BERRIA, 2011-04 - Wikispaces
BERRIA, 2011-04 - Wikispaces
BERRIA, 2011-04 - Wikispaces
Create successful ePaper yourself
Turn your PDF publications into a flip-book with our unique Google optimized e-Paper software.
16 berria <strong>2011</strong>ko apirilaren 17a, igandea<br />
Harian › Mundua<br />
Aljeriako Polizia unibertsitateko ikasleen manifestazio baten aurka egiten, Aljer hiriburuan, iragan asteartean. STR / EFE<br />
Larrialdi Legea bertan behera<br />
gelditu denetik, atentaturik<br />
gogorrena egin dute Aljerian<br />
Buteflika presidentea Konstituzioaren<br />
erreforma iragartzen ari zenean talde<br />
armatu batek hamahiru soldadu hil ditu<br />
Aljerko Martirien Plaza hesituta dauka<br />
gobernuak, protestak saihesteko<br />
Mikel Rodriguez<br />
Talde armatu batek hamahiru<br />
soldadu hil ditu Aljerian, Gobernuak<br />
larrialdi egoera altxatu eta<br />
bi astera. Neurri hori bertan behera<br />
utzi duenetik gertatutako<br />
erasorik larriena izan da. Agintariek<br />
Al Kaedari lotutako islamistei<br />
egotzi diete atentatua. Iturri<br />
horren arabera, ekintzaile talde<br />
batek armadaren zaintza postu<br />
bat tirokatu du Azazga herrian,<br />
Kabilian, Aljer hiriburutik 130 kilometro<br />
ekialdera. Tiroketak bi<br />
ordu inguru iraun du, eta bi ekintzaile<br />
ere hil dituzte soldaduek.<br />
Bertze iturri batzuen arabera, hamar<br />
soldadu eta ekintzaile bakarra<br />
hil dira. Armadak operazio zabala<br />
ireki du atentatua gertatu<br />
den inguruko basoetan, erasoarekin<br />
zerikusia izan duten ekintzaileak<br />
bilatu nahian. Eskualde horretan<br />
Al Kaeda Magreb Islamikoa<br />
erakundeak presentzia<br />
handia duela dio armadak.<br />
Larrialdi egoera 1992an ezarri<br />
zuen Gobernuak, milizia islamisten<br />
aurkako borrokan armadari<br />
botere eta eskumen gehiago emateko.<br />
Gatazka armatua gerra zibil<br />
bihurtu zen praktikan, eta 1990.<br />
hamarkadan 200.000 lagun inguru<br />
hil ziren. Azken hamarkadan,<br />
talde islamisten eragina nabarmen<br />
gutxitu da, armadaren errepresioaren<br />
eraginez hein handi<br />
batean. Abdelaziz Buteflika presidenteak<br />
iragan otsailean iragarri<br />
zuen larrialdi egoera bertan<br />
behera utziko zuela, erregimenaren<br />
aurkako protestak baretu<br />
nahian. «Bakarrik terrorismoaren<br />
aurkako borrokan beharrezkoa<br />
zelako dekretatu genuen legea»,<br />
adierazi zuen Buteflikak orduan.<br />
Larrialdi egoeraren<br />
legearen bidez, Gobernuak erakundeak<br />
legez kanporatu, etxeratze<br />
aginduak ezarri, protesta oro<br />
debekatu eta atxiloketa arbitrarioak<br />
egin ditu. Duela bi aste indargabetu<br />
zuen erregimenak,<br />
manifestarien oinarrizko eskakizunetako<br />
bati men eginez.<br />
Larrialdi egoera duela<br />
bi aste kendu zuen<br />
gobernuak, protestak<br />
baretzeko asmoz<br />
Protestak ez dira isildu, ordea,<br />
eta horiek baretu nahian, inguruko<br />
herrialdeetan gertatu bezala,<br />
Buteflikak erreforma neurriak<br />
iragarri ditu. Hain zuzen, azken<br />
atentatua gertatu zen unean, soldaduak<br />
Buteflikaren iragarpena<br />
telebistatik ikusten ari ziren.<br />
Konstituzioa, hauteskunde legea<br />
eta alderdien legea berrikusiko<br />
dituztela jakinarazi du presidenteak,<br />
«demokraziaren praktika<br />
hobetzeko». Hori noizko eginen<br />
duten ez du zehaztu, eta zin egin<br />
du alderdi politiko guztiak kontuan<br />
hartuko dituela, Parlamentuan<br />
ordezkaritzarik ez dutenak<br />
barne. Gobernuaren asmoa da<br />
«prozesu demokratikoan sakontzea,<br />
Zuzenbide Estatuaren oinarriak<br />
indartzea, ezberdintasunak<br />
murriztea, eta gizarte eta ekonomia<br />
garapena bizkortzea».<br />
Aljeriaren metropoli ohiak,<br />
Frantziak, erreformei sostengua<br />
agertu die. «Norabide onean»<br />
doaz, Atzerri ministro Alain Jupperen<br />
iritziz. «Magrebetik Pertsiako<br />
Golkoraino izaten ari diren<br />
askatasunaren eta demokraziaren<br />
aldeko herri mugimenduak<br />
Aljeriari ere eragin dio, noski».<br />
«Lotsaren harresia»<br />
Larrialdi legea bertan behera utzi<br />
eta erreforma politikoak iragarri<br />
arren, Gobernuak protestak<br />
saihesteko neurriak hartzen jarraitu<br />
du. Ikusgarrienetakoa Aljer<br />
hiriburuko Martirien plazan<br />
hartu duena izan da. Manifestarien<br />
elkargune nagusienetakoa<br />
izan da enparantza hori, baina<br />
agintariek alanbrearekin hesitzea<br />
erabaki dute bertan bilkura<br />
gehiago egitea oztopatuz. Aljeriako<br />
hainbat egunkarik «lotsaren<br />
harresia» deitu diote alanbrezko<br />
hesi horri. Quotidien d’Oran<br />
egunkariarentzat «alanbrezko<br />
hesiak larrialdi egoera ordezkatu<br />
du». Kamel Daud egunkariko editorialaren<br />
egileak dioenez,<br />
«apartheidaren aldeko irtenbidea»<br />
hartu dute agintariek plaza<br />
ixteko erabakiarekin.<br />
Sirian Larrialdi<br />
Legea hurrengo<br />
astean kenduko<br />
duela agindu du<br />
Al-Assadek<br />
Erredakzioa<br />
Sirian, 1963az geroztik indarrean<br />
den Larrialdi Egoerarako Legea<br />
hurrengo astean kenduko duela<br />
iragarri du Bashar al-Assad presidenteak.<br />
Lege horren babesean,<br />
gobernuak herritarren askatasun<br />
eremuak murriztu ditu eta<br />
aurkari politikoen kontrako errepresio<br />
zorrotza bideratu du. Martxoaz<br />
geroztik, Al-Assaden aurkako<br />
matxinadak piztu dira zenbait<br />
eskualdetan. 200 lagunetik<br />
gora hil direla ziurtatu dute giza<br />
eskubideen aldeko elkarteek.<br />
Libiako<br />
matxinoek aire<br />
erasoei esker<br />
aurrera egin<br />
dute ekialdean<br />
Erredakzioa<br />
Libiako matxinoek ekialdeko<br />
Brega herriko porturako bidean<br />
aurrera egin zuten atzo, NATOk<br />
Muammar Gadaffiren indarren<br />
aurka eginiko aire erasoei esker.<br />
Aliantzako hegazkinek diktadorearen<br />
sorleku Surt hiria eta Al-<br />
Hirako eskualdea ere bonbardatu<br />
dituzte.<br />
Libiako erregimenak, berriz,<br />
Misrata hiriari erasotzen jarraitu<br />
duen arren, CICR Gurutze Gorriaren<br />
Nazioarte Batzordea bertara<br />
ailegatu ahal izan da.<br />
Egiptoko<br />
erregimenaren<br />
alderdia<br />
desegiteko<br />
agindu dute<br />
Erredakzioa<br />
Hosni Mubarak Egiptoko presidente<br />
ohiaren PND Alderdi Nazional<br />
Demokrata desegitea eta<br />
haren ondasunak bahitzea ebatzi<br />
du Kairoko administrazio auzitegi<br />
gorenak. Epaileek hartutako<br />
ebazpenak dioenez, «ez du zentzurik<br />
ez du agintea deseginda<br />
egoteak, eta ez, ordea, haren bitartekoa<br />
zen alderdiak». PNDko<br />
presidente Talaat Sadatek iragarri<br />
du, baina, indar politiko berri<br />
bat eratuko dela, «PND Berria»<br />
izenarekin. PND 1977an sortu<br />
zuen haren osaba Anuarrek.