Ripley - Twelve Gates.pdf - Rubaphilos.com

Opera Saturni Page 40
As Hevyn in Color bryght and shyne,
Kepyng both fygure and ponderosyte,
Therwith dyd Hermes moysture hys Tre:
Wythyn hys Glas he made to grow upryght,
Wyth Flowers dyscoloryd bewtyosely to syght.
9.Thys Water ys lyke to the venemous Tyre,
Wherewyth the myghty Tryacle ys wrought;
For yt ys Poyson most stronge of yre;
A stronger Poyson can none be thought:
Att the Potecarys therfore oftyn yt ys bought:
But no man shall be by hyt intoxycate,
After the tyme yt ys into Medycyne Elevate.
10.For then as ys the Tryacall trew,
Hyt ys of poysons most expulsyfe;
And in hys working doth mervells shewe,
Preservyng many from deth to lyfe,
Loke thou meng yt wyth no corrosyve:
But chese hyt pure and quick rennyng,
Yf thou thereby wylt have wynnyng.
11.It ys a mervelose thyng in kynde,
And Wythout hyt may nought be done;
Therefore Hermes calleth hyt hys Wynde,
For it ys up flying fro Sonn and Mone,
And makyth our Stone flye wyth hyt Sone:
Revyvyng the ded and gevyng lyfe
www.rubaphilos.com