Download - Clover
Download - Clover
Download - Clover
Create successful ePaper yourself
Turn your PDF publications into a flip-book with our unique Google optimized e-Paper software.
Direkteure se<br />
Verantwoordelikheid<br />
Die Maatskappywet vereis dat CIL se Direkteure toereikende rekeningkundige rekords byhou en fi nansiële state vir elke<br />
fi nansiële jaar opstel wat die stand van die Maatskappy en die Groep aan die einde van die fi nansiële jaar en die wins en<br />
kontantvloei vir die tydperk redelik weergee. By die opstel van die meegaande fi nansiële state is Internasionale Finansiële<br />
Verslagdoeningstandaarde toegepas, geskikte rekeningkundige beleidspunte is gebruik en konsekwent toegepas en waar<br />
nodig, is redelike en omsigtige ramings gemaak. Enige veranderinge aan die rekeningkundige beleid word deur die Direksie<br />
goedgekeur en die uitwerking daarvan word volledig in die fi nansiële jaarstate verduidelik. Die fi nansiële state sluit<br />
volledige en verantwoordelike openbaarmaking in.<br />
Die Direkteure het die Groep se begroting en kontantvloeivooruitskatting vir die jaar tot 30 Junie 2008 nagegaan. Op die<br />
grondslag van hierdie ondersoek en in die lig van die huidige fi nansiële posisie en bestaande leenfasiliteite is die Direkteure<br />
daarvan oortuig dat die Groep ’n lopende saak is en het hulle dus voortgegaan om die lopendesaak-beginsel toe te pas by<br />
die opstel van die fi nansiële state. Die Groep se eksterne ouditeure, Ernst & Young, het die fi nansiële state geoudit en hulle<br />
ongekwalifi seerde verslag verskyn op hierdie bladsy. Die fi nansiële state vir die jaar geëindig 30 Junie 2007, soos op bladsye<br />
30 tot 118 uiteengesit, is deur die Direksie op 6 September 2007 goedgekeur en namens hulle geteken deur:<br />
JAH Bredin JH Vorster<br />
Voorsitter Uitvoerende Hoof<br />
Jaarverslag 2007 Bladsy 152<br />
Ouditeursverslag<br />
Vir die jaar geëindig 30 Junie 2007<br />
Verslag van die Onafhanklike Ouditeure<br />
Aan die lede van <strong>Clover</strong> Industries Beperk<br />
Verslag oor die fi nansiële state<br />
Ons het die fi nansiële jaarstate en groep fi nansiële jaarstate van <strong>Clover</strong> Industries Beperk geoudit. Hierdie fi nansiële state<br />
bestaan uit die direkteursverslag, die balansstaat soos op 30 Junie 2007, die inkomstestaat, die staat van verandering in ekwiteit<br />
en die kontantvloeistaat vir die jaar wat op daardie datum geëindig het, ’n opsomming van beduidende rekeningkundige<br />
beleide en ander verduidelikende aantekeninge, soos uiteengesit op bladsye 30 tot 118.<br />
Direkteure se verantwoordelikheid vir die fi nansiële state<br />
Die Maatskappy se direkteure is verantwoordelik vir die opstel en redelike voorstelling van hierdie fi nansiële state<br />
ooreenkomstig Internationale Finansiële Verslagdoeningstandaarde, en op die wyse wat deur die Maatskappywet van Suid-<br />
Afrika vereis word. Hierdie verantwoordelikheid sluit in: die ontwerp, implementering en instandhouding van interne<br />
beheer relevant tot die opstel en redelike voorstelling van fi nansiële state wat vry is van wesenlike wanvoorstelling, hetsy<br />
weens bedrog of foute; die selektering en toepassing van toepaslike rekeningkundige beleid; en die maak van rekeningkundige<br />
ramings wat in die omstandighede redelik is.<br />
Ouditeur se verantwoordelikheid<br />
Dit is ons verantwoordelikheid om op grond van ons oudit ’n mening oor hierdie fi nansiële state uit te spreek. Ons het<br />
ons oudit ooreenkomstig International Standards on Auditing uitgevoer. Daardie standaarde vereis dat ons voldoen aan<br />
etiese vereistes en die oudit beplan en uitvoer om redelike gerusstelling te verkry of die fi nansiële state vry is van wesenlike<br />
wanvoorstelling.<br />
’n Oudit behels die uitvoering van prosedures om ouditbewyse te verkry oor die bedrae en openbaarmaking in die fi nansiële<br />
state. Die prosedures wat geselekteer word, hang af van die ouditeur se oordeel, insluitend die beoordeling van die risiko’s<br />
van wesenlike wanvoorstelling van die fi nansiële state, hetsy weens bedrog of foute. Tydens daardie risikobeoordeling oorweeg<br />
die ouditeur interne beheer relevant tot die entiteit se opstel en redelike voorstelling van die fi nansiële state, ten einde<br />
ouditprosedures te ontwerp wat in die omstandighede toepaslik is, maar nie met die doel om ’n mening uit te spreek oor die<br />
effektiwiteit van die entiteit se interne beheer nie. ’n Oudit sluit ook ’n evaluering van die toepaslikheid van rekeningkundige<br />
beleid wat gebruik is en die redelikheid van ramings wat deur die direkteure gemaak is in, asook ’n evaluering van die algehele<br />
voorstelling van die fi nansiële state.<br />
Ons glo dat die ouditbewyse wat ons verkry het, toereikend en toepaslik is om ’n grondslag vir ons ouditmening te bied.<br />
Mening<br />
Na ons mening is die fi nansiële state, in alle wesenlike opsigte, ’n redelike aanbieding van die fi nansiële stand van die<br />
Maatskappy en die Groep op 30 Junie 2007 en van die Maatskappy en Groep se fi nansiële prestasies en kontantvloei vir die<br />
jaar wat op daardie datum geëindig het, ooreenkomstig Internationale Finansiële Verslagdoeningstandaarde en op die wyse wat<br />
deur die Maatskappywet van Suid-Afrika vereis word.<br />
Ernst & Young Inc.<br />
Geregistreerde Ouditeure<br />
6 September 2007<br />
Johannesburg