Download TPS, East Africa 2008 Annual Report - Serena Hotels

Taarifa ya Mwenyekiti (yaendelea)
Sehemu ya nje ya Hoteli ya Ngorongoro Serena
Hatimaye, kwa mara nyingine, Hoteli za Serena zilitwaa
nafasi za juu kwenye shindano la jarida la Travel News
Magazine kwa utuzaji bora. Mpango huu wa uzawadiaji
unatekelezwa kupitia utafiti wa wateja, utendaji bora katika
sekta mbali mbali za utalii Afrika Mashariki. Hata kama
kulikuwa na changamoto zilizotajwa hapo awali, ukarabati
mdogo ulitekelezwa katika raslimali mbali mbali za Kundi
kuhakikisha kuwepo kwa utekelezaji bora wa shughuli bila
kuathiri ubora wa sura ya majumba.
Kujitolea kwa Serena kuzindua mkakati wa habari na
mawasiliano ambao unakamilisha mikakati mingine ya
biashara na mipango uliendelea mwaka 2008. Ningependa
kufafanua kwamba ingawa mwaka ulikuwa mgumu,
usimamizi haukusitisha uzinduzi wa mipango muhimu
ambayo endapo ingecheleweshwa ingehatarisha ushindani
wa muda mrefu wa Kampuni. Kwa sababu hiyo, Kampuni
sasa inatoa huduma za mawasiliano ya mtandao ya moja kwa
moja kwa wageni wake katika hoteli zake. Mpango wa
kuweka pamoja habari uko katika hatua za mwisho za
uzinduzi baina ya afisi kuu mbili nchini Kenya na Tanzania
ambao utasaidia kuafikia ulipiaji huduma/vyumba mapema
na mifumo ya fedha na kupelekea kuwepo kwa utendaji bora
wa kazi, usimamizi na uthibiti bora. Mwisho, ufanisi
umepatikana kuhusiana na uuzaji wa biashara kupitia mfumo
wa elektroniki ambapo hoteli za Serena zilianza kutumia
mbinu hiyo mwezi Agosti mwaka 2008 huku kukiwa na
mfumo wa utumaji maombi unaopatikana kupitia wavuti wa
makundi yote ya hoteli yaliyoko mijini na fuo za bahari.
Kundi linazidi kuamini kwamba wafanyakazi wake ni raslimali
muhimu katika hazina ya biashara mambo yanapokuwa
magumu. Licha ya changamoto za kibiashara, utuzaji wa
wafanyakazi, utoaji mafunzo ya hali ya juu, uimarishaji wa
uwezo ulibakia kuwa swala lililopewa kipaumbele. Wakati
wa kipindi hiki cha mwaka, Kundi lilimwajiri Meneja wa
Utoaji Mafunzo na Maendeleo ambaye kwa sasa anaendesha
mkakati wa kuimarisha uzalishaji.
Kama mnavyofahamu, wasafiri wa sasa wamejitolea
kuhakikisha raslimali wanazotumia zinatoa mchango wao
kuimarisha maendeleo miongoni mwake kupitia uhifadhi wa
mifumo ya ikolojia na kuongoza katika ustawi bora wa utalii.
Kundi linazidi kutekeleza wajibu wake katika jamii kwa
kuhusisha pamoja shughuli hizo kwenye mkakati wake wa
kibiashara. Kufikia sasa, shughuli za Kampuni katika wajibu
wa jamii zinazidi kuangazia utalii wa ikolojia, uhifadhi wa
mazingira, utoaji mafunzo, Afya ya Umma na maendeleo ya
jamii. Mnamo mwezi Juni 2008, TPSEA ilichapisha jarida lake
la pili la wajibu wake kwa jamii linalojulikana kama Serena
Outreach to Society (SOS) ambalo linaangazia shughuli hizi.
Kwa maelezo zaidi kuhusiana na wajibu wa Kampuni kwa
jamii tafadhali rejelea ukurasa 20 na 21 wa ripoti hii.
Kundi limebakia kuwa mchangiaji mkuu kwa hazina ya
serikali za Kenya, Tanzania na Zanzibar. Kwa wastani Kundi
lililipa kiwango sawa na Shilingi milioni 648 pesa za Kenya
kwa ushuru wa moja kwa moja au usio wa moja kwa moja.
Pia lilitoa Shilingi milioni 121 kwa mabaraza ya serikali za
wilaya kama ada ya nia njema/ukodishaji katika miliki mbali
mbali mwaka 2008.
Halmashauri na wasimamizi wanakadiria kuwepo kwa
mazingira magumu ya biashara mwaka 2009 na athari za
kushuka kwa uchumi wa dunia na kuzidi kuwepo kwa wasi
wasi wa kifedha. Hali hii inatarajiwa kuchochewa na maswala
mengine, masoko yasiyoaminika na kushuka kwa imani
miongoni mwa wateja hali inayotarajia kuendelea kuathiri
mahitaji ya utalii duniani kwa muda wa miezi 12 ijayo.
Kama ilivyoshuhudiwa muhula wa kwanza wa mwaka 2009,
kipindi cha mwaka kilichosalia kitazidi kukumbwa na
changamoto ambazo zitaathiri gharama za uendeshaji
biashara kutokana na ugumu wa maisha unaosababishwa na
mfumuko wa bei, njaa iliyoko na gharama zilisizotarajiwa za
kawi. Kwa sasa, majibu kutoka kwa waendeshaji wakuu wa
biashara kuhusiana na maagizo ya vyumba katika vituo vyote
vya mapumziko ni ya kutia shaka. Wasimamizi wametambua
ukodishaji wa vyumba kwa muda mfupi siku za hivi karibuni.
Hali hii ni ya kutia moyo.
Chajio kando ya moto katika Hoteli ya Ngorongoro Serena
12 TPS EASTERN AFRICA LIMITED | ANNUAL REPORT AND FINANCIAL STATEMENTS 2008