Recherches sur les monnaies des comtes de Hainaut

-14-
marcs six d'iceulx doublés. lLem, des autres petits noirs deniers, de dix marcs,
douze deniers. Savoir faisons que pour les bonnes relations que faites nous ont esté
des personnes de Guillaume du Gardin et Jehan du Bar, iceulx et chacun d'eulx,
confians il plain de leur loiaulté, preudommie et de bonne diligence, par l'advis
et délibération de plusieurs gens du conseil de mondit Seigneur, de ses comptes,
à Lille, et de ses finances, avons ordonnez et establiz, ordonnons et establissons
par ces présentes, maistres particuliers de ladite monnoie de Valenciennes,
laquelle nous avons baillée et délivrée auxdits Guillaume du Gardin et Jehan du
Bar, qui l'ont prise et receue pour y faire forgier, ouvrer'les deniers d'or et d'argent
dessusdits des piés, poix et aloy cy-dessus desclairez et au pris et brassaige
déclairé ès instructions et ordonnances sur ce faites, de la date du jourd'uyjusques
à trois ans prochainement, il compter et commencier du jour de la première
délivrance qui se fera en ladite monnoie. Desquelles instructions leur voulons le
double estre baillé et délivré par lesdits gens des comptes il Lille. Et ou cas que
les deniers tant d'or comme d'argent ainsi mis en boiste que déclaré est, seroient
trouvez foibles en poix et mendres en aloy, ce sera sur la vie desdits maistres particuliers.
Et seront (tenua) iceulx maistres particuliers de contenter bien et convenablement
les marchans qui amèneront et apporteront billon d'or et d'argent en
ladite monnoie. Et avec, de bailler caution souffisante par devant les gens des
comptes il Lille, teles qu'ils verront ou cas appartenir, de faire en leurs mains le
serment ad ce particulier il renoncier expressément il toutes franchises et libertez
de bourgeoisie et autres choses quelxconques, dont ils se pourroient aidier se ils
venoient ou faisoient aucunement contre les choses dessusdites.
Lesquels gens des comptes à ces choses recevoir de par mondit Seigneur commenons
par ces mèmes présentes par lesquelles donnons en mandement de par
mondit Seigneur il la garde de ladite monnoie de Valenciennes présent et à venir
que les deniers d'or et d'argent dessusdit il face faire et ouvrer et aussy faire essay
et mettre en boiste, et les délivrances faire en la manière qu'il est accoustumé de
faire en tel cas et selon le contenu desdites instructions. Mandons en oultre aux
prévost, jurez et eschevins de ladite ville de Valenciennes présens et à venir,
qu'ilz voisent et soient présens aux délivrances faire tant d'or que d'argent, toutes
et quantesfois que par ledit garde et maistres particuliers requis en seront; et
parc>iIlement voisent et soient présens aux boistes rendre et essaiz faire d'icelle