Lekuona´tar Manuel J.. - Euskerazaintza

TXAJsTXETAN TXARRANTXETAN 47
bizi, odol tanto bat zuan bitartean, borrokarik arrigarriena egiteko gertatu
zan.
Lagunduko ote zion, egundaño atsekaberik eman gabeko seme ari,
Txarrantxetako Amabirjiñak... Lagundu zion. Brutus'ek, guriñezko mutiko
ura menderatzeko bere atzapar latzak aski zituala uste zualako, su
iskillua bazterrean utzi, lepotik eldu, ta rindete esanaz batera, lurrari
erautsi zion. Mikel'ek su-ixkilua bazterrean ikustean lasaitasun arrigarri
batek artu zuan, odolak biguindu zitzaizkan, indar guzien jabe zan;
bizkarrakin lurra jotzeaz batera Brutus'en bularrean bi ankak jarrita ostikada
batez atzeko aldera bota zuan. Tximixtak bere lana egiten duan
baño azkarrago altxea, su-ixkilua artuta, al zun urrutiena bota zuan.
Brutus'ek uste bezelako erraztasunik ikusi ezean, iñun diran biraurik
beltzenak botatzen asi zan. Mikel'eri odol guziak irakiten jarri zitzaizkan.
Zer... Nere zeruko aitaren izena zikintzen ari aiz, likiskeri ori...
Lepo ondoko oialetik elduta, bi edo iru bira eman ondoren, azpikoaldeko
errekara bota, zama artu, ta anka egin zuan.
Brutus, su-ixkillua artuta.—Zentellas... birikak ateratze-asmotan zegon;
ordurako tokitara joanak ziran Mikel ta beste lagunak. An gelditu
zan Brutus bazter guziak birauaz betetzen.
Zer astakeriak egiten diran askotan seme alaben ezkontzak dirala
bide. Manix Indiano'ak, aurreko egunean Brutus deituta, arreta aundiz
esan zion, nondik etorriko ziran bere mutillak kontrabando zamakin;
eta aurretik zetorrena bizirik edo gabe beregana ekartzeko, ortarako sari
ona aginduaz. Baña Jaungoikoaren eskua dabillenean, gizonen asmoak
eta deabruaren maltzurkeriak alperrik dira.
Brutus'ek, gertatutakoa Indiano'ari esan zionean, lotsatu, umildu ta
arrituta gelditu zan mutillaren azkartasunaz. Agurtxo'k igarri zion, gertatutakoa
bere aitaren maltzurkeria zala, ta negar samiñak egin zituan.
Etziran ordea alperrikakoak izan Agurtxo'ren negarrak Manix Indianoa
bere alabaz kupiturik, eta Mikel'eri sari ona agindu ziola oroituaz,
eta batezere bere pizkortasuna ikusita, ezkontzeko baimena eman
zuan. Sari oberik ezin eman. Ezkondu ziran, eta ezkonduak gelditu ziran
betiko.