Ripley - Twelve Gates.pdf - Rubaphilos.com

Opera Saturni Page 50
Ther sede consevyd kyndly to norysh and save;
From the ground of ther grave not rysyng that while,
Whych secret poynt doth many on begyle.
10.Thy tyme of Conceptyon wyth esye hete abyde,
The Blacknes showing shall tell the when they dye;
For they together lyke lyquyd Pyche that tyde,
Shall swell and burbyll, setyll, and Putrefye,
Shyning Colors therin thou shalt espye:
Lyke to the Raynbow mervelose unto syght,
The Water then begynnyth to dry upryght.
11.For in moyst Bodys hete noryshyng temperate,
Ingendryth Blacknes fyrst of all which ys
Of kyndly Commyxon to the tokyn assygnate;
And of trew Putrefying, remember thys,
For then to alter perfytly thou may not mysse;
And thus by the Gate of Blacknes thou must cum in
To lyght of Paradyce in Whytenes yf thou wylt wyn.
12.For fyrst the Son in hys uprysyng obscurate
Shalbe, and passe the Waters of Noyes flud
On Erth, whych were a hundred dayes contynuate
And fyfty, away or all thys Waters yode,
Ryght so our Water as wyse men understode
Shall passe, that thou wyth Davyd may say
Abierunt in sicco flumine:bare thys away.
www.rubaphilos.com