boletin noviembre diciembre - Diocese de Ourense

1304 • DICIEMBRE
BOLETÍN OFICIAL
No número vintecinco da citada Carta dinos: «A Eucaristía non só proporciona a
forza interior para a misión, senón tamén, en certo sentido, o seu proxecto. En efecto,
a Eucaristía é un modo de ser que pasa de Xesús ó cristián e, polo seu testemuño, tende
a irradiarse na sociedade e a cultura. Para logralo, é necesario que cada fiel asimile,
na meditación persoal e comunitaria, os valores que a Eucaristía expresa, as actitudes
que inspira, os propósitos de vida que suscita.» E conclúe: « Por que non ver nisto a
consigna especial que podería xurdir do Ano da Eucaristía» (MND, 25)
O Papa déixanos moi claro a todos que a autenticidade da participación na
Eucaristía hase de reflectir nun compromiso activo na edificación dunha sociedade
máis equitativa e fraterna.
Na Eucaristía maniféstase a forma suprema do amor de Deus, trastocando tódolos
criterios de dominio. É na Eucaristía onde se afirma de modo radical o criterio
evanxélico do servicio, de modo que non é lícita unha celebración eucarística na que
non resplandeza a caridade efectiva no comparti-los bens cos máis pobres. E os que
a celebramos e participamos nela temos que ser moi conscientes disto. Poñamos
todos, pois, moita ilusión na celebración deste Ano da Eucaristía, propóndonos no
plano persoal e comunitario o obxectivo de que as nosas relacións sexan cada vez
máis fraternas.
Que o Neno Xesús e a súa Nai, a Santísima Virxe, vos enchan de dons neste Nadal
e que a ninguén lle falte a súa protección.
BO NADAL A TODOS.
Luís Quinteiro Fiuza
Bispo de Ourense