Recherches sur les monnaies des comtes de Hainaut

- 36-
commencher à la première délivrance qui s'en fera en icelle. Lesquelz maistres
particuliers ont promis de en icelle notre monnoie faire forgier, ouvrer et monnoier
nosdit deniers d'or, par la fourme et manière contenue en icelle instruction
dont leur avons fait baillé copie signée en nostre chambre desdits comptes, et de
paier bien et loyaulementles marchans et de ce bailler caution et faire le serment
avec désafft'anchissement de leurs bourgoisies et franchises quelzconques dont ils
se vouIdroicnt ou pourroient ai~er à venir contre les choses dessusdites ou aucunes
d'icelles, et ce ès mains de nos amés et féaulx les gens de nos comptes à Lille;
lesquels avons à ce commis et commeUons par ces présenies. Si donnons en mandement
à la garde de notredite mon noie de Valenchiennes, présent et à venir, que
les deniers d'or dessusdis il face faire, ouvrer et aussi faire essay et mettre en
boiste et les délivrance faire eu la manière accoustumée de faire en tel cas et selon
le contenu d'icelle instruction. Mandons en oultre à nos bien amez les prévosts,
jurez et eschevins de notredite ville de Valenchiennes, présens et à venir, qu'ilz
voisent et soient présens aux délivrances faites de ladite monnoie d'or, toutes et
quantcsfois que par notredit garde et lesdits maistres particuliers requis en seront.
Et pareillement voisent et soient présens aux boistes rendre et essais faire d'icelle
mon noie avec ceulx qui commis y seront de par nous. Et des drois de brassaige
et antres droits, libertez, franchises et émolumens appartenans audit office de
'maistres particuliers, noz bailli et receveur général de Haynaut, eub et tous autres
qu'il appartiendra, facent, seutTrent et laissent lesdits Marc de Hellemmes et
Jehan de S. Genois, filz Simon, plainement et paisiblement joyr ct user et à eub
obéir de tous et ès cas qu'il appartiendra. Lesquelz Marc de Hellemmes et Jehan
de S. Genois, ensemble leurs facteurs, familiers et maisnies et aussi tous les
marcbans, repairans et fréquentans notredite monnoye, avons prins et mis, prenons
et mettons par la teneur de cestes en notre protection et sauvegarde et iceulx
voulons estre maintenus et gardez ès franchises et libertés, qu'ils ont esté de temps
passé pour le fait dessusdit. Voulons en oultre et nous plaist que lesdis maistres
particuliers soient francs, quittes et exempts des assis et maletoues, d'ost et de
chevauchées et de toutes tailles et exactions, ainsi qu'il est acoustumé d'anchiennelé,
pourveu que de notre prouffit seigneurial iceulx maistres particuliers seront
tenu de rendre bon et !éal compte en notredite chambre des comptes à Lille, toutes
et quantesfois que requis en seront, sans bailler les deniers de notredit droit