fotos ............................................... pag. 4 “Falsi”, Toras contis

figade! Zio cantant, Dave Morales a bot e sclop che
al uache dentri te mê machine e che al sdrondene
jù pes cassis e sù pes orelis e polvar a çopedons sul
cruscot e tache in moto, mestre!
Tache in moto, sèmpie.
Tache in moto che o tachìn a movi il cûl e o tachìn
a niçâsi e che “Mandi mame, che mi rimpini bande
Udin” e seconde che usgnot no grate e tierce a
sdrondenon e cuarte juste a pêl denant de glesie
e fûr la frece, frizion pontade a bombe. Ferme un
lamp.
E caz.
E sbigule.
contis
“E un Jager, Walter; un Jager, une scjate di sclibots
e un pachet di tiremolis” e “Alore, piçul?”, e “alore
dâmi ancje di impiâ, siôr Walter e segne, parplasê; e
segne che no ai minûts e che no ai timp e segne, zio
budiel: segne che no ai flât di spindi e ligrie di spandi
e tenti un tic di cont, ti contarai cun calme”.
“Sigûr?”
Sigûr.
Ce miarde.
Ce ruspiose sbigule.
Ce ditu, ninine? Vino di inviâsi? Pardabon?
Buine.
Niçinsi, sûr; sclaudìn il JTD e anda in plene: e anda
a rote di cuel a pontâ il musìc in the city che o plantìn
lis tendis in the home de girl, usgnot, e resentìn
un sclip il sound chi dentri, che al varès di jessi un
disc dai Metallica, di cualchi bande, o di Vasco o dai
Guns o ce saio jo e “Dimentichiamoci questa città”
che pues lâ ben par sbrissâ vie di chest town indurmidît;
e tiercecuartecuinte a sbreghe, cence cuasit
plui caz. Cence cuasit sfolâ.