boletin noviembre diciembre - Diocese de Ourense

1284 • DICIEMBRE
BOLETÍN OFICIAL
Eucaristía, o sacramento do Sacrificio, o memorial da Pascua, o banquete sacrificial,
a presencia real e permanente, prenda da gloria futura, as dúas mesas da Eucaristía
(Palabra e Corpo e Sangue) e a adoración do Sacramento permanente Todo elo nos
leva a contempla-la Eucaristía na súa realidade plena. Non podemos reducila a
perspectivas parciais, é a riqueza global e completa a que a Igrexa ten que descubrir,
celebrar e vivir. Estamos ante un misterio fondo e cheo de riquezas teolóxicas,
espirituais e pastorais. Contén todo o ben espiritual da Igrexa. Pero é preciso
catequizar dende os xestos e palabras; precisamos ser iniciados na súa profundidade
misteriosa, fai falta preparar ben as Eucaristía e prepararnos nós. É importantísimo
celebrar ben este misterio, vivilo como realidade espiritual fontal, alimenta-la nosa
vida nel e levalo con valentía a tódolos ámbitos do noso vivir.
Na Carta «Mane nobiscum, Domine» o Papa, seguindo a liña do Concilio
Vaticano II e do Xubileo, céntrase na Eucaristía como «misterio de Luz» para a
Igrexa; a Eucaristía como «fonte e epifanía (manifestación) de comuñón» e a
Eucaristía «principio e proxecto de misión». Estes tres aspectos enriquecen a
realidade da Eucaristía da Igrexa e, asimilados por todo o pobo de Deus, contribuirán
a unha espiritualidade eucarística, adecuada para glorificar ó Pai, por Cristo no
Espírito e para evanxelizar ó mundo.
Que a Virxe María, muller eucarística por excelencia e estrela da evanxelización,
axúdenos a vivir durante todo este ano asentados na Eucaristía e orientando a ela
tódolos nosos traballos, ledicias e esperanzas. É o que pedimos hoxe, na santa Misa
que celebramos, para tódolos nosos fieis e para tódolos homes de boa vontade.
+ Luís, Bispo de Ourense.