Debtfree Magazine October 2017

Die Republiek van
SKYT AFRICA
Hallo Almal,
Verlede maand het ons gepraat oor die vakansies wat voorlê en die
verantwoordelike finansiële besluite wat daarmee gepaard gaan.
Hier die maand wil ek aan twee aspekte raak wat ons verhoed om by
sulke besluite te maak en daarby te hou.
Die een is weerstand teen verandering en die ander een is hardkoppigheid.
Laat ons nou maar eerlik wees ons is n vreeslike hardkoppige nasie en dit
bring n vreeslike weerstand in ons op. Ons kan maklik, wanneer dit ons
pas, iemand se raad beskou as voorsê, en niemand sê vir ons voor nie. Jy
het reeds die gesonde besluit gemaak om onder skuldberadering te gaan
en dit is juis waar dinge begin moeiliker raak, daar is veranderinge wat
in jou finansiële lewe moet plaasvind en dan begin die weerstand opbou.
Dinge is ewe skielik nie meer “lekker” nie, die skuldberader het my nie
dit of dat vertel nie, hoekom word ek geforseer om aan te pas? Hoekom
moet ek my lewenstyl verander?