Download - Clover

’n Vermindering van nie-gerigte prinsipale
Die verkoop van die UltraMel Vla-besigheid aan Danone Clover (Edms) Bpk
’n Aanbod om die oorblywende 5% minderheidsbelang in Clover Beverages Bpk te bekom, wat onsuksesvol was
Die vraag na Clover se handelsmerkprodukte het begin om die aanbod te oorskry
Mama Afrika, ons vlagskip sosiale verantwoordelikheidsprojek, het die Trots Suid-Afrikaans Korporatiewe
Maatskaplike Belegging Kampioen van die Jaar-toekenning verower
Gesamentlike ondernemings
Clover het weereens bewys dat hy oor personeel met uitstekende interpersoonlike sakevaardighede beskik in sy
onderhandelinge met vennote. Afgesien van die twee historiese gesamentlike ondernemings in Danone Clover
(Edms) Bpk en Clover Fonterra Ingredients (Edms) Bpk, het die belegging in die Manhattan Ice Tea- en Sportsadehandelsmerke
ook gedurende die jaar bevredigende vordering getoon.
Dividende
Voorkeurdividende ten bedrae van R22 miljoen is gedurende die jaar aan voorkeuraandeelhouers uitbetaal. Die
Direksie het ’n dividendbeleid van 4 maal dekking goedgekeur, wat in ooreenstemming is met Clover se strategie om
’n balans te handhaaf tussen ’n billike opbrengs vir sy aandeelhouers en die terughouding van voldoende fondse om
sy huidige infrastruktuur in stand te hou en toekomstige groei te befonds.
’n Dividend van 0,45 sent per gewone aandeel en 13,24 sent per voorkeuraandeel word deur die Direkteure
voorgestel vir goedkeuring tydens die algemene jaarvergadering.
Vooruitsigte
Clover se strategie is op 5 hoekstene gebou, naamlik:
Bedryfsdoeltreffendheid
Toekomstige beleggings vir volhoubare groei
Verkrygingsdoeltreffendheid en verskaffingsvennootskappe
Hoë vlakke van kapitaalbenutting
Samesmeltings en verkrygings in uitgesoekte markte
Hierdie strategiese hoekstene het reële ekonomiese groei vir sowel die Maatskappy as sy belanghebbers ten doel,
asook om die opbrengs op aandeelhouersfondse in die proses te maksimaliseer. Die strategiese fokus is om sterk in
bestaande goed presterende kernhandelsmerke te belê en om nie-winsgewende produkte of kategorieë wat nie op
die kort tot medium termyn voldoende belofte toon nie, uit te skakel.
Jaarverslag 2007 Bladsy 138
Die Europese Unie produseer ongeveer 145 miljard liter melk per jaar en die kansellasie van uitvoersubsidies aan
Europese produsente het die lewering met betrekking tot hulle kwota die afgelope kalenderjaar laat daal. Die
verminderde lewering, die droogte in Australië en die buitengewone groei in suiwelverbruik in China en Indië
het byna oornag ’n wêreldwye tekort aan melkvastestowwe veroorsaak en plaaslike en internasionale verwerkers
onverhoeds betrap. Fonterra voorspel dat die vraag ’n geruime tyd die aanbod sal oorskry, wat goeie belofte vir
suiwelboerdery in die algemeen inhou. Melkpryse aan Clover se produsente is skerp verhoog en die verhogings
word nou aan verbruikers oorgedra. Hoewel daar ’n vervroegings- en vertragingsfaktor tussen die verhoging van
pryse aan produsente en hulle gevolglike verhaling in die mark is, word hierdie koste as ’n belegging vir die toekoms
beskou.
Soos in die Desember 2006-halfjaarverslae geïmpliseer is, sal hierdie buitengewone verhogings aan die verbruiker
die huidige sterk groei in verkoopsvolumes strem. Volumegroei is egter kritiek vir ons langtermynstrategie, wat
op groter doeltreffendheid en produsente-volumegroei gebou is. Clover se sterk handelsmerke en verkoops- en
verspreidingsnetwerk verskaf steeds die basis wat ons as hefboom vir toekomstige groei sal gebruik. Besigheid met
hoër winsmarges en ’n goeie produkmengsel sal ook energiek nagestreef word.
Clover huldig sy produsente se ondersteuning oor die baie moeilike afgelope 2 tot 3 jaar en die Maatskappy is
dankbaar vir hul voortgesette steun. Die lojaliteit van Clover se produsente word wyd erken en Clover is besonder
entoesiasties oor hulle toekoms, aangesien die internasionale suiweltekort ’n langverwagte regstelling in suiwelpryse
veroorsaak het. Die gerigtheidstrategie sal ook voortgesit word en hoewel dit dikwels gesonde debat en konfl ik
veroorsaak, is dit noodsaaklik dat ons vooruitbeweeg, omdat gerigtheid van belanghebbers en aandeelhouers die
enigste model is wat groter belanghebberwaarde tot gevolg sal hê.
Die kompleksiteit van werksaamhede in ’n landbou-omgewing word ten volle erken, maar die Maatskappy is
vasberade om deurgaans wedersyds voordelige kompromieë tussen alle belanghebbers te bemiddel. Die Direksie
ondersoek ook maniere om die uitbreiding van Clover se vermoëns te befonds en om produksiedoeltreffendheid
verder te verhoog. Die potensiële behoefte aan kapitaal vir verdere verkrygings om voordeel te trek uit die
lewenskragtige Suid-Afrikaanse ekonomie het die Direksie aangespoor om alle befondsingsopsies te oorweeg en ’n
herkapitalisasieprogram is nie uitgesluit nie. Die Direksie sal enige voorstelle wat aandeelhouers raak, vroegtydig
kommunikeer.
Ondanks die uitdagende toestande wat voorlê, bly ons steeds vol vertroue dat ons in die volgende boekjaar
positiewe groei en gevolglik ’n positiewe uitwerking op toeskryfbare verdienste sal kan bereik. Positiewe faktore
sluit in die sterk Suid-Afrikaanse ekonomie, hoë verbruikersbesteding, ’n sterk en groeiende middelklas, groter
regeringsbesteding aan infrastruktuur, groter voedselverbruik en ’n toename in werkskepping.