Ripley - Twelve Gates.pdf - Rubaphilos.com

Opera Saturni Page 48
That thy labor therfore be not frustrate,
The prevyte of Putrefying well understond,
Or ever thou take thys Warke in hond.
3.And Putrefaccyon may thus defyned be,
After Phylosophers sayings it ys of Bodyes the fleyng,
And in our Compound a dyvysyon of thyngs thre,
The kyllyng Bodyes into corrupcyon forth ledyng,
And after unto Regeneratyon them ablyng:
For thyngs beyng in Erth wythowt dowte
Be engendryd of rotacyon of the Hevyns aboute.
4.And therfore as I have seyd afore
Theyn Elements comyxt and wysely coequat,
Thou keepe intemperat heate, eschuyng evermore,
That they by violent hete be never incynerat;
To powder dry unprofytably Rubyfycate,
But into powder blacke as a Crowes byll
Wyth hete of Balne, or ells of our Dounghyll.
5.To tyme that Nyghts be past nynty,
In moyst hete kepe them fro eny thyng;
Sone after by blacknes thow shalt espy
That they draw fast to putrefying,
Whych thow shalt after many colers bryng
To perfyt Whytenes wyth Pacyence esyly,
And so thy sede in hys nature shall multeply.
www.rubaphilos.com