MERINDADEAK Nafarroako Historiako Gaiak Bigarren ... - Navarra

Historiaurretik erdi arora
dauzkaten buztin ontzien hilerri handiak (La Atalaya Cortesen, La Torraza
Valtierran).
Herrietako harresiak, bestalde, jende gerlazaleago baten igarbide
dira, beharbada elkarrekin gatazkan aritzen zirelako edo indarrez finkatu
zirelako lurralde honetan.
k.a.ko IV. mendearen erdialdean kultura zeltiberikoaren eraginak
iritsi ziren Penintsula Iberikoaren erdialdetik; dornua sartu zen zeramika
egiteko, edo errotak aleak ehotzeko, eta hortaz garapen ekonomikoa
zuzpertu. Ez dakigu benetan metalurgiak zenbateko inportantzia zuen,
edo komertzioak edo oihalgintzak, ez eta zer harreman egoten ziren eskuarki
beste eskualdeekin. Mediterranioko arro osoan ordurako normalak
ziren idatzizko dokumentuak falta baititugu. Nolanahi ere, aurki
asko lurrok beretu zituen lehenbiziko inperio handia etorri, eta Historian
sartuko ginen.
30