2007 - Fekoor

B. AISIA ETA KULTURA
44
Bizi-kalitaterako ezinbesteko jarduerak dira aisia eta kultura. Bizi-kalitateak
giza-beharren asetzearekin, gizarte justiziarekin, errealizazio pertsonalarekin,
eskubide indibidual eta kolektiboekin du zerikusia. Pertsona ezinduen kolektiboa
hainbat esparrutan sartzea, etengabe aurrera doan, berrikusten den eta
sendotzen ari den errealitatea da. Testuinguru horretan, pertsona guztien
aisiarako eskubidea onartzen hasi da orain; nahiz eta oraindik ere, gutxitasun
fisikoa duten pertsonek parte hartzen duteneko aisialdiko jardueren gehiengoa,
haien elkarteek kudeatzen dituzten zerbitzuen barruan garatu.
Kirol- eta aisi-azpiegituretarako sarbideak ez daude mugikortasun arazoak
dituzten pertsonentzat pentsatuta ezta programatuta ere. Gaur egun, gizarteko
eskaintza orokorrean oporraldi duina lortzeko aukera utopia hutsa da, ez baitago
kolektiboaren beharretara egokituko diren oporlekurik ezta azpiegiturarik ere.
Beraz, esku-hartze berezia eta laguntzaileak etortzea beharrezkoa da.
Horregatik, FEKOORek bere kideei hainbat jarduera eskaintzen dizkie
(kulturalak, kiroletakoak, turistikoak eta jolaserakoak); horiekin aisiaren
mundura iristeko eta berau gozatzeko aukera emango zaie berdintasun- eta
normaltasun-baldintzetan. Hauek dira jarduera horiek:
HIRI-KANPAMENTUA
Programa horren helburu nagusiak hauek dira: gutxitasun fisikoa duten
gazteei udako hilabeteetan aisia irisgarria eskaintzea, komunitateak dituen
egokitutako baliabide eta zerbitzuak erabiliz. Zerbitzua erabiltzen duten
pertsonengan harremanetarako ohitura erregularra sortzea da kontua, aldi
berean aisi-jardueretan autoantolaketa sustatuz.
Jarduera hauen hartzaileak gutxitasun fisikoa duten gazteak dira, 16 eta 35
urte bitartekoak. Hartzaile kopuruari dagokionez, 22 izan dira guztira, 8 eta
16 bitartean txango bakoitzean.
P R O G R A M A K , J A R D U E R A K E T A P R O I E K T U A K
Bisitatutako tokiak eta egindako irteerak askotarikoak izan dira, taldeak
zituen itxaropenei erantzunez: Ereaga eta Gorlizko hondartzak, Indautxun
zehar bisitaldi gidatua, gurpil-lerroko Hockeyko munduko txapelketa ikustera
joan, “Harry Potter y la piedra filosofal” (Harry Potter eta sorgin-harria) filma
ikusi IMAX zinemetan, belauntzi arinean osteratxo bat eman Abran zehar,
Santurtziko igerilekura joan, Euskal Encounter-era bisita BECen, Akerlandara
txangoa, eta kanpamentu amaierako bazkaria Bilboko Alde Zaharrean.
ASTEBURUETAKO ATSEDENALDI PROGRAMA
2005 urtean zehar, FEKOOReko bazkideek eskatuta, gutxitasun fisiko larriak
izateagatik aisiako jarduerak burutu ahal izateko zailtasun bereziak dituzten
pertsonentzako programa bat abiarazi zen, asteburura begirako formatu
espezifikoa zuena. Programa hori sendotu egin da denbora joan ahala eta 82
pertsonak eskatu du 2007 urtean zehar. Aurten %100 gehitu dugu programa
honi atxikitako pertsonei egindako asteburuetako eskaintza. Honela, urtez
urte hurbiltzen ari gara hilean gutxienez jarduera bat eskaintzeko genituen
itxaropenetara.
G U T X I T A S U N F I S I K O A D U T E N P E R T S O N E N B I Z K A I K O F E D E R A Z I O K O O R D I N A T Z A I L E A · F E K O O R
45
JARDUERA TXOSTENA
2007