;<br />
mii dash gaa-izhi-webaashiwaad mizhawagaam<br />
gichigamiing; gaawiin ogii-waabandanziinaawaa aki. Aapiji giigichi-noodinini,<br />
gaawiin gii-kwanabishkaasiiwag; ginwenzh<br />
gichigaming gii-pabaa-ayaawag. Ningoding gii-agwaaweba’owag<br />
agaamakiing. Gii-kabaawaad owaabandaanaawaa awiiya<br />
bimikawenid gichi-anishinaaben. Mii dash gii-segiziwaad, ogiigopiiwidoonaawaa<br />
ojiimaaniwaa, mii dash imaa anaamoonag giigaazowaad.<br />
[2] Ningoding onoondaanaawaa gegoo madwesininig; mii dash<br />
inaabiwaad owaabandaanaawaa gichi-bikwak atenig. Mii dash<br />
geget zegiziwaad. Wiiba go ogii-pi-odisigoowaan gichianishinaaben,<br />
oganoonigoowaan: “Nishiime, gego zegizikegon.<br />
Niin misaabe egooyaan. Gaawiin niin imbanaaji’aasiig<br />
anishinaabeg,” odigoowaan. Owaabamaawaan adikwan<br />
zhegwazonid, mii wiin iniw bebaapim’waad, wii-amwaad aw<br />
misaabe.<br />
[3] Mii dash gaa-izhi-odaapinigowaad aapiji mindidowan iniw<br />
misaaben. Ogii-piindoomonaan iniw anishinaaben aw misaabe. Mii<br />
dash gii-kiiwewinigowaad endaanid. Apii dash gaa piindigewaad,<br />
naanaage gii-piindige aw wiindigoo. Mii dash<br />
O SHKAABEWIS N ATIVE J OURNAL V OL. 8 / NO. 1 S PRING 2011