fotos ............................................... pag. 4 “Falsi”, Toras contis

7
Mignestre.
Brût di dado, fasûi inte cogume e cjâr lesse.
E sbigule.
E cjâr lesse di gjaline muarte; muarte di un toc,
come i miei voi cantesemâts: come un telefonin che
no mi clame, che no mi scrîf, che no mi cîr.
Caz.
E sbigule.
E al reste descul, il Nokia zingar, e nol pivete, il
Nokia biscar, e no mi clame a dimi “No sta vignî,
frutat” e no mi cîr a fâmi “Soi za pronte, mi gambii
la cotule di un lamp” e no mi scrîf a copâmi “Cotule
gambiade, gambiade ancje idee. No stin cjatâsi. No
stin cirîsi”.
E sbigule.
E caz, e trop isal che no le viôt?
Un mês e mieç? Un mês e mieze vite; mieze vite e
une altre cjiche, une altre cjoche e mieze vite e un
altri franc di sium di spindi e une altre barbe a pene
Sbigule
massimo govetto
fate e mi scampanotin intal buldrìc, i fasûi inte cogume.
Brût di dado.
Gjaline muarte.
E sbigule penze.
E impìiti, sassine bastarde, e frache il PWR e poche
il LOUD e savoltimi di BEAT e dispicjimi di WATT
e ce caz; il disc nol zire, il disc nol funzie: il disc nol
jes, nancje.
Dîs euro.
Dîs euro butâts jù pal ces par un caz di disc di tocs
di Very House e di Best of House che a mi nancje no
mi frèe, de House; schifose impestade.
E sbigule.
E zirament di cacos.
A bombe.
E cui isal?
Cui isal chel chì?
Dave Morales? Sassìne! Al à tacât a lâ! Il disc! Ce