2007 - Fekoor

A. PERTSONA EZINDUEN NAZIOARTEKO EGUNA:
“ANIZTASUNEAN BERDINAK”.
Aurreko urteetan bezala, abenduaren 3an, Ezinduen Nazioarteko Eguna dela
eta, FEKOORek errebindikazio jai-ekitaldia antolatu ohi Bilboko hirigunean.
Egun horrek zera ahalbidetzen digu, botere publikoei eta gizarte osoari Aukeraberdintasunaren
eta Bereizkeriarik ezaren Printzipioa ez dela guztiz betetzen
gogoraraztea. Gainera, bizitza autonomoa eta gizartean erabateko partaidetza
izatea ahalbidetuko diguten ekintza positiboko neurriak erreklamatzen ditugu,
eskubide eta betebeharren berdintasunarekin batera.
Aurten, “Aniztasunean berdinak” leloarekin, eta kirola ekitaldi guztiko gai-ardatz
hartuta, kirol-jai bat antolatu genuen Bilboko La Esperanza pilotalekuan. Bertan,
agerian utzi genuen gutxitasuna duten pertsonak zenbat zailtasunei egin behar
izaten dieten aurre edozein kirol egiteko.
Helburu horrek Bizkaian erreferentzia diren kirol-entitateen babesa jaso zuen,
hala nola Iurbentia Bilbao Basket taldearena, gurpil-aulkietako Zuharrak
saskibaloi-taldearena, Euskaltel Euskadi txirrindulari-taldearena eta Athletic
Club taldearena. Euskal kirolaren baitako pertsona historikoek lagundu gintuzten,
Bizkaiko Kirol Egokitua sustatzeko kirol-jai horretan: Jose Angel Iribar, Koldo
Agirre, Miguel Madariaga, Joane Somarriba, Txus Vidorreta eta Bilbao
Basket-eko jokalaria den Jon Reckar izan ziren bertan, besteak beste.
Indautxuko Felix Serrano Ikastetxeko ikasle-talde baten esku-hartzearekin ekin
zitzaion jardunaldiari. Kirol egokituaren lagin bat erakutsi zuten besteak beste:
mahai-tenisa, Boccia, Eslalona eta txirrindularitza. Horretaz gain, beste zenbait
kirolen argazki-erakusketa bat ere ekarri zuten. Beste kirol hauek ikus zitezkeen
bertan: eskia, piraguismoa, ultra-arineko hegaldia eta bela.
Saskibaloi-erakustaldi bat ere egin zen, Zuharrak eta Iurbentia Bilbao Basket
taldeetako jokalarien eta lehen aipatutako ikasle-taldearen artean. Ekintza
horretan, gutxitasuna duten pertsonek eta ez dutenek kirol-gune integratzaile
eta inklusiboa elkarrekin partekatu ahal izan zuten, gizarteari erakutsi nahi izan
genion gizarteko parte-hartzearen eredu modura.
40 P R O G R A M A K , J A R D U E R A K E T A P R O I E K T U A K
G U T X I T A S U N F I S I K O A D U T E N P E R T S O N E N B I Z K A I K O F E D E R A Z I O K O O R D I N A T Z A I L E A · F E K O O R
41
JARDUERA TXOSTENA
2007