POPULATION PROJECTIONS Final in Tetum version

PROJEKSAUN BA POPULASAUN TUIR GRUPU SEXU NO TINAN
Maibé redusaun fertilidade ida-ne’ebé maka lailais, nu’udár izemplu, suporte husi programa planiamentu familiar sei
bele nota iha tinan 2030 nia laran.
Mudansa hirak-ne’ebé sei hare’e iha estruktura tinan/idade, nu’udár rezultadu ida husi redusaun fertilidade, sujere
bonus demografia katak kuantidade husi populasaun ne’ebé foin sa’e sei menus no kuantidade husi tinan/idade
serbisu sei aumenta. Rekursu importante hirak, ne’ebé sé la’e sei muda fali ba gastu sosial, bele tau fali ba hadiak
infrastruktura nasaun nian. Maski velosidade kresimentu populasaun foin sa’e sei menus, kresimentu ba populasaun
ho tinan/idade serbisu sei aumenta dramatikamente, aplika presaun populasaun maka’as ba sistema sosio-ekonomiku.
Ho liafuan seluk katak izizensia ba serbisu sei aumenta maka’as. Maski ekonomia nasaun nian sei boot tan, no
izizensia ba traballador sei kresimentu ida-ne’ebé hanesan, numeru kresimentu husi populasaun ho tinan/idade
serbisu sei liu numeru serbisu ne’ebé maka kria. Só redusaun fertilidade maka’as ida tan maka bele haboot tan
populasaun ho tinan/idade serbisu ekonomikamente sei atrai no permiti nasaun atu iha benefisiu husi bonus
demografiku ida hahu hafoin tinan 2020.
Pontu ikus responde ba isu/asuntu importante ne’ebé mosu husi projeksaun hirak-ne’e. Expansaun ba populasaun ho
tinan/idade serbisu ne’ebé konklui ona iha projeksaun sira fó dezafiu boot ida ba ekonomia Timor-Leste nian:
Kriasaun serbisu iha faze ida-ne’ebé bele dada numeru ne’ebé aumentu daudaun husi ema hirak-ne’ebé maka atu ba
merkadu serbisu nian. Kresimentu husi populasuan ho tinan/idade serbisu la’os faktor ida-ne’ebé maka bele atu
modifika tamba buat-ne’e la’os rezultadu husi oras-ne’e, maibé husi dinamika demografika pasadu Timor-Leste nian.
Numeru boot husi ema hirak-ne’ebé maka moris durante tinan 1990 nian laran no sorin balun husi oras-ne’e sei sai
foin-sa’e adultu iha dekade rua tan, nune’e, sei sai parte husi forsa serbisu/forsa de traballu. Maski sé, hahu husi orasne’e,
fertilidade hahu menus, kresimentu husi populasaun ho tinan/idade serbisu nian sei kontinua maka’as nafatin.
Isu/asuntu importante iha kazu ne’e maka atu halo planu ba dalan oioin atu simu hola kresimentu ida nune’e.
Ida-ne’e importante atu realize katak solusaun ba problema ne’e prinsipalmente maka ekonomia no politika, maibé
komponente demografika, sosial no kultural. Funsaun husi demografia maka la’os deit atu fó dadus/informasaun ba
ekonomista no planu nain sira maibé atu kontribui ho nia instrumentu konseptual no metodolojikal ba diskusaun
politika publiku nian kona-ba hamoris kampo serbisu, investimentu no distribusaun rekursu oioin.
9