Download - Clover

Finansiële Verslag
Jaarverslag 2007 Bladsy 148
Finansiële prestasie
Die bedryfswins vir die jaar het R357,0 miljoen bedra (2006: R242,2 miljoen). Dit is bereik met omset van
R4 482,2 miljoen, wat 9,6% hoër was as die vorige jaar.
Verkoops-, bemarkings-, distribusie-, administratiewe en herstruktureringskoste het met 4,4% toegeneem van
R926,0 miljoen tot R966,5 miljoen vir die jaar geëindig 30 Junie 2007.
Die belastingkoste wat in die state aangedui word, is as gevolg van voorsienings vir belasting in die Groep se
winsgewende fi liale en die gesamentlike ondernemings, asook ’n verhoging in die netto uitgestelde belasting van
R52,4 miljoen tot R55,7 miljoen. Belastingverliese beskikbaar vir aanwending deur die Groep teen toekomstige
winste beloop R409,3 miljoen (2006: R369,7 miljoen).
Balansstaat en kontantvloei
Rentedraende lenings het met R78,3 miljoen (2006: 63,9 miljoen) toegeneem. Kontant en kontantekwivalente
het met R27,0 miljoen (2006: R110,6 miljoen) afgeneem. Kapitaalbesteding uitgesluit klandisiewaarde met die
verkryging van addisionele belang in Clover Beverages het R175,5 miljoen (2006: R150,4 miljoen) bedra. Kontant
aangewend in die besigheid bedra R125,5 miljoen vir die jaar (2006: R103,7 miljoen).
Gesegmenteerde verslagdoening
Die twee vernaamste sakesegmente is suiwelprodukte en nie-alkoholiese drankies. Verwys asseblief na Aantekening 6
by die fi nansiële state vir die verslag per sakesegment.
Die Groep bedryf sy aktiwiteite hoofsaaklik in die geografi ese gebied van Suid-Afrika. Die inkomste en bates van die
bedrywighede buite Suid-Afrika is nie wesenlik nie. Gevolglik word dit nie toepaslik geag om volgens geografi ese
segment verslag te doen nie.
Bedryfsaanwysers
Die belangrikste bedryfsaanwysers vir die Groep word hieronder uiteengesit, asook sommige kontantvloeibesonderhede.