2007 - Fekoor

F. ETXEBIZITZA PROGRAMA
Gizarte-laneko Sailean etxebizitza egokitu eskaintza eta eskaria biltzen
dira. Bizkaiko Foru Aldundiko Gizartekintza Sailak ere, etxebizitza pribatuei
eta etxebizitza publikoei buruzko informazioa helarazten digu, deialdi
librean eskaini aurretik interesa izan dezaketen pertsonei haien berri eman
diezaiegun.
Gaur egun, Eusko Jaurlaritzak ezartzen dituen ezintasun-irizpideak betetzen
dituzten pertsonen eta etxebizitza egokitua eskatzen duten pertsonen datubase
bat dauzkagu. Gainera, Eusko Jaurlaritzak eta Bizkaiko Foru Aldundiko
Gizartekintza Sailak etxebizitza arloan eskaintzen dituzten laguntza ekonomikoen
inguruko aholkularitza eskaintzen dugu.
Etxebizitza egokituaren eskaintzak gure webgunean ere jartzen dugu gure
erabiltzaileen esku (http://www.fekoor.com/vivienda)
G. LAGUNTZA TEKNIKOEN MAILEGUA
1988. urtetik funtzionatzen du “Laguntza Teknikoen maileguen Zerbitzua”-k.
Zerbitzu horren bidez, laguntza teknikoak uzten zaizkie Bizkaiko Lurralde Historikoko
pertsonei, horiek FEKOOReko bazkide izan zein ez izan eta adin-mugarik gabe eta
edozein delarik ere horiek behar izateko arrazoia. Askotariko elkarteei, Bizkaiko
Foru Aldundiari, Udalei, zaharren egoitzei eta eskolei ere uzten zaizkie.
Guztiz doakoa da zerbitzua eta maileguaren gehienezko epea 6 hilabetekoa
da garabi eta oheen kasuan, eta 3 hilabetekoa gurpil-aulkiei eta makuluei
dagokienean.
Hauek dira gaur egun ditugun baliabideak: kaleko 15 gurpil-aulki eskuzko
(hainbat neurritakoak), 2 aulki elektriko, 6 makulu-pare, 2 garabi, 3 ohe
artikulatu, komuneko 2 aulki eta 2 taka-taka..
52 P R O G R A M A K , J A R D U E R A K E T A P R O I E K T U A K
H. BOLUNTARIOTZA-PROGRAMA
Programa horren helburua, 2007an zehar, FEKOORek antolatzen dituen
jardueretan parte hartzeko boluntario kopuruari eustea izan da, bai eta talde
hori sendotzea ere. Taldeak modu iraunkorrean funtziona dezala nahi izan
dugu, eta ez ia beti presaz planteatzen diren behar puntualak soilik asetzera
zuzendua.
Orokorrean, urtearen balantze positiboa egin dezakegu. Boluntarioen taldeak
46 kideei eutsi die. Horiek, ondoko jardueretan eskaini dute laguntza: Sancho
de Azpeitiako lokalean egindako tailerrak, eguneko txangoak, igerilekuetako
taldeentzako laguntza, Hiri-kanpamenduko jarduerak, noizean behin banakako
laguntzak, Gutxitasun Fisikoa duten Pertsonen I. Biltzarra, abenduaren 3a,
Nazioarteko III. Egokitutako Maratoi-erdia.
G U T X I T A S U N F I S I K O A D U T E N P E R T S O N E N B I Z K A I K O F E D E R A Z I O K O O R D I N A T Z A I L E A · F E K O O R
53
JARDUERA TXOSTENA
2007