2007 - Fekoor

Irisgarritasun unibertsala eta guztiontzako diseinuak lehentasun izan behar
du erantzukizun politikoa eta instituzionala daukatenentzat. Ez dezagun
ahaztu, honoko lege hauek babestutako eskubideez ari garela: Irisgarritasuna
Sustatzeko Euskal Legeak –2007an bete dira 10 urte hura onartu zenetik–,
pertsona ezgaituen aukeren berdintasunari, ez diskriminatzeari eta
irisgarritasun unibertsalari buruzko Legeak eta gaiari buruzko Europako
legediak. Baina bi kontzeptu horiek lege-eremuan ongi finkatuta dauden
arren, zehaztasun eta zorroztasun horiek ez dira hedatu errealitate sozial eta
politikora. Izan ere, badira lege-betekizunak betetzen ez dituzten azpiegitura
berriak eta irisgarritzat jotzen diren beste batzuk, benetan horrelakorik ez
diren arren.
Bizkaiak irisgarritasunerako eta diseinu unibertsalerako bidean aurrera
egin dezan, borondate politikoa eta soziala, aurrekontuz hornitzea, kontrol
administratiboa eta tresna zigortzaile eraginkorrak behar dira, nagusiki.
Helburu horiek lortzeko, dagoeneko aipatu ditugun foroekin biltzen da aldiro
batzordea, bai eta udal-arduradunekin, enpresa publiko eta pribatuekin,
20 E L K A R T E - L A N A E T A O R D E Z K A R I T Z A - F O R O A K
elkarte-mugimenduekin... eta hala badagokio, gure eskubideak beteko direla
bermatzeko demandak jartzen ditu.
2. Etxebizitza
Gutxitasun fisikoa duten pertsona askok zailtasun nabariak ditu etxebizitza
beharrak era duin eta autonomoan asebetetzeko. Eta maila handi batean, ez
dute haien etxebizitza- eta bizikidetza-eredua zein izango den erabakitzeko
askatasunik.
Administrazioek etxebizitza irisgarriak badaudela bermatu behar du, bai
eta kolektiboaren ostatu-beharrak (aldi baterako egonaldiak edo egonaldi
mugagabeak) asetzeko nahikoak izango diren etxebizitza komunitarioak
(egoitzak, etxebizitzak...) badaudela ere.
Etxebizitza irisgarriek gutxitasun fisikoa izanik haien etxea sortzea erabakitzen
duten pertsonen eguneroko bizitzan autonomia pertsonal maximoa bermatu nahi
dute, horretarako laguntza behar badute ere. Laguntza horrek hainbat forma har
ditzake, batetik, familian izan dezake laguntza horrek bere oinarria, edo hirugarren
pertsona batek emango dituen laguntza-formulen bidezkoa izan daiteke; azken
horrek gizarte eskubide unibertsal bilakatu beharko lukeela uste dugu.
G U T X I T A S U N F I S I K O A D U T E N P E R T S O N E N B I Z K A I K O F E D E R A Z I O K O O R D I N A T Z A I L E A · F E K O O R
21
JARDUERA TXOSTENA
2007