POPULATION PROJECTIONS Final in Tetum version

PROJEKSAUN BA POPULASAUN TUIR GRUPU SEXU NO TINAN
Kona-ba estruktura tinan husi mortalidade, konklui katak dezenvolvimentu liútan akontese entre labarik sira
kompara ba adultu sira, katak, numeru mortalidade tinan foufoun sei menus lalais liu kompara ba numeru
mortalidade tomak.Ida-ne’e hetan hodi uza tabela moris limita sira, ne’ebé inklui iha RUP. Tabela moris hirak-ne’e,
Departementu Sensus Estadus Unidus nian maka dezenvolve, kaer metin nivel no modelu husi mortalidade husi
nasaun dezenvolvidu ho numeru mortalidade hirak-ne’ebé ki’ik liu (Arriaga and associates, 1994). Tabela hirak-ne’e
tau iha futuru ne’ebé dok, sai husi periodu projeksaun. Iha kazu ida-ne’e, tau sira ba tinan 2100. Tabele hirak-ne’e la
fó impaktu nivel mortalidade ne’ebé konklui iha hipoteze maib’e estruktura mortalidade nu’udar indika ona iha leten.
Projeksaun ba fertilidade
Iha nasaun hirak-ne’ebé nivel fertilidade maka’as/boot no iha evidensia husi redusaun tendensia fertilidae, projeksaun
dala barak bazeia ba asunsaun ne’ebé tendensia ne’e sei kontinua iha futuru. Esperiensia istoriku maka katak
wainhira fertilidade hahu menus, nia sei kontinua nune’e. Kestaun importante ne’ebé husu dalabarak liu iha kazu
hanesan ne’e maka: Iha faze ida-ne’ebé maka fertilidade sei kontinua menu no sa’e to’o nivel ne’ebé? Problema sei
difisil liu iha ne’ebé la iha evidensia husi redusaun. Kestaun importante iha-ne’e maka: Fertilidade sei hahu menus
durante periodu projeksaun ka? No, sé karik kazu maka hanesan ne’e, wainhira maka fertilidade hahu menuz? Iha
kazu ida-ne’e iha teoria lubuk ida ka regras imperiku hirak atu hato’o hipoteze kona-ba tendensia fertilidade hirak.
Nu’udár temi ona iha leten, nivel fertilidade iha Timor-Leste hare’e ba hanesan ida-ne’ebé as liu iha iha mundu no la
iha evidensia ba redusaun ida. Maibé, hare’e ba la realistiku atu konklui katak fertilidade sei la menu iha tempu
badak nia laran, liliu katak iha nasaun hirak-ne’ebé la dezenvolve fertilidade esperiensia daudaun redusaun no barak
maka tun maka’as tebe-tebes.
Iha informasaun rua ne’ebé bele fó naroman ba isu/asuntu ne’e.
Dala uluk, dadus/informasaun kona-ba preferensia fertilidade husi DHS tinan 2003 katak feto barak iha Timor-Leste
maka hakarak atu hamenus sira nia fertilidade. Nu’udár izemplu, signifika husi numeru loloos husi oan entre feto
hirak-ne’ebé hahu sira-nia vida reprodutiva (tinan 15 ba tinan 19) aka 4.8. Numeru ida-ne’e maka 5.8 entre feto hirak
ne’ebé maka vida reprodutivu hotu daudaun (tinan 45 to’o 49). Estandar ba feto hotu nian tinan/idade reprodutiva
maka oan nain 5.6. Entre feto hirak-ne’ebé iha ona oan 4 ne’ebé moris hela maka, 17.4 % lakohi tan ona oan.
Numeru ida-ne’e aumenta to’o 37% entre hirak-ne’ebé iha oan nain hitu ne’ebé moris hela.
Klaru feto sira iha Timor-Leste hato’o sira-nia hakarak maka’as atu iha oan barak. Maibé, preferensia fertilidade
kompara ba fertilidade loloos, nivel ne’ebé hatudu iha preferensia ki’ik kompara ba ne’ebé maka koresponde ba
numeru hirak-ne’ebé maka observa hela. Faktu ida-ne’e maka indikasaun maka’as husi redusaun fertilidade ida iha
futuru. Hare’e ba katak buat-ne’e sei maka’as, pelemenus iha periodu inisiu, maibé nia sujere katak konklui numeru
fertilidade konstanta ba futuru dala ruma la realistiku.
Dala rua, Governu Timor-Leste rekoñese ona importansia husi hamenus numeru moris ne’ebé maka’as tebe-tebes
(barak liu maka espasu entre tur ahi/hahoris) atu fasilita eradikasaun pobreza/halakon ki’ak, hamenus Timor-Leste
nian nivel mortalidade maternal no bebe ne’ebé boot tebes, no hadiak saudé inan no labarik sira-nian. Nune’e,
politika planu familiar dezenvolve no Konsellu Ministru aprova ona iha tinan 2002. Governu halo esforsu hela atu fó/
ofrese liúhusi sistema saude publiku nian, asistensia tekniku no finansial husi komunidade internasional, suplai
regular no distribusaun maka’as ne’ebé maka efektivu variedade kontraseptivu sira atu garantu katak hatan duni ba
opsaun no nesesidade kazal/kabe nain sira no individual iha Timor-Leste. Promosaun/haklaken planu familiar sei
hala’o iha kontextu kona-ba protesaun saude no promosaun husi saude reprodutiva tomak. Sei husu katak promosaun
hirak-nune’e sei neineik maibé desisivamente sei fó aten brani ba kabe nain no individual atu aksesu informasaun
planu familiar, ‘counseling no serbisu sira (Ministry of Health, UNFPA, WHO, w/d).
23