Ripley - Twelve Gates.pdf - Rubaphilos.com

Opera Saturni Page 46
11.For such as addyth evermore crude to crude,
Openyng theyr vessells, and lettyng ther matter kele:
The sperme concevyd they norysh not, but delude
Themselfes, and spyllth ther work every dele;
If thou therefore lyst for to do well,
Close up the Matryce and norysh the seed,
Wyth heat contynuall and temperate if thou wilt spede.
12.And whan thy Vessle hath stond by Monyths five,
And Clowds and Clypsys be passed ech one;
That lyght apperen increase thy hete then blyve,
Tyll bryght and shyneing in Whytnesse be thy Stone,
Then may thou opyn thy Glasse anone,
And fede thy Chyld whych ys then ybore
Wyth mylke and mete ay more and more.
13.For now both moyst and dry be so contemperate,
That of the Water erth hath recevyd impressyon;
Whych never assunder after that may be seperate,
And ryght soe Water to Erth hath given ingressyon,
That both together to dwell hath made professyon:
And Water of Erth hath purchasyd retentive,
They fower be made one never more to strive.
14.And in two thyngs all our entent doth hing,
In dry and moyst whych be contraryous two;
In dry that hyt the moyst to fyxing bryng,
In moyst that hyt geve lyquyfaccion the Erth unto,
www.rubaphilos.com