POPULATION PROJECTIONS Final in Tetum version

More documents

Recommendations

Info

PROJEKSAUN BA POPULASAUN TUIR GRUPU SEXU NO TINAN Rezultadu kompletu husi projeksaun (tuir Senariu Rekomenda) maka aprezenta iha Apendixu (Table A). Ida pasadu kompostu husi populasaun tuir grupu sexu no tinan no tuir mai, populasaun tuir sexu no tinan/idade klik hirak, ba hotu tinan kalendariu individual hirak husi tinan 2000 ba tinan 2050. SUMARIU NO KONKLUZAUN HIRAK Rezultadu husi projeksaun hirak-ne’e bele halo sumariu iha observasaun hat: 1. Hare’e ba populasaun husi Timor-Leste sei kontinua kresimentu ida-ne’ebé lalais no importante durante periodu projeksaun tomak (2004-2050) no espesialmente durante dekade oras-ne’e no tuir mai nian. Maibé, sé fertilidade tun, nu’udár asumi ona iha senariu hirak-ne’ebé maka hato’o ona, velosidade kresimentu populasaun sei tun neineik. Tuir senariu mediu, to’o iha loron ikus husi periodu projeksaun, populasaun sei iha 2% kada tinan. Tuir senariu ne’ebé hanesan mós, oras-ne’e, numeru anual husi kresimentu maka liu 3% no só iha inisiu husi dekade ne’ebé atu mai kresimentu sei to’o iha valor ida-ne’ebé iha persentajen ne’e nia okos. Maski iha redusaun iha velosidade kresimentu, populasaun sei esperiensia kresimentu absoluta ida. Husi estimasaun ida kala tokon 1 ba dekade oras-ne’e nia klaran, populasaun sei aumenta besik tokon 2 iha tinan 2030 no liu tokon 3 iha loron ikus husi periodu projeksaun. Nota katak iha senariu boot, iha ne’ebé fertilidade asume ba atu esperiensia redusaun modesta ida, populasaun sei to’o besik tokon 3 iha tinan 2040 no besik tokon 4 iha tinan 2050. 2. Nu’udár temi ona iha leten, asume ona katak fertilidade sei tun no sei kontinua nafatin durante periodu projeksaun iha senariu tolu. Maski iha asunsaun ida-ne’e ba futuru, populasaun sei kontinua esperiensia kresimentu importante ida. Ida-ne’e los katak velosidade kresimentu populasaunsei tun durante dekade lima atu mai, maibé ida kala sei sei hetan redusaun ne’ebé maka’as liu iha senariu mediu no ki’ik, hodi konsidera katak redusaun iha fertilidade nu’udár konklui ona. Ko’alia liútan, maski fertilidade tun sei lalais liútan, kresimentu populasaun sei maka’as nafatin. Razaun loloos ba influensa limita ida-ne’e husi fertilidade ba kresimentu populasaun maka momentum populasaun ne’ebé populasaun Timor-Leste esperiensia daudaun. Numeru fertilidade ne’ebé maka’as iha pasadu no oras-ne’e fó potensialidade ba kresimentu populasaun ida-ne’ebé lalais no maka’as maski iha redusaun fertilidade. 3. Analiza uluk husi relasaun entre fertilidade no kresimentu populasaun bele fó posibilidade aidea ne’ebé sala katak tendensia fertilidade la’os preokupasaun ida ba sasukat populasaun Timor-Leste nian iha futuru. Tendensia fertilidade hirak-ne’ebé diferente uza iha senariu tolu ne’ebé hato’o iha projeksaun-ne’e indika kakat, defaktu, durante dekade ne’ebé tuir mai no ida seluk tan, mundansa fertilidade bele iha impaktu ida-ne’ebé limita ba sasukat populasaun nian. Maibé, redusaun fertilidade ida-ne’ebé maka lalais liu, nu’udár izemplu, haforsa husi programa planiamentu familiar, sei bele nota iha tinan 2030 nia laran. 4. Mudansa iha estruktura tinan/idade ne’ebé hakarak, nu’udár rezultadu husi redusaun fertilidade, sujere potensial ba bonus demografia ida, maka porsaun husi populasaun foin sa’e sei menus no porsaun husi populasaun ho tinan/idade serbisu nian sei aumenta. Rekursu importante, ne’ebé sei sé la’e muda fali ba gastu sosial, bele uza fali ba hadiak infrastruktura nasaun nian. Maski velosidade kresimentu populasaun joven sei menus, kresimentu ba populasaun ho tinan/idade serbisu nian sei aumenta dramatikamente, aplika presaun populasaun maka’as ba sistema ekonomia. Ho liafuan seluk, izizensia ba serbisu sei aumenta maka’as. Maski ekonomia nasaun nia sei aumenta partikularmente, no izizi ba forsa serbisu nian sei esperiensia kresimentu ida ne’ebé hanesan, numeru husi kresimentu ba populasaun ho tinan/idade serbisu nian hare’e ba sei liu kualker numeru husi kriasaun serbisu ne’ebé diak. Só redusaun fertilidade maka’as ida maka sei bele rezulta iha expansaun husi populasaun ho tinan/idade serbisu sei konsumi ekonomikamente no permiti nasaun atu iha benefisiu husi bonus demografia ida hahu hafoin tinan 2020. Pontu final sei hasoru isu/asuntu importante liu ne’ebé mosu husi projeksaun hirak-ne’e. Expansaun husi populasaun ho tinan/idade serbisu nian ne’ebé asumi ona iha projeksaun hirak-ne’e fó desafiu boot ida ba ekonomia Timor-Leste nian, ne’ebé hanaran kriasaun serbisu hirak iha nivel ne’ebé bele konsumi kresimentu kuantidade husi ema ne’ebé tama ba forsa serbisu nian. Kresimentu husi populasaun ho tinan/idade serbisu nian maka faktor ida ne’ebé labele atu modifika tamba ida-ne’e la’os rezultadu husi tempu oras-nee, maibé husi dinamika demografia pasadu nasaun nian. Grupu boot ne’ebé moris iha tinan 1990 nia laran no parte dala uluk husi dekade oras-ne’e nian sei sai adultu joven iha dekade rua maitan no nune’e sai parte husi forsa serbisu nian. Maski sé, nu’udár tuir loloos iha ne’e, fertilidade 46
PROJEKSAUN BA POPULASAUN TUIR GRUPU SEXU NO TINAN hahu tun, kresimentu husi populasaun ho idade serbisu nian sei kontinua maka’as tebes. Isu/asuntu importante liu iha kazu ida-ne’e maka atu buka dalan atu konsumi kresimentu ida hanesan ne’e. Ida-ne’e importante atu realize katak solusaun hirak ba problema ne’e maka ekonomia no politika, maibé iha mós komponente demografia, sosial no kultural. Funsaun husi demografia maka la’os deit atu fó dadus/informasaun ba ekonomista no planu nain sira maib’e atu kontribui ho nia instrumentu konseptu no metodolojika rasik ba disukusaun politika publiku nian kona-ba kriasaun serbisu, investimentu no distribusaun husi rekursu sira. Ikus mai, ida-ne’e mós iha valor atu temi katak exersizu projeksaun ne’e sei dook husi hotu. Iha liútan projeksaun hirak ne’ebé tenki hala’o. Dala uluk, sei importante tebes atu halo projeksaun ba populasaun tuir distritu sira. Konsiderasaun boot ida iha kazu ne’e maka heterojiniti ne’ebé maka’as iha Timor-Leste. Projeksaun ida iha nivel distritu presiza atu konfirma projeksaun nasional oras-ne’e nian, ne’ebé dala ruma la bele hetan diversidade husi Timor-Leste nian. Dala rua nian, sei importante tebes atu hala’o projeksaun lubuk ida nu’udár exersizu simulasaun ida. Projeksaun hirak-ne’e bele hala’o atu determina kombinasaun optimu husi asunsaun kredibel kona-ba komponente ne’ebé sei lori ba velosidade husi kresimentu populasaun ne’ebé favoravel kona-ba no estruktura tinan/idade atu hetan objektivu dezenvolvimentu ne’ebé iha ona. Hafoin estudu no analiza didiak hirak, bele harii ona nivel husi kresimentu no estruktura populasaun ida nu’udár favoravel ba dezenvolvimentu sosio-ekonomiku. Distribusaun populasuan jeral optimu bele harii ona sé simulasaun hala’o iha nivel distritu. Kombinasaun husi tendensia fertilidade, mortalidade no migrasaun oioin ne’ebé sei presiza atu hetan populasaun ida ho karakteristiku sira bele explora ona liúhusi prosedura simulasaun ne’e. Ida-ne’e exersizu ida-ne’ebé maka orienta ba politika ne’ebé sei importante atu planu politika populasaun iha Timor-Leste. 47
Page 3 and 4: PROJEKSAUN BA POPULASAUN TUIR GRUPU
Page 15 and 16: Tabela 1 (kontinuasaun) Feto Tinan
Page 31 and 32: Tabela 7 (kontinusaun) PROJEKSAUN B
Page 37 and 38: 80+ 70-74 60-64 50-54 40-44 30-34 2
Page 39 and 40: 80+ 70-74 60-64 50-54 40-44 30-34 2
Page 47: PROJEKSAUN BA POPULASAUN TUIR GRUPU
Page 53 and 54: Tabela A (kontinusaun) PROJEKSAUN B
Page 57 and 58: Tabela A (kontinuasaun) PROJEKSAUN

POPULATION PROJECTIONS Final in Tetum version

Create successful ePaper yourself

Delete template?

Save as template?