POPULATION PROJECTIONS Final in Tetum version

PROJEKSAUN BA POPULASAUN TUIR GRUPU SEXU NO TINAN
Loloos karik, kresimentu populasaun hanesan eskala ne’ebé maka projeita iha senariu mediu, la temi kresimentu
ne’ebé maka hare’e ona iha senariu boot, hare’e ekonomikamente sei konsume hotu maski nasaun esperiensia
expansaun ekonomia ida-ne’ebé boot. Eskritor politika no planu sira tenki tau ba iha konsiderasaun isu/asuntu idane’e
atu halo planu estratejia ida atu responde ba problema ne’e, ne’ebé bele iha konsekuensia sosial no politika
hirak-ne’ebé seriu. Maski nune’e nota katak to’o tinan 2020-2030, velosidade husi kresimentu husi populasaun ho
tinan/idade serbisu sei hahu redusaun neineik ida. Aserta tempu ida-ne’e wainhira asume redusaun fertilidade tinan
lima ora-ne’e no tuir mai sei hahu atu hamenus velosidade kresimentu husi populasaun ho tinan/idade serbisu. Maibé,
kresimentu iha suplai traballador sei boot nafatin. Ida importante atu marka katak asuntu ida-ne’e labele trata nu’udár
parte husi dinamika populasaun nasaun nian maibé prinsipalmente nu’udár problema ekonomia, sosial no politika. Só
redusaun fertilidade subtansial ida-ne’ebé sei involve tranzisaun demografia diferente ida, bele rezultu iha expansaun
populasaun ho tinan/idade ida-ne’ebé ekonomikamente sei involve no permiti nasaun atu iha benefisiu husi bonus
demografia ida hahu hafoin tinan 2020.
Persentajen husi ema idade ona iha populasaun sei esperiensia kresimentu uit’oan: husi 3.4% iha tinan 2004 ba 5.1%
iha tinan 2050 (Tabela 8). Maibé, nu’udár iha kazu populasaun ho tinan/idade serbisu nian, hirak-ne’ebé idade ona
ka ferik/katuas sei esperiensia krisimentu absoluta boot ida. Nota katak to’o tinan 2040, populasaun ferik/katuas sira
sei liu ema nain 100.000. Nia sasukat iha tinan 2005 maka só ema nain 32,870 (Tabela 9).
Ida-ne’e mós importante atu konsidera populasaun feto iha tina/idade reprodutiva. Iha tabela 8, tuir senariu mediu,
nia persentajen aumenta husi 44.6% ba 51.7% durante periodu projeksaun. Expansaun husi grupu feto ida-ne’e, no
defaktu katak to’o tinan atus ida-ne’e nia klaran sei kompostu husi metade husi populasaun feto, signifika momentum
ne’ebé forte no naruk ba population Timor-Leste nian
Rasiu husi ida dependensia maka rasiu husi ema hirak-ne’ebé iha idade dependente (tinan 15 mai kraik no liu tinan
64) ba hirak-ne’ebé maka iha idade produtiva ekonomikamente (tinan 15-64). Medidas demografia ida-ne’e dala
barak uza nu’udár indikador husi todan ekonomia ne’ebé porsaun husi populasaun produtivu ida tenki lori. Klaru
katak ida-ne’e hanesan indikador jeral husi dependensia ekonomia tamba ema barak ne’ebé maka defini nu’udár
dependete maka produtor no barak ne’ebé maka iha ida/tinan produtivu ekonomikamente dependente. medida idane’e
integra ona ba rasiu dependensia foin sa’e, ne’ebé konsidera deit dependente foin sa’e (minus liu tinan 15) no
rasiu tinan/idade tuan, ne’ebé inklui deit dependente tinan tuan (liu tinan 65). Tuir Tabela 8, rasiu dependensia foin
sa’e nian esperiensia redusaun importante ida durante periodu projeksaun, indika kresimente ne’ebé lalais husi
populasaun ho tinan/idade serbisu kompara idade labarik nia. Nu’udár sujere husi indikador pasadu rua, populasaun
sei joven nafatin maibé sei la joven hanesan oras-ne’e. Iha parte seluk, rasiu dependensia tinan tuan sei la esperiensia
mudansa. Nu’udár hatudu iha kraik, ida-ne’e rezultu husi faktu katak kresimentu konstanta husi populasaun ferik/
katuas sira sei kompensa ho redusaun ida iha velosidade kresimentu husi populasaun ho tinan/idade serbisu nian.
Rasiu dependensia total hatudu redusaun importante ida tamba sira depende deit ba variasaun husi numeru foin sa’e.
Indikador seluk tan ba todan ne’ebé ema hirak-ne’ebé idade ona sei hetan iha decade tuir mai iha indeku idade nian,
mós aprezenta iha Tabela8. Variable ida-ne’e koreponde ba numeru husi ema hirak-ne’ebé idade ona kada foin sa’e
nain 100. Nia sei aumenta husi 12.3 ba katuas/ferik hamutuk 23.9 kada foin sa’e nain 100 ida husi tinan 2004 ba
2030 no ba 15.8 iha tinan 2050.
Loloos karik, indikador ba todan husi ferik no katuas sira iha populasaun tomak iha futuru sei la tau Timor-Leste
nu’udár populasaun idade ida hanesan nasaun Europa sira, maibé importante atu realiza katak numeru husi katuas/
ferik sira sei aumenta maka’as tebes nu’udár sira-nia parte mós iha populasaun. Tendensia ne’e importante tebes no
tenki konsidera iha kualker planu dezenvolvimentu.
Indikador ikus iha Tabela 8, rasiu suporte inan/aman nian, maka proporsaun entre populasaun ho tinan 85 no liútan,
maioria husi hirak-ne’ebé maka lakon ona sira-nia autonomia no fizikamente vulnerabel, no populasaun hirak ho
tinan/idade 50 ba 64, ne’ebé koresponde aproximamente ba sira-nia oan hirak-ne’ebé adultu ona. Medida ida-ne’e fó
indikasaun baziku ida husi populasaun ne’ebé iha atu kuidadu hirak-ne’ebé idade tebes ona (Rowland, tinan 2003).
Ida-ne’e indikasaun estimativa ba numeru husi ferik/katuas sira husi sira-ne’ebé kuidade hamutuk nian 100 ida (la
sala sira nia oan hirak-ne’ebé boot ona). Iha kazu Timor-Leste nian, numeru katuas/ferik sira kada kuidade nain
hamutuk 100 hetan flaktuasaun nu’udár rezultadu husi modelu demografia pasadu no presente hirak. Husi tinan 2004
ba 2017, persentajen tun husi 8.7 ba 4.8 kada kuidadu nain 100 ida, no hafoin aumenta fali to’o 10.0 iha loron ikus
husi periodu projeksaun.
45