fotos ............................................... pag. 4 “Falsi”, Toras contis

More documents

Recommendations

Info

Che al è simpri il stes pinsîr, che mi tormente e che mi cjarìe come une suste e che al è simpri il me sanc, chel che o sint a boli e a sbufulâ come se al ves voie di scjampâ fûr che nol pues plui fâ fente, che nol pues plui stâ cence, e je domandarai usgnot: i domandarai di dâme e i domandarai di fâme viodi e i domandarai di fâme bevi e i sgarfarai intor, fin cuant che no je cjati e fin cuant che no je supi e no je disgoti e i sgarfarai tal refrigjeradôr, sot de taule o intes scansiis di cualchi armâr fin cuant che no le cjati e fin cuant che no le cjapi e fin cuant che no le strenç e no le sui cun dôs glotudis e “Una birra in due, ti va?” Cul caz. “Ho una Heineken in frigo, ce la beviamo e poi andiamo?” Dismenteiti. “O ce la beviamo con calma più tardi, quando torniamo?” Dismenteital. “Quando torniamo a casa?” <strong>contis</strong> Gjavital dal cjâf, bassilote; al è un mês e mieç che no ti viôt e che no ti strenç e che no ti nusi e vie discorint e tu tu ti impensis di rivâ a contentâmi cun mieze bire? Mieze bire. Mieze Heineken. Rispueste sbaliade, siôrs scoltadôrs; no ai sbaliade vite par bevi a miezis, no ai sbaliade strade par vêti a miezis, no ai contât i dîs par bramâti a miezis, no ai contât i bêçs par amâti a miezis e no mi passe di sigûr la sêt, cun mieze bire e no mi passe di sigûr la fan, cun mieze di te. Cun mieze gjaline muarte. Mieze cogume di fasûi. Mieze cjicare di brût di dado. E sbigulesbigulesbigule. E cazcazcaz. E nûf mancul vincj, ca di pôc, e nancje un cjan, denant di cjase. Denant di cjase sô. Nancje un cjan, denant di cjase sô e une Uno, denant di me. Une Uno rosse. Studade. Une Uno rosse targhe Udin. Udin cincesessantevotvotesessanteun. Une Uno rosse, studade. Une Uno rosse tipo vecjo. Denant di me. Denant di là che o parchegji ogni volte. Ogni volte cuant che o ven. Nancje un cjan, denant di cjase sô, e une Uno rosse studade tipo vecjo, denant di me e le buti par tiare, la cjarte de tiremole very Peppermint e very strong Gustolungo e no lu ai gjavât, il frontalìn dal Panasonic e le ai imboscade, la scjate dai sclibots e lu ai studât, il Nokia zingar e lu ai sapulît inte sachete a passonâ cul puarteclâfs de Morellato, che le
1 ai sierade di sigûr, la Punto JTD di seconde o tierçe man che no mi visi, che nol impuarte e che cui vûtu che le robi, li che e je; che cui vûtu che le tocji, li che e je. Caz. E sbigule. E mi pâr che a fasedin un tic masse casìn, lis mês Adidas neris tant che a talpassin il glerein dal curtilut e nancje une fuee, par tiare, e mi impensi che no mi visi se vie pal autun si discjavele, il bedoi tacât dongje dal puartonut che no sai migo se al è un arbul simpri vert, il bedoi, e che doman mi metarai a scandaiâ fûr in cualchi libri di cualchi enciclopedie cussì mi impensarai, cussì mi visarai. Soi alergjic, jo, al bedoi. Mi sint rivâ. Mi viôt. Mi fisse. Mi fisse cun doi voi che a somein busis di cûl cuntune lampadine parade dentri. Lampadinis di chês alogjenis. Sul fâ di chês dai fanâi antifumate. Caz. Mi fisse come se al ves voie di dîmi che al è lui il paron, che al è lui che al vîf cun jê, che al è lui l’om di cjase; mi fisse, il gjat blanc e neri covât su la capote ancjemò cjalde de machine de sô paroncine che al è un mês e mieç che no le viôt, la sô paroncine e che al è un mês e mieç che no le viôt, la sô machine assurde che no mi visi nancje la marche e che no mi visi nancje il caz di model e mole di fissâmi, vecjo. Soi alergjic, jo, ai gjats. E sbigule. E gnervôs inside. E lûs impiade, daûr de puarte, e lûs timide in cusine e daûr de mantie che incussiente e cêt e lûs, lûs paurose che e sbrisse fûr de puarte zaromai in sfrese e no le alci di tiare, la cjadree tant che le tiri un sblec in fûr par sentâmi e un plat sporc e cualchi fruçon, su la tavaie di plastiche e rumôr di aghe che e côr, par di là de parêt di cartonzes e cidinôr di aghe che si ferme, par sot de vetrinute picjade ae parêt e al cartonzes tabaiot e un sgarbonâ di clâf che e lamiche la sieradure e pas, pas discolçs su lis planelis e pas sotvôs che no tartâe, piel crote sul tapêt e sui disgots des mês falsis ciertecis che a trabascjin e “Massimo…” Caz. E sêt. E provâ a sgarfà intal refrigjeradôr? Cuasit cuasit… “Massimo, sei tu? Sei arrivato?” Tac. Brincade. Mostacjon di sessantesîs, frescje come une rose. Ancjemò di disniçâ. “Massimo, me lo faresti un favore? Devo aver dimenticato l’accappatoio da qualche parte, lì, in cucina. Me lo passeresti? Ti va?” Sbigule. “E’ quello rosso, me l’hai già visto addosso una volta, mi pare…” E sgarbessâ di lûs che si distude par di ca dal cartonzes. “Ah, dai un giro di chiave alla porta, anche, se vuoi; ora che sei qui possiamo chiudere, non trovi?” Soi alergjic, jo. Ancje a la bire.
Page 1 and 2: tabele fotos ......................
Page 3 and 4: Toras, pseudonim di E.C., al è nas
Page 5 and 6: 7 Mignestre. Brût di dado, fasûi
Page 7 and 8: E caz, però. E sbigule a pacs. E s
Page 9 and 10: 11 Une. Cuntune Uno. Une cuntune Un
Page 11: 13 Crepecûr e flât che cuasit nol
Page 15 and 16: 17 tal fof de sô panze. Lis sôs s
Page 17 and 18: 1 rivât prin di lui e o vevi une v
Page 19 and 20: 21 teatrâl plui scuintiade dal Fri
Page 21 and 22: 23 siet Lis fantatis a mi no mi jer
Page 23 and 24: 2 di domandâi par no dâi ancje ch
Page 25: 27 cul stant a ce che jê i veve si
Page 29 and 30: 31 lât a plantâsi di bessôl cu l
Page 31 and 32: 33 cjapâju. Ae fin si jere sintât
Page 33 and 34: 3 fin di fâ altris bêçs, par pod
Page 35 and 36: 37 ontadin di Daleniis che a forin
Page 37 and 38: 3 chest brut afâr. Cheste Catine C
Page 40 and 41: scr scrituris “usm Rivolte
Page 42 and 43: canics o sudamericans). Trop puedin
Page 44 and 45: atôrs dal cambiament. Il contat, i
Page 46 and 47: gje al talian, e di chê altre la f
Page 48 and 49: tiche da cuistion dal PENSÂ. Se un
Page 50: autôrs massimo govetto Al è nass

fotos ............................................... pag. 4 “Falsi”, Toras contis

You also want an ePaper? Increase the reach of your titles

Delete template?

Save as template?