2012 TPSEA Annual Report - Serena Hotels

Taarifa ya Mwenyekiti (kuendelea)
umepata ufanisi katika kitengo cha
usafiri na kuangazia utoaji wa thamani
kinyume na kupunguza bei.
Zaidi ya hayo, kufungamana na sera zake
za kuwekeza katika raslimali zilizoko,
kampuni ilitekeleza zoezi la ukarabati na
urekebeshaji hoteli za Serena Beach &
Spa, Ngorongoro Serena Safari Lodge na
Kirawira Luxury Tented Camp wakati wa
kipindi hiki cha mwaka unaoangaziwa.
Huku Kampuni yenu ikiwekeza kwenye
hisa za Tourism Promotion Services
(Rwanda) Limited (TPS (R)), mtafurahia
kufahamu kwamba, ukarabati wa
awamu za II na III katika hoteli ya Kigali
Serena ulikamilika Septemba 30, 2011
na umepokelewa vyema na watoaji wa
huduma za biashara . Hoteli ya Kigali
Serena inazidi kuthibiti nafasi yake ya
uongozi katika soko la Kigali na usimamizi
una imani kwamba, hali ya siku za usoni
ya TPS (R) inaonekana kuleta matumaini
baada ya upanuzi na uimarishaji wa sura
ya Kigali Serena ambayo imeleta katika
soko ya Rwanda bidhaa bora zaidi.
Wakati wa kipindi hiki cha mwaka,
kampuni ilitafiti nafasi zaidi ili
kuimarisha mtandao wa Serena Afrika
Mashariki chini ya mkutadha wa mkakati
wetu wa muda mfupi na mrefu kibiashara.
Wakati wa kipindi cha mwaka 2011,
Lake Elmenteita Serena Camp iliyoko
katika hifadhi ya Soysambu Conservancy
ilizinduliwa na inatarajiwa kuimarisha
mtandao wa Serena eneo la magharibi
mwa Kenya kwa kuunganishwa na Mara
Serena Safari Lodge na utatumiwa kama
kielelezo wakati wa kuanzisha kampi
za Serena siku za usoni. Zaidi ya hayo,
mwaka 2011, kundi lilipanua mtandao
wake wa hoteli za jiji baada ya kuchukua
umiliki wa Dar es salaam Serena Hotel
(zamani ikijulikana kama Movenpick
Royal Palm Hotel). Upanuzi wa nembo ya
Serena jijini Dar es salaam utaimarisha
nafasi ya Tanzania kama kituo muhimu
cha kongamano, kichocheo, mikutano
na kitengo cha matukio (MICE) huku
ikivutia wateja wanaotaka starehe.
Kufuatia ufanisi wa mkakati wa Serena
katika kanda na kwa mujibu wa ndoto
yake ya kuwa kampuni halisi Afrika
Mashariki, TPSEAL ilihamasisha nafasi
ya uwekezaji wake kwa: kuongeza
ushiriki wa hisa zake kwa asilimia 3
(3%) za thamani ya Kshs. Milioni 56.99
katika TPS ( R) ambayo inasimamia
Kigali Serena Hotel na Lake Kivu
Serena Hotel chini ya ukodishaji wa
muda mrefu; kutwaa umiliki wa asilimia
20 (20%) wa hisa za thamani ya Kshs.
Milioni 363.72 katika TPS (D) Limited
ambayo ni kampuni iliyoshirikishwa
nchini Kenya kuzindua umiliki wa Dar
es salaam Serena Hotel . Nafasi hii ya
uwekezaji ilikuwa mkakati bora wa
kuimarisha na kupanua mkondo wa
mapato wa kampuni kwani TPS (R)
na TPS (D) sasa ni kampuni wenza wa
TPSEAL hivyo kuiwezesha TPSEAL
kuweka pamoja asilimia ya matokeo ya
20.15 (20.15%) ya TPS ( R) na asilimia
20 (20%) ya TPS (D ) kuanzia Julai Mosi
2011 na Novemba Mosi 2011 mtawalia.
Kwa kuangazia siku za usoni, umiliki wa
TPSEAL wa hadi asilimia 100 (100%) wa
hisa zilizotolewa katika TPS (Uganda)
Limited inayoendesha Kampala Serena
Hotel na kusimamia Lake Victoria
Serena Resort unatarajiwa kukamilika
kipindi cha mwaka 2012 na hakika
utahamasisha zaidi ndoto ya TPSEAL
ya kuwa kampuni bora Afrika Mashariki.
Uwekezaji katika kanda utasambaza
athari za wawekezaji na kuwepo kwa
matokeo mema yanayotarajiwa ya TPS
(U). Umiliki wake unatarajiwa kuimarisha
faida zilizowekwa pamoja za TPSEAL
na mapato kwa kila hisa na kuwapa
wanahisa wa sasa na wale wa siku za
usoni mapato ya juu.Itakumbukwa
kwamba, umiliki ulitangazwa na
kuidhinishwa kwa jumla na wanahisa wa
TPSEAL wakati wa mkutano wa pamoja
wa mwaka uliofanyika Mei 24, 2010.
Hata hivyo, umiliki unategemea TPSEAL
kupokea idhini la masharti kutoka Soko la
Hisa la Nairobi, Halmashauri ya masoko
ya mtaji chini ya sheria za masoko ya hisa
na hatimaye kupitishwa na wanahisa wa
TPSEAL.
Ni muhimu kufahamu kwamba, wakati
wa kipindi cha mwaka unaoangaziwa,
hoteli za Serena zilikuwa na fahari
kutunukiwa zawadi na matuzo kutoka:
Wellness Champions Award kutoka mradi
wa APHIA 11 Coast – Tuzo la Dhahabu;
Best Levy Payer in the Accomodation
Category kutoka Kenya Tourism Awards
2011; Trip Advisor Rating ; Eco- Tourism
Enterprise 2011 kutoka Eco Tourism
Kenya; World Travel Awards 2011; Conde
Nast Traveler 2011 Choice Awards- Best
Resorts in Africa; TASOTA (Tanzania
Society of Travel Agents) tuzo la hoteli
bora ya kitalii/ mtandao wa mahoteli
kwenye mikondo ya safari; Rwanda
Development Board Performance Awards
– mshindi kwenye kitengo cha huduma za
mahoteli, washindi wa pili katika kitengo
cha uwekezaji bora wa mwaka na nafasi
ya pili kwenye kitengo cha utoaji huduma
na COYA (Kampuni bora ya mwaka) –
tawi la Rwanda kwa bidhaa thabiti ya
Serena , idara inayoshughulikia maswala
ya wafanyakazi na sera za uwekezaji.
Kundi liliendelea kuzindua mikakati ya
habari na mawasiliano , taratibu bora za
kitengo cha usimamizi wa wafanyakazi na
shughuli za wajibu wa shirika kwa jamii
(CSR) ambazo zinakamilisha mikakati
yake ya muda mrefu ya kibiashara wakati
inapoendelea kupanua nafasi mpya za
kibiashara kufungamana na sera zake za
upanuzi. Maelezo zaidi kuhusu kitengo
cha habari na mawasiliano, kitengo cha
usimamizi wa wafanyakazi na wajibu wa
shirika kwa jamii yamewekwa pamoja
14 TPS EASTERN AFRICA LIMITED ANNUAL REPORT AND FINANCIAL STATEMENTS 2011