programme théâtre saison 2013-2014.pdf - Esch sur Alzette

Spectacles Associations Luxembourgeoises
Produktioun : Den Theater.lu
Ängri ould Börds
Kaméidistéck vum Jay Schiltz
136
137
Regie:
Jacqueline Posing-Van Dyck
Dekoren:
Jeanny Kratochwil
Mat:
Pierre Bodry, Claude Fritz,
Marcel Hamilius, Danielle Wenner
Dräi eeler Hären, em déi 80, den Armand,
fréiere Staatsbeamten, onzefridde mat sech a
mam Liewen, de Ben, fréiere Schoulmeeschter,
sarkastesche Besserwësser an de John,
Liewens-a-soss Künstler, dee vum Liewen
nach ëmmer net genuch huet, ginn sech am
Altersheim op d’Nerven.
Si setzen do a meckeren iwwert Gott an
d’Welt a schloen d’Zäit dout.
Da geschitt eppes Onerwaartes. Si gewannen
eng onméiglech Zomm bei Euromillions.
An da geet et lass. Abeemol hunn déi dräi
nees Famill, déi sech wëllt këmmeren, Frënn
déi sech un si erënneren, Personal am Heim
wat all Dag méi frëndlech gëtt!
Déi dräi iwwerleeën wat se mat deem ville
Geld sollen ufänken,
Si hunn eppes Gemeinsames: Fréier, als Frënn,
si se oft zesummen a Schottland gefuer, Do
wëlle se nach eng Kéier hin, fir sech e läschten
Dram ze erfëllen. Endlech, déi wéineg Zäit déi
hinnen nach bleiwt fir sech ze notzen.
De Jay Schiltz ass derviir bekannt dass en an
deem wat e schreiwt a seet kee Blat vrun de
Mond hëlt, sief et als Buchautor, a sengem
Theater (Wäibierg an Alaska, De Schaf), am
Cabaret (Cabarënert, Béierdeckelsgespréicher,
Revue) an als Journalist a Chefredakter vum
Radio 100,7. Mat sengem Stéck iwwert déi al
Leit bleiwt hien sech a sengen Iddien trei.…..
THEATRE
T078 ME 06 N0V 13 20:00