copione - Silveria Gonzato

MARIALa vuto la lista? E alóra ciùcete le me giaculatorie!...Sucói….late….biscòti diotetici…BEPIPar el giornàl, g’ò da andàr a destra, a sinistra o verso i monti? Porca miseria, no mericordo più gnénte! Sa fago mi adesso? Maria, me giùtito a ricordar?MARIADipende da quel che te vól ricordar!BEPIG’ò da ricordar se g’ò da nar a destra o a sinistra….MARIADe sti tempi, no savarìa proprio sa dirte….Métete al centro, così te pól spostàrte a destrao a sinistra a seconda de come tira el vento.BEPIMaria, no stò parlado de politica! No me ricordo più sa g’ò da far.MARIAScólteme mi, intanto pensémo al magnàr, a l’àqua, a la luce, a la tolèt co’ le pantegàne,col galegiànte róto e co’ la finestra che no se vèrze, a la porta de la nostra càmara e elresto el se farà. No la pól mia pretèndar che fémo i miracoli, èra? Se così no ghe va ben,che la se ràngia! Éla l’è là co’ le ciàpe al sol, e noàltri sémo qua che deventémo mati; nosémo mia i so servidóri! Mi són bòna anca de ciapàr la prima coriéra par Verona, o de narin un albergo!....BEPIMi no me ricordo mia i posti e le diressión!MARIATe vè zó in strada e te dimàndi! Toh, la lista l’è pronta…e fa presto che g’ò da métar su elcunèl.BEPIDe le òlte, te dròpi el çarvèl bastànsa ben, ma pecà che dopo ‘n póco el se ingrìpa.MARIAFame ‘n piasér, Bepi, va via senò tachémo a barufàr de nóvo!BEPITi, intanto, désfa le valìse!MARIANo me lo insògno gnanca. Se le robe le sèita a nar come iè scominçià, vói tegnérmepronta a levar le ancore; ti te vien con mi e le dó nobili le lassémo qua, da par lóre sole, nele strépole. E adesso va, che l’è za tardi. Métete el capèl, senò, co’ sto sol, te va in bóio elçarvèl.Bepi cerca il cappello e se lo aggiusta in testa davanti allo specchio.Cari mei, la g’avéa resón me mama quando la diséa che l’ospite, dopo tri giorni el spussa.Noàltri sémo rivè da póco, ma steneghémo za. Se vede che sémo partìi che érino zasmarsi. Va, t’ò dito.Bepi si affretta ad uscire. Maria si lascia cadere sul divano.29