Itinerarios y Talleres - Agenda21escolar.barakaldo.org
Itinerarios y Talleres - Agenda21escolar.barakaldo.org
Itinerarios y Talleres - Agenda21escolar.barakaldo.org
Create successful ePaper yourself
Turn your PDF publications into a flip-book with our unique Google optimized e-Paper software.
2010-09-10. Berria. JAVIER MARQUES.<br />
EEEko Energia Berriztagarrien Saileko zuzendaria<br />
Itsasotik energia sortzeko proiektuekin «apustu ona» egin du EEE Energiaren<br />
Euskal Erakundeak, Javier Marquesen esanetan.<br />
«Olatuen energia ez da<br />
errentagarria, baina izango dela<br />
sinetsita gaude»<br />
SAMARA VELTE.<br />
Donostia<br />
Batzuentzat, aisialdirako leku da itsasoa, eta beste batzuentzat, elikadura iturri. Orain<br />
elikatu beharrean direnak, ordea, gailu eta sare elektrikoak dira; horregatik dabil EEE<br />
Energiaren Euskal Erakundea olatuei energia gehien nola atera aztertzen. EEEko Energia<br />
Berriztagarrien Saileko zuzendari Javier Marques (Laudio, Araba, 1959) Euskal Herriko<br />
Unibertsitateko Udako Ikastaroetan izan da aste honetan; itsasoko olatuen bidez energia<br />
sortzeko Bizkaiko eta Gipuzkoako kostak dituen aukerez mintzatu da.<br />
Zein baldintza bete behar ditu itsaso batek energia-sortzaile ona izateko?<br />
Itsasoak bost eremu aprobetxagarri ditu: itsasaldiak, itsaslasterrak, tenperatura, gazitasuna<br />
eta, noski, olatuak. Itsasgorek eta itsasbeherek gutxienez bost metroko aldea izan behar<br />
dute; gainera, beharrezko dira segundoko bi metro baino bizkorragoak diren itsaslasterrak.<br />
Ur geza asko behar du itsasoak, eta tenperaturek urte osoan 25 gradu ingurukoak behar<br />
dute. Azken hori ingurune tropikaletan bakarrik gertatzen da.<br />
Kantauri itsasoak betetzen al ditu baldintza horiek?<br />
Ez. Bizkaiko eta Gipuzkoako kostaren kasuan, marearen aldea gehienez ere lau metro eta<br />
erdikoa izaten da, itsaslasterrek leku jakin batzuetan bakarrik harrapatzen dute beharrezko<br />
abiadura eta ez dago nahikoa ur geza. Olatuetan bakarrik dugu gaitasun ertain-altua<br />
energia sortzeko: metroko 24 kilowattera hel daitezke. Ez da irla batean bezainbeste, baina<br />
pentsarazten digu uhin energiak baduela etorkizuna.<br />
Olatuena bakarrik?<br />
Ingurumenari begira, baditu abantailak: dentsitate energetiko handia eta ingurumenean<br />
duen eragin txikia, esaterako. Gainera, haize energia baino errazagoa da aurreikusteko,<br />
eta baliabideen eta eskaeraren arteko erlazio ona du. Itsasoaren baldintza latzak dira<br />
desabantaila handiena; zaila da itsasoan ezer eraikitzea, eta instalazioak oso garestiak<br />
dira.<br />
Ekonomikoki errentagarria al da?<br />
Haize energiarena duela 25 urte zegoen bezala dago une honetan uhin energiaren<br />
sektorea: orduan, energia eolikoa ez zen errentagarria, baina orain bai. Gu ere aro jaio<br />
berri batean gaude, ikerketa eta garapen aldian, eta uste dugu hamarkada honen<br />
amaierarako itsas energiak beste energiek bezalako garapena izango duela. Hau da,<br />
ikuspuntu ekonomikotik oraintxe bertan ez da errentagarria, baina etorkizunean izan<br />
daitekeela sinetsita gaude.<br />
Mutriku [Gipuzkoa] aukeratu duzue zuen proiektu baterako. Zergatik?<br />
69
Change language