Y Naturiaethwr
Haf 2005 - Cymdeithas Edward Llwyd
Haf 2005 - Cymdeithas Edward Llwyd
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
’roedd y tir islaw 2,000 o droedfeddi o<br />
uchder yn fforestydd i gyd. Caed coed<br />
derw yn bennaf, gyda pheth ynn, bedw,<br />
gwern, criafol a choed llydanddail eraill.<br />
Dyma gynefin yr arth a’r blaidd lle’r oedd<br />
yr arloeswyr cynnar yn dibynnu ar y<br />
coedwigoedd am danwydd, am ddeunydd<br />
adeiladu tai a llongau, ac am fwyd, boed<br />
yn ffrwyth neu yn gig (adar, carw, neu<br />
fochyn gwyllt). Os oedd conwydd yma o<br />
gwbl, pinwydden yr Alban, yr ywen a’r<br />
ferywen oedd y rhai mwyaf tebygol. Fel y<br />
cynyddai’r boblogaeth cliriwyd llawer o’r<br />
coedwigoedd a dechreuwyd trin y tir, ac fel<br />
y deuai pori anifeiliaid a defnydd o’r coed<br />
yn fwy cyffredin, erbyn Oes yr Haearn, tua<br />
500 C.C. ychydig o’r fforest oedd yn<br />
weddill uwchlaw 600 o droedfeddi. Erys<br />
coedydd y Sgethin i roi blas i ni ar yr<br />
etifeddiaeth hon, o leiaf yn llysieuol.<br />
Y Coedydd<br />
Mae’r safle’n nodedig am ei choedydd<br />
collddail lled-naturiol. Bu’r safle yn darparu<br />
amrywiol goedydd yn ystod y Rhyfel Byd<br />
Cyntaf ac wedi hynny. Ail dyfiant yw llawer<br />
o’r hyn a welir. Mae yma gyfoeth o<br />
blanhigion fasciwlar, o redynnau, o fwsoglau<br />
o lysiau’r afu a chen. Ym 1996, gwnaed<br />
arolwg gan Alan Orange o Adran Llysieueg,<br />
Amgueddfa Genedlaethol Cymru ar gyfer<br />
Cyngor Cefn Gwlad Cymru, o’r llystyfiant<br />
ar hyd glannau’r afon,. Cofnodwyd ganddo<br />
76 math o’r bryoffytau (lysiau’r afu a<br />
mwsoglau) a 97 math o gen.<br />
Y Coed<br />
Dyma restr o’r coed sy’n tyfu ac sy’n<br />
cael eu gwarchod ar y safle:-<br />
Derw (Sessile Oak. Quercus petraea). –<br />
rhan ganolog y coedydd – tyfiant newydd<br />
a choed ifanc.<br />
Bedw (Birch. Betula pubescens) – eto yn<br />
rhan ganolog y coedydd – tyfiant newydd<br />
a choed ifanc.<br />
Ynn. (Ash. Fraxinus excelsior).<br />
Helyg. (Sallow. Salix cinerea).<br />
Mae’r ddwy goeden olaf i’w canfod eto<br />
yn rhannau canolog y coedydd ond nid<br />
ydynt mor niferus â’r dderwen a’r fedwen.<br />
Ychwanegir at amrywiaeth ffurf y<br />
coedydd gyda llawer o goed Cyll (Hazel<br />
Corylus avellana) aeddfed, yn tyfu mewn<br />
rhannau i’r de a’r gogledd o’r rhan ganolog.<br />
Mae hefyd lawer o goed Ffawydd<br />
(Beech Fagus sylvatica) hŷn – gwelir y cnau<br />
ar lawr o dan y goeden yn yr Hydref,<br />
ynghyd â choed Masarn (Sycamore Acer<br />
pseudoplatanus) a Chriafol<br />
(Rowan/Mountain ash Sorbus aucuparia).<br />
Gwelir hefyd, yma ac acw, dyfiant<br />
newydd a choed ifanc y Gelynen (Holly<br />
Ilex aquifolium).<br />
Mwsoglau yn gorchuddio’r cerrig yng nghoedydd<br />
y Sgethin<br />
Llysiau’r Afu (Liverworts, Hepaticae)<br />
a Mwsoglau (Mosses, Musci)<br />
Mae llysiau’r afu a’r mwsoglau, (y<br />
bryoffytau), ynghyd â’r gwymon, ffwng,<br />
cen, rhedyn a phlanhigion meicrosgopig<br />
eraill, yn perthyn i’r rhaniad hwnnw o<br />
blanhigion a elwir yn cryptogamau.<br />
Dyma’r planhigion sydd ddim yn blodeuo.<br />
Planhigion bychain, syml, yw llysiau’r<br />
afu a’r mwsoglau. Yn wahanol i’r<br />
planhigion eraill megis y rhedynnau a’r<br />
rhai sy’n blodeuo (planhigion fasciwlar),<br />
nid oes ganddynt y meinweoedd mwy<br />
cymhleth hynny sy’n angenrheidiol er<br />
symud hylifau i fyny coesau planhigion.<br />
Mae tua 280 math o lysiau’r afu, a<br />
thros 600 math o fwsogl i’w canfod ym<br />
Mhrydain. Fel ag y nodwyd uchod,<br />
cofnodwyd 76 math o’r bryoffytau<br />
(lysiau’r afu a mwsoglau) ar hyd glannau’r<br />
19