Rückblick und Ausblick von Zentralpräsident Valentin Bischof Le BB ...

8 unisono 23/24-2007
La revista svizera da musica instrumentala
Societads da musica –
scolas da musica
Pli ditg e pli fetg fan las societads da musica quitaus sur dalla munconza da musicants dalla
generaziun giuvna. Il sesparpigliar en da tuttas sorts activitads dil temps liber ei in grond
pro-blem da nossa societad. La tema da munchentar enzatgei sclauda in grond potenzial da
concentraziun e perseveronza. Vitier vegn la munconza da sustegn davart dils geniturs. Affons che
vegnan buca animai, che vegnan buca promovi en lur atgnas valurs e che vegnan strusch intruidai
nundir accumpignai dils geniturs ad occurrenzas publicas anfl an vess in access tier valurs culturalas.
claudio simonet
Las fi namiras dallas societads da musica
La fi namira principala d‘ina societad da musica
ei da formar e dar tempra alla veta culturala
d‘ina vischnaunca. Mo han las societads
da musica ils medems problems cun las generaziuns
giuvnas sco tuttas autras instituziuns
communizeivlas. Da nuot vegn nuot, aschia
ch‘ei basegna da procurar per avunda e buns
musicants successurs. Pia ei la fi namira d’ina
buna promoziun e scolaziun musicala d’affons
e giuvenils aschizun aunc pli impurtonta
ch’igl embellir la veta culturala d’ina vischnaunca.
Cunquei ch’ina societad da musica
sa buca – sco ils orchesters professiunals –
engaschar e pagar ses musicants, drova ei sil
sectur dalla motivaziun e publicitad enorms
sforzs. Buca il davos eis ei ils geniturs che pretendan
in’instrucziun d’aulta qualitad.
Las fi namiras dallas scolas da musica
las scolas da musica han l’incumbensa da
procurar per persunas d’instrucziun qualifi cadas
per possibilitar ad affons, giuvenils e carschi
ina scolaziun musicala el rom vocal ni
instrumental. L’instrucziun sils instruments
da stuors e da fl ad sco ella vegn per gronda
part practicada en las societads da musica
corrispunda savens buca alla fi losofi a ed als
plans d’instrucziun dallas scolas da musica.
Kurzübersetzung:
Immer mehr machen sich die Musikgesellschaften
Sorgen um ihren Nachwuchs.
Der Bildungsauftrag der Musikschule entspricht
oft nicht den Bedürfnissen einer
musikalischen Ausbildung von Jungmusikanten
für die Musikvereine. Wollen die
Musikgesellschaften weiterhin ihre Ziele
als Förderer des kulturellen Lebens in den
Gemeinden verfolgen, ist eine einvernehmliche
Lösung des Ausbildungsauftrags
mit der Musikschule vonnöten.
Abstrahau ch’igl ei buca pusseivel da far ord
mintga scolar da musica in musicist da professiun,
eis ei la fi n fi nala il pensum da mintga
scolast d’entruidar il scolar co ir entuorn cun
siu instrument, co sunar quel cumpetentamein,
co s’exprimer sin el musicalmein e co
s’appropriar da s’exercitar sin el regularmein.
Giu la Bassa – nua ch’ins ei enconuschentamein
adina intec ordavon allas muntognas –
fan adina dapli scolas da musica persenn
ch’ina buna scolaziun da basa en sauna concordanza
culs interess dallas societads da musica
porta success ed en biars cass aschizun in
boom einteifer il rom dils instruments da fl ad
e da stuors.
Avischinaziun
Vulan las societads da musica e las scolas da
musica ademplir era egl avegnir lur incumbensas
da formaziun e promoziun dalla cultura
basegna ei d’ina intensiva collaboraziun
e d’in clar concept da cumpetenzas. Il sectur
da scolaziun sto vegnir surschaus cumpleinamein
allas scolas da musica. La fi namira communabla
sto esser la promoziun dalla musica
instrumentala cun garantir la nova generaziun
e rinforzar il spért da cuminonza ed igl
engaschi persunal per las uniuns culturalas.
L’instrucziun sto satisfar al nivel che vegn
pretendius per sunar en ina societad. La scola
da musica ei perquei obligada d’engaschar
persunas d’instrucziun che lavuran a moda
professiunala, che han la musica instrumentala
che stat a cor e che persequiteschan
ell’instrucziun rigurusamein las fi namiras dadas.
Aschibein la materia da basa sco era la
litteratura accumpignonta ston sebasar sin
claras convenziuns. Leutier ei da render attenziun
che la musica instrumentala ha da
satisfar aschibein als gusts d’in vast auditori
da carschi sco era als sentiments dalla veta da
nossa giuventetgna. Ei fuss era cunvegnent
per las societads da musica da separticipar vid
ils cuosts da scolaziun cun s’accordar en ina
obligaziun che preveda ch’il scolar far part
dalla societad sur in cert spazi da temps.
Claudio Simonet, menader dalla
Scola da musica Surselva.
Per l’organisaziun drova ei in gremi da
direcziun el qual mintga societad da musica
deleghescha in responsabel. Quei collegi amplifi
caus cun la giunta dil district da musica,
cun in representant dil tscherchel da scolasts
ed il menader dalla scola da musica ha da
planisar las lavurs e survigilar las activitads
messas d’accord.
L’administraziun sa vegnir procurada dalla
scola da musica ed assistida tenor basegns
dallas societads da musica.
Ina part esseziala fuorma il s’exercitar en
ensembles. Quella activitad sto esser declarada
sco part integrala dall’instrucziun. Aschibein
la pusseivladad da saver sepresentar regularmein
en concerts sco era il seperfecziunar
en camps da musica ein purschidas indispensablas
pil svilup musical.
Aschia portan ils ligioms fretg, ina sauna
concurrenza sefa valer ed ils giuvens musicants
ein integrai a moda durabla egl esser
d’ina musica instrumentala. ■