copione - Silveria Gonzato

Silveria Gonzato Passarelli
Verona Autunno '93
Aggiornato maggio 2008

2
Silveria Gonzato Passarelli
DON LUMIN
PERSONAGGI:
San Pietro
Don Lumin: parroco morto trent’anni prima
Don Alceste: parroco attuale
Iolanda: perpetua da sempre
Adelaide: parrocchiana
Augusta: parrocchiana
Gervasia: parrocchiana
Carla: infermiera
Suor Verecondia
Cesira: parrocchiana
Fulgensia: parrocchiana
Bragossa: medico del paese
2

3
ATTO PRIMO
SCENA PRIMA
L'interno di una canonica e l’ingresso
Personaggi: S. Pietro, don Lumìn (fuori scena)
S. Pietro:
Don Lumìn!.... Don Lumìn!
D. Lumìn:
Ci èlo che me ciàma? De ci èla sta ósse?
S. Pietro:
Don Lumìn!.... Don Lumìn!
D. Lumìn:
Sito ti, san Piéro?
S. Pietro:
Sì, són mi!
D. Lumìn:
Sa comàndito?
S. Pietro:
Te ricòrdito el concorso che t'è fato sìnque mesi fa?
D. Lumìn:
Qual concorso?
S. Pietro:
Quel dei santini tacà ai pachi de le candele; ti te ghe n'è mucià più de tuti; t'è vinto ‘n
premio.
D. Lumìn:
Dalbòn? E sa èlo che ò vinto?
S. Pietro:
T'è vinto ‘n viàio su la Tèra: te vedarè ancora el to paese, la to gente… Sito contento?
D. Lumìn:
I è trent'àni che manco da la Tèra, no ghe són più abituà. E se no fosse contento?
S. Pietro:
No me interessa gnénte, te ghe vè istésso. Te dovéi far de manco de catàr su santini.
3

4
D. Lumìn:
Ma mi credéa de vìnsar qualcos'altro! No sò....’n par de ale nóve, ‘n çèrcolo de oro da
métarme sóra a la testa… 'na vacànsa al sètimo cél....
S. Pietro:
Càvete le ale e torna tra i vivi. Quando sarà el momento te ciamarò de ritorno; noàltri te
spetèmo. Ricòrdete che su la Tèra te sarè invisibile: nissùni te vedarà e nissùni te
sentirà. E adesso va!
D. Lumìn:
Vago, vago!.... Che bel premio!... Che fortuna!.... Come són contento! Pecà che sta
gràssia de Dio no la ghe sia capità a 'n altro!... Che alta che l'è sta nuvola! Che fadìga
smontàr! G'avéa più fià quando ero morto. Vardè sa me tóca far a la me età, dopo tuta
la fadìga che ò fato a morìr. Qua, quando te credi de èssar a cavàl, no te sì gnanca a
pié.
SCENA SECONDA
Personaggi: don Lumìn (invisibile)
Don Lumìn entra nello studio di don Alceste, il suo successore. È invisibile.
D. Lumìn:
Indóe sónti? Ma questo l'è el me studio! Riconósso la scrivania, la poltrona, i me libri,
La tòla par magnàr….L’éra studio e anca sala da pranso….No ghe n’éra lussi!....Ma è
restà tuto come ai me tempi!
D. Lumìn vede un suo ritratto appeso alla parete.
D. Lumìn:
Varda ciò, i m'à tacà al muro: i g'à messo la cornìsa a la me fotografia. Però, no credéa
mia de star così ben tacà via!
SCENA TERZA
Personaggi: don Alceste, don Lumìn (invisibile)
Entra un prete che si avvìa verso la librerìa.
D. Lumìn:
Ci èlo sto qua? Èlo questo el modo de comportàrse? No se domanda gnanca
comparmésso?
Don Alceste cerca un libro che lo ispiri per il sermone della domenica.
D. Alceste:
"La cucìna veronése"; sa falo qua sto libro? La me perpetua la sistema le robe con ‘n
criterio che la capìsse solo éla. Vuto védar che la m'à messo el messàl in cusìna?.... "
Din don, campanón"; questo l'è de Ortensio, el campanàr…. "Come mantenersi caste e
4

5
pure"; questo a mi no 'l me serve de sicuro e gnanca a la me perpetua: l'è bruta come el
pecàto….Ah, fòrsi, l’è de suor Verecondia…Ma no se lassa in giro sti libri!... "Sandocan
alla riscossa"; che santo èlo sto qua?....Mi no l'ò mai sentìo…. " Santi e belli"; questo el
pól andàrme ben. G'ò da preparar la predica par la messa de domìnica; l'è 'na vita che
predico; ormai, no sò più sa dir. Manco mal che i me parochiàni no i se ne inacòrse mia
quando me ripeto: gh’è ci nasse e gh’è ci móre, ci no g’à più tanta memoria e ci no stà
mai atènto, e così, par quel, la predica l’è sempre nóva. Ghe n’è anca qualchedùn de
sordo…e ghe n’è dei altri che no ghe interessa ‘n figo séco de quel che digo, a la fàcia
de sto baùco ch’el stà qua de le ore par butàr zó quàtro parole co’ ‘na s-ciànta de
senso.
Don Alceste prende carta e penna esi siede alla scrivania.
Don Alceste:
Fratelli!.....Nò, "fratelli" no 'l me piàse più, el m'à stufà. L'è ora de cambiar: i è secoli che
le prediche le scomìnsia così!... Amici!....Nò, no me piàse gnanca "amici".
Compagni!....Par carità! Sta parola la me fa védar rosso…..I la dise i comunisti!... Sti
bruti malcunà magna butìni!...Manco mal che adesso gh’è ci li méte a posto!.... Beate
creature!.... Beate creature?... Ghe sémo: l'è ‘n modo de scominsiàr afetuóso,
poetico…. da prete; el me fa vegnér in mente san Francesco…. El me piàse proprio.
Il prete comincia a scrivere sillabando le parole.
Beate creature…… in qualità di parroco...
D. Lumìn:
Pàraco?.... Són mi el pàraco!... Sa scrìvelo sto qua?.... Ma varda ti sa me tóca sentir!
Manco mal che no l’à scrito “camerati”!....G’avaréa tirà ‘na sgnàcara sul copìn, che la
ghe saréa passà la óia de pensar a la politica…Sa gh’è de mal a continuar a dir
“fradèi”?...No lo sémo tuti?....Uno ch’el se ciàma Bèpi, dopo vint’àni, g’alo da cambiar
nome?...Nò!…El se ciàma sempre Bèpi.
D. Alceste:
Vi esorto…. a frequentare….. più spesso…. la chiesa...
D. Lumìn:
"Vi esorto"? "Frequentare"? Te pól imaginàrte se i me parochiàni i lo capìsse! Bisogna
èssar s-cèti e duri e lassàr star le parole da siensiàto… Scólteme mi: "Parochiàni, volìo
andar a l'inferno scarpe e tuto? Volìo andar a farve gratàr la schéna da la forca de
Satanàsso? Volìo andar a farve scaldar le brisòle su la gradèla de Lucifero? Volìo
andar a farve incornar da Belzebù? Fasì de manco de vegnér a messa! Bruti saùghi
che no sì altro!"… Parla come te magni!.... “Beate creature!”… "Beate creature"; el me
fa proprio rìdar…. Ciàmeghe slandróni!
D. Alceste:
Iolanda!... Iolanda!
D. Lumìn:
5

6
Iolanda? Ma l'è la me perpetua! Sa èle ste confidènse?.... Però, l'è ancora viva; la sarà
vècia stracampìa.
D. Alceste:
Iolanda!
D. Lumìn:
L'éra za mèza sorda trent'àni fa; figurémosse adesso!... Però,mi g’ò sempre avù el
sospèto che la fasésse da sorda. Quando qualcosa la ghe interesàa, la sentéa anca le
moréciole caminàr par la canonica.
SCENA QUARTA
Personaggi: Alceste, Iolanda, don Lumin (invisibile)
Entra una vecchia trascinando i piedi; la sua andatura è molto lenta.
Iolanda:
Vègno!... Calma!.... El staga chièto!.... No 'l vede che són drio a córar?... Vórlo che me
rompa l'osso del còl?
D. Alceste:
Par carità, Iolanda, ralènta!....Te me pari Tomba la Bomba.
Iolanda:
El me tól anca in giro….. Iolanda qua, Iolanda là, Iolanda su, Iolanda zó...Me crédelo
Figaro?
D. Lumìn:
Santo Paradiso!... Se prima l'éra bruta, adesso l'è anca pèzo: la fa spaènto; la g'à più
ràpole in fàcia che cavéi su la testa. Questa l'è stà stampà proprio par i preti…. L'è
contro ogni tentassión…. Maria de oro, no són gnanca bón de vardàrla… I preti no i g’à
mia da desiderar le dòne, e manco ancora tocàrle….Ma vardàr se pól sempre….Che se
contenta almànco l’òcio…..Ma gnénte bruti pensieri!...Bruti pensieri….La me pàr
‘n’esagerassión….No i ghe fa mal a nissùni!....Ma se i vól così….Çèrto che, de le òlte,
no l’è mia facile tegnér fermi i pensieri….Qua, in canonica vegnéa de quéle
sposéte…..E le se rufianàa anca……Quante penitènse che ò cognèsto far!
Iolanda:
Cosa comàndelo?
D. Alceste:
Ascolta, beata creatura!
Iolanda (dopo essersi guardata attorno):
Mi me ciàmo Iolanda.
D. Alceste:
E mi te ciàmo "beata creatura".
6

7
Iolanda:
E mi no rispondo parché me ciàmo Iolanda, Iolanda Sbrisolón.
D. Lumìn:
Avìo visto come le fonsióna qua le novità?...G’avaréa messo la man sul fógo.
D. Alceste;
Ma "beata creatura" l'è ‘n modo de ciamàr afetuóso, come sorèla, amìga...
Iolanda:
Ma mi me ciàmo Iolanda, Iolanda Sbrisolón e no són sorèla de nissùni…e manco
ancora amìga….Me mama la m’à messo al mondo solo mi….Quando l’à visto sa gh’éra
riussìo, no l’à più volù fiói!...A mi, “bèla butìna” no me l’à mai dito nissùni…I se oltàa da
l’altra parte…Me pare, dopo che són nata, l’à scominsià a béar e me mama la me
petenàa coi cavéi davanti a la fàcia. Me faséa de pecà da par mi sola. Quando ò
scominsià a far la perpetua e capitàa qua dei curatini par far pratica, se ghe vegnéa i
sbisigolìi de la gioventù, el pàraco el voléa che me ghe sentàsse davanti. Ghe passàa
tuto par ‘n bel tòco…’Na òlta don Lumìn el m’à fato anca de le fotografie…I m’à dito
ch’el le à portà in seminario….Ò sentìo dir che ò salvà de le vocassión.
D. Alceste: (tra sé)
L’ò vista anca mi quéla fotografia là!...La faséa efèto…E come!...A mi me passàa parfìn
el sangiòto….A qualchedùn gh’è vegnù anca le bróse…..
(A voce alta)
E va ben, Iolanda, no vói barufàr par così póco….E no stà farte vegnér le
malinconie…La beléssa l’è ‘na roba che passa…No la conta gnénte…Te l’ò dito tante
òlte, possibile che g’àbia da dìrtelo ancora? Iolanda…. g'ò la bóca amara, ‘n grópo qua
sul stómego e 'na sfinisión che òlto via.
Iolanda:
Ò capìo: ghe vól ‘n gosséto de quel bòn. Quel che preparo da magnàr mi el gh'è
sempre indigesto. Don Lumìn (pace a l'ànema sua) el se lecàa anca i dièi quando el
magnàa le me pietànse.
D.Lumìn:
Me lecàà i dièi par la fame: la me dava de le porsión che no le bastàa gnanca par 'na
creatura de du mesi sóto peso. Che brontolóni de stómego!..... Che debolésse!
D. Alceste:
Pòrteme ‘n gósso de vin de quéla botìlia che ò vèrto ieri sera. No g’ò mia óia de
béar….Vardo se ‘n biciér el me giùta a digerir.
Iolanda:
No ghe n'è più.
7

8
D. Alceste:
No ghe n'è più? E ci èlo che l'à beù?
Iolanda:
Sa vórlo che sàpia mi? Con tuta la gente che gira par la canonica.
D. Lumìn:
No è cambià proprio gnénte: tuto istésso. La canonica l’è sempre stà ‘n porto de
mar….E tuti i vól comandar. Gh’è parfìn qualchedùn che l’à preteso le ciàve…..E mi ghe
i ò date…Sa volìo mai, da solo no se pól mia tegnérghe drio a tuto e così, par avérghe
‘na s-ciànta de aiuto, o cognèsto rivàr a dei compromessi. I vegnéa drénto, i verséa
dapartùto, i se toléa quel che ghe faséa comodo….E el vin santo, intanto, el
svampìva…Me ne ocoréa ‘na damigiana a la setimàna…E le dòne?....Maria santissima
che crussio| Le scomaràva parfìn nei me casséti….E le savéa tuto lóre….El g’à da far
così, el g’à da far colà, e la predica che l’à fato no l’à m’è mia piasùa e le letùre el ghe
le lassa far a quéle che i è bòne de lézar.El ghe diga a la perpetua che sui banchi gh’è
tri dièi de pólvar….che gh’è le candele da smocolàr, i fiori da cambiar….E mi le dovéa
soportàr! Po’, quando le tacàa a parlar dei altri, no le se femava più. Da quéle bóche
vegnéa fóra de tuto: la tale la ghe fa i corni al marì, quel’àltra la va dedrìo a le sése col
moroso, el becàr l’imbròia sul peso, el sagrestàn el roba le lemòsine….No se salvàa
nissùni. Quando vegnéa la gente a confessàrse, i mandàa via sènsa star lì a pèrdar
tempo, parché tanto, savéa za tuto.
Suonano alla porta.
D. Alceste:
Iolanda, i à sonà, va a vèrsar.
Iolanda:
Vago!.. Córo!... In sta casa l'è tuto ‘n passo e ‘n salto! Tuto de corsa me tóca far. Sti
qua i crede ghe g'àbia ancora vint'àni. Me mantègno ben, questo bisogna dirlo, ma i ani
i gh'è.
Suonano ancora.
Iolanda:
Ò capìo!... Vègno!... 'Na s-ciànta de passiènsa! G'avìo el fógo tacà al dedrìo? I
g'avésse qualcosa de importante da vegnér a dir o a far; i vien qua solo par far
bagoléssi, i vien a confessàr i pecàti dei altri e a métar el naso indóe no ghe tóca…E
don Alceste el ghe lo lassa far!....E don Lumìn, pace a l’ànema sua, l’éra istésso.
D. Lumìn:
E quei che vien dopo i confessa i pecàti de quei che i è vegnùi prima. E così i fa pata!
Iolanda:
8

9
Massa bontèmpo gh'è, ve lo digo mi! Par carità, no i è mia tuti così....ma quasi. Gh'è
anca de le brae persone, ma quéle te le vedi póco anca in césa.
Suonano ancora con insistensa.
Iolanda:
Ò dito che vègno! Vago pian, senò dopo no són più bòna de fermàrme. Qua i è tuti
paróni, solo mi són la serva. Savaréa mi come tratàrli; ma me tóca farghe bel acèto,
senò don Alceste el se la tól con mi. "Le porte de la canonica i è sempre vèrte": così el
g'à el coràio de dir dal pulpito....Sempre vèrte? Són mi che córo a vèrzarle ogni du
minuti, anca se gh’è de quei che i se le verze da par lóri soli: i è quei che g’à la ciàve.
SCENA QUINTA
Personaggi: Iolanda, don Alceste, Adelaide, don Lumin (invisibile)
Entra la signora Adelaide.
Iolanda apre la porta e entra Adelaide.
Iolanda:
Bongiórno, sióra Adelaide!
Adelaide:
Buongiorno, Iolanda!
Don Lumìn:
Questa la cognósso ben. L’à sempre dito che l’è ‘na foresta… L’è vegnùa qua apéna
sposà e l’à scominsià subito a rómpar. No ghe n’ éra mia za bastànsa de séca scatole?
Àrdela qua, co’ ‘na s-ciànta de ràpole, ma sempre co’ quel far da sprotóna ch’el me
faséa andar su parfìn la pressión.
Iolanda:
Sa èlo che posso far par éla?
Adelaide:
Lei niente; vorrei parlare con don Alceste.
Iolanda (rivolta verso il pubblico):
L'avaréa giurà; mai più la vien a parlar con mi! A mi l'è za bastànsa che la me séca le
óre. Questa la fa parte de la nobiltà…L’è la sióra Bombarda, la moiér de uno ch’el g’à a
che far co’ le navi…. ‘n militàr, credo.
Adelaide:
Disturbo forse?
Iolanda (rivolta verso il pubblico):
9

10
A mi, de sicuro!... Ma no g'ala gnénte sta qua da far a la matìna? Mi, che g'ò da rincuràr
solo sto vècio prete, no g'ò tempo gnanca de supiàrme el naso, e sta qua, con ‘n marì e
‘n fiól ancora da sposar, l'è za in òlta de matìna bonóra.
Iolanda (rivolta ad Adelaide)
Ma schèrsela, sióra Adelaide? Érino qua che l'aspetàino. La se còmoda che vago a
domandàrghe al pàraco se’l pól ricévarla. (Tra sé) Quante bale che me tóca contar! Ma
sti pecàti qua i va tuti sul conto de don Alceste: l'è stà lu a dar tuta sta libertà.
D. Lumìn:
La sióra Adelaide l'à sempre spacà el minuto; mi regolavo l'orolòio su de éla. Ghe
ciamàvo "l'Ora Esàta" e quando l'andava via, ghe ciamàvo "Séca Ore".
Iolanda, strascicando i piedi si avvia verso la scrivania.
D. Alceste:
Va pian, Iolanda! Va pian! Te me pari 'na sginsa. Te fè ‘n spostamento d'aria che me
sgóla via tute le carte.
Iolanda:
Pòra mi, che corse! G'ò el cór che me s-ciòpa.
D. Alceste:
Sa gh'èto da dirme Iolanda?
Iolanda:
El spèta 'n àtimo che me torna el fià!
D. Lumìn:
E alóra gh’émo da spetàr ‘n bel póco. Don Alceste, gh'è l' "Ora Esàta". Órpo! Me
desmentegàvo che nissùni pól védarme e sentìrme.
Iolanda fa dei respiri profondi tenendosi la mano sul petto.
D. Lumìn:
Anca da zóena, l'Adelaide, l'è stà sempre convinta che, sènsa de éla, andàsse in
malora tuta la paròchia. O fòrsi, la lo voléa far crédar.
Iolanda:
Qua, i me vól védar morta....Là fóra, come tute le matìne, gh'è la sióra Adelaide che la
vól parlar con lu. Ghe digo de vegnér avanti o de nar indrìo?
D. Alceste:
E ci èla la sióra Adelaide?
10

11
Iolanda:
Ci l'è la sióra Adelaide? Ma se l'è qua tute le matine! Lu, fòrsi, el ghe ciàma "Beata
Creatura", "Fióla de Maria", "Madre Coràio" o "Reverenda". L'è quéla che parla in
chìcara, quéla che la fa la fina, quéla che sà tuto.
D. Alceste:
Iolanda, me pàr che la sióra Adelaide no la te sia mia massa simpatica.
Iolanda:
Ma sa dìselo, don Alceste? Schèrselo o pàrlelo sul serio? A mi la me piàse assè!...
Spèce quando no la vedo.
D. Alceste:
Eh!.... Iolanda, Iolanda!
Iolanda:
Stamatìna, la profùma de mughéto da tór el fià. Alóra…. la fasso vegnér drénto?
D. Alceste:
La porta de la canonica l'è sempre vèrta.
Iolanda:
Sempre vèrta? L'è sempre serà! Són mi che continuo a nar avanti e indrìo par vèrzarla;
orami ò consumà tuta 'na fila de matonéle e dosènto sampàtole. Parché no ghe dalo la
ciàve a quei che i è sempre qua?
D. Alceste:
Parché mi no g'ò mia la ciàve de casa sua!
Iolanda:
Giusta anca questa.
D. Lumìn:
Qualcosa è cambià: ghe n’è manco de ciàve in giro.
Iolanda va verso Adelaide.
Iolanda:
La vègna avanti, sióra Adelaide, la vègna avanti! Don Alceste el la stà spetàndo.
Adelaide:
Non vorrei importunare.
Iolanda ( tra sé)
E sa èlo che vól dir? (a voce alta) L'è mèio che de çèrte robe la parla diretaménte con
don Alceste, mi no volaréa farla confóndar. (Tra sé) L’è ‘na mòta de ani che l’è qua e no
11

12
l’à gnancóra imparà a parlar come se usa tra cristiani. Ma don Alceste el pàr ch’el la
capìssa….Lu el capìsse anca el latìn.
Adelaide entra nello studio di don Alceste.
Adelaide:
Riverisco, Reverendo.
D. Alceste::
Bongiórno, beata creatura! Qual bòn vento?
D. Lumìn:
Quel de ogni matìna. Beata creatura. El sùpia sempre ne la stessa diressión, come
trent’àni fa.
Iolanda: (tra sé)
L’è la bora. A sta qua ghe casca la casa su la testa.
D. Alceste:
Cosa posso far par éla? Èla vegnùa a confessàrse?
Adelaide:
No, Reverendo, non ne ho bisogno. Io non faccio del male a nessuno. Anzi! Ma non mi
vanto mai dei miei meriti. Quello che faccio mi viene dal profondo del cuore….Come
una vocazione….Come una spinta verso il bene.
D. Lumìn:
Ghe lo daréa mi ‘n bel spintón! Ma g’ò da tegnérme: són ‘n’ànema del Paradiso.
Iolanda: (rivolta al pubblico)
Ma schersémo? Quéla no l'à mai fato gnanca ‘n pecatìn. Se no la se tien tacà, la sgóla
in cél anca co’ la borséta: l'è 'na santa.
D. Lumìn:
Pura come ‘n gìlio!
Iolanda:
Don Alceste, ghe porto ‘n gosséto de quel che se beémo tuti i giorni?
D. Alceste:
Ma sa dìsito, Iolanda? Strapàrlito? Te lo sè che mi béo solo àqua de Vissìn. El vin lo
béo durante la messa parché són costréto, ma par mi l’è ’n sacrificio, ‘n patimento che
ghe òfro al Signór par la salvéssa de le àneme de la me paròchia.
Iolanda:
12

13
Áqua de Vissìn? Parché? Se pól béarla anca da lontàn?
D. Alceste:
Iolanda, mi no béo mai alcolici.
D. Lumìn:
Santo Paradiso, che balìsta!...Manco mal che l’è ‘n prete!
Iolanda:
Come no 'l bée mai alcolici? Ma se prima el m'à dito.....
Don Alceste si precipita a mettere la mano sulla bocca di Iolanda.
D. Alceste:
La me scusa, sióra Adelaide, la me perpetua la stranùsa sempre sènsa métarse la man
davanti a la bóca, e così, g’ò da pensàrghe mi. Iolanda, mi no béo mai! Són astemio!
Èto capìo?
Iolanda:
Oh! Poaréto! Da quando èlo che l'è astemio? Indóe se l'alo ciapà sta malatìa?
D. Alceste
Iolanda, lo sèto sa vól dir astemio?
Iolanda:
Vól dir che.....se stà mal......se sgiònfa i òci........vien le stornìsie.......Nò, no lo sò mia.
D. Alceste:
E alóra tasi!
Iolanda:
Siorsì.
Adelaide:
L'ignoranza è la grande piaga della società.
Iolanda:
Sa ala dito?
Squilla il telefono.
Iolanda:
Pronti…. Són mi.......G'ò dito che són mi........Se la m'à telefonà, la g'à ben da savér ci
són.........Se pól savér invésse ci l'è éla?................E sa vórla?.......Nò, don Alceste no 'l
vien mia a benedìrghe la casa: el g'à da star via da l'aria, l'è astemio.
13

14
Iolanda interrompe bruscamente la comunicazione.
D. Alceste:
Ma che figure me fèto far? Dime el nome de ci t'à ciamà, che almànco me scusa.
Iolanda:
No me lo ricordo più.
D. Alceste:
E sa fago mi adesso?
Iolanda:
A mi el me lo dimànda? L'è lu el pàraco. La “Reverenda” fòrsi la pól darghe ‘n consìlio;
mi són 'n'ignorante.
Adelaide:
La licenzi!
D. Alceste:
Par carità, no la se fassa sentir: la devènta catìa come 'na brèspa.
Iolanda:
Par el grópo sul stómego, ghe porto el bicarbonato?
D. Alceste:
Iolanda, m'è passà tuto, stò benón!
Iolanda:
No èlo più gnanca astemio?
D. Alceste:
Nò!
Iolanda:
E alóra ghe porto ‘n gosséto de vin.
D. Lumìn:
Iolanda, sèntete lì e tasi! Èto capìo? Tasi!
Iolanda:
O mi són inseminìa o anca i preti, ogni tanto, i conta qualche bala. Se vago a l'Inferno
mi, i ghe vien anca lóri.
D. Alceste:
La me scusa, sióra Adelaide; gh'è da portar ‘n saco de passiènsa. Fòrsi, adesso,
podèmo star 'na s-ciànta in pace. La me diga.
14

15
Adelaide:
Reverendo, penso che non ci sia bisogno di dire che io sono stata sempre una brava
parrocchiana.
D. Alceste:
Parché? Qualchedùn l'àlo fòrsi messo in dùbio?
Adelaide:
Oh, nò, don Alceste! La mia era una semplice considerazione.
Iolanda: (tra sé)
L'è inutile che próa a dir la mia: i me seraréa la bóca subito.
Adelaide:
Intendevo dire che anche tutti gli altri parrocchiani dovrebbero fare come me.
Iolanda: (tra sé)
Ma éla la trovaréa sempre el modo de star sóra l'àqua come l'òio o come qualcos'altro
che sò mi.
D. Aceste:
Sacrosante parole, sióra Adelaide. La me scusa, éla me capìssela se mi parlo in
dialèto?
D. Lumìn :
La te capìsse !... La te capìsse! Da indóe crédito che la végna? La vien da Rosegafèro.
So mama la vendéa brucoli in piàssa e so pare el faséa el stradìn. L’è ‘na foresta par
modo de dir. L’à sempre dito che la vien da Firènse, ma l’è so marì che l’è de quéle
parti.
Adelaide:
Mi sfugge qualche parola, don Alceste, ma non si preoccupi: riesco ugualmente ad
afferrare il senso dei suoi discorsi...Per tornare al nostro ragionamento...
D. Lumìn:
Són proprio curioso de védar dove la va a parar.
Adelaide:
Io ho l'intenzione di continuare a collaborare come ho sempre fatto.
D. Alceste:
Bràa! Bràa!
D. Lumìn:
Dighe anca bràa, furbo che no te sì altro; ci èlo che le ferma adesso?
15

16
Iolanda: (rivolta verso il pubblico)
Mi no posso védarla, la me stà qua. Ma indóe èlo el ben che la fa? Mi l'ò sempre sentìa
sbatolàr e basta. Che la vègna a darme 'na man a mi, se la g'à tuta sta óia de darse da
far; o che la staga a casa a far i mestieri, quéla gingiòna, che saréa mèio par tuti!
Adelaide:
Non per criticare, Reverendo, lei lo sa che io non dico mai male di nessuno.
D. Lumìn:
Par carità! Nissùn no 'l l'à mai gnanca sospetà!
Adelaide:
I parrocchiani che salgono sull'altare per le letture.....A me muore il cuore a dover dire
certe cose.
D. Lumìn :
Te pól imaginàrte! La se ingrassa de sìnque chili in te ‘n colpo solo.
D. Alceste:
La me diga, la me diga, sióra Adelaide, no la se fassa problemi.
D. Lumìn:
La te le dise sì…. L'è vegnùa par quel!
Adelaide:
I lettori.....dovrebbero avere un'espressione più ispirata, più concentrata; dovrebbero
leggere con più scioltezza, senza impaperarsi, senza storpiare le parole....Insomma,
dovrebbero almeno imparare a leggere.
D. Alceste:
Dìsela?
D. Lumìn:
L'à za dito!
Adelaide:
Eh sì, purtroppo! Fanno fare brutta figura a tutta la comunità. Parliamoci chiaro: è gente
che non sa neppure parlare l'italiano.
Iolanda: (tra sé)
Léngua maledéta, la parla in difìcile ma ò capìo istésso che la dise mal de qualchedùn.
D. Lumìn:
Però éla, a lézar, no la ghe va mia.
D. Alceste:
16

17
La senta, sióra Adelaide, mi la ringràssio par el so desiderio de darse da far, ma a mi, i
letóri, i me va ben così.
D. Lumìn:
Così se fa! E adesso móstreghe la porta!
Adelaide:
Per carità, don Alceste, li lasci pure leggere. Beati gli umili e gli ignoranti!
D. Alceste:
La varda che l'ultima parola la ghe l'à zontà éla.
D. Lumìn:
Quéla la te cambia anca le preghiere del breviario, se te ghe lassi far.
Adelaide:
Lei è un sacerdote alla buona e si accontenta di poco.
D. Alceste:
Èco, giusto; me contento de quel che g'ò. A ogni modo, sióra Adelaide, mi la ringràssio
tanto per la so bòna volontà.
Adelaide:
Dovere, Reverendo, dovere. Ma già che ci sono, ci sarebbe un'altra cosa.
Iolanda: (rivolta al pubblico)
Ve paréa che l'avésse finìo!
Adelaide:
Al momento dell'offertorio, lei manda a raccogliere le offerte dei fedeli sempre Iolanda e
Gervasia, col risultato che sapete: le casse della parrocchia sono vuote. Se mandasse
qualcuno con un po' più di bella presenza, che sappia le buone maniere, una persona
distinta, forse la gente si metterebbe un po' di soggezione e darebbe di più.
D. Alceste:
Quel che i dà l'è bastànsa
Iolanda (rivolta al pubblico)
Quando la passa da qua par nar via, ghe smàstego ne la récia quatro parolàsse che la
se cava la óia de dir sempre su de tuti. Léngua velenosa! Quéla l’è pèzo de quel bisso
che l’à portà Eva a la perdissión.
Adelaide:
E i poveri della parrocchia?
17

18
D. Alceste:
Anca quei i se contenta de póco: l'è bastànsa anca par lóri.
D. Lumìn:
Se la dasésse in carità tuto quel che la spende in sbeléti, ghe ne saréa da dàrghene
anca ai poaréti de le altre paròchie.
Suonano ripetutamente alla porta.
D. Alceste:
Iolanda, va a vèrzar.
Iolanda:
Vago!... Vago! Ma el ghe scriva fóra che se sóna ‘n colpo solo e che dopo se spèta.
D. Alceste:
Va ben, Iolanda, va ben!
Adelaide:
I servi sono tutti uguali: maleducati, arroganti e chiacchieroni.
D. Lumìn:
Se la le sente la Iolanda, la ghe cava quei quàtro penòti incolorìi che la gh'à in testa.
SCENA SESTA
Personaggi: Iolanda,Adelaide, Augusta, don Lumin (invisibile)
Ingresso.
Iolanda:
Bongiórno, sióra Augusta, sa posso far par éla?
Augusta:
Vorrei parlare con don Alceste.
Iolanda:
Anca éla?
Augusta:
Perché? C'è già un'altra persona?
Iolanda:
Gh'è la sióra Adelaide.
Augusta:
Allora mi siedo in un angolino e aspetto.
18

19
Iolanda socchiude la porta dello studio e origlia.
D. Lumìn:
Senti, senti! I me parochiàni i parla tuti in chìcara. Solo la Iolanda l'è restà rùstega
come 'na galìna padoàna.
D. Alceste:
Sa élo che la g'à da dirme ancora, sióra Adelaide?
Adelaide:
Quando al sabato vengo alla messa delle diciotto e trenta (come sa, perché mi vede), io
mi metto sempre nel primo banco e, da lì, posso vedere tutto.
D. Alceste:
E sa élo che la vede?
D. Lumìn:
Sa èlo che la vede?
Adelaide:
I coristi.
D. Alceste:
E sa gh'ài i coristi?
Adelaide:
Si comportano in una maniera indecorosa.
D. Alceste:
Santo Paradiso, sa èlo che i fa?
Iolanda:
Sióra Augusta, éla càntela ne la corale?
Augusta
Sì.
Iolanda:
E alóra l'è mèio che la se stupa le réce.
Adelaide:
Si girano, chiacchierano, sono distratti; c'è gente che stona e sono
vecchi! Mi sembra il coro del geriatrico.
vecchi, troppo
D. Lumìn.
19

20
Parché no ghe vala éla a darghe ‘na bòta de gioventù?....Ormai, anca ti te sì da
geriatrico, cara mia. T’è za cambià anca i secondi denti, e quando te spacarè quéla
dentiera lì, te rivarè ai tèrsi.
.
Augusta e Iolanda entano nello studio di don Alceste.
Augusta:
Ma come si permette lei di parlare a quel modo?
Iolanda:
Ghe l'avéa dito mi de stupàrse le réce.
D. Lumìn:
Adesso le se dà....Atènta Adelaide! L'Augusta l'è de brasso bòn.
Adelaide:
E chi è questa che entra senza annunciarsi?
D. Alceste:
Sióra Adelaide, ghe presento....
Augusta:
Non c'è bisogno di presentazioni: abitiamo nello stesso palazzo….Lei occupa
l’appartamento sopra il mio. Purtroppo!
Adelaide:
“Purtroppo” lo dico io!
Augusta:
"Purtroppo" io lo ripeto e lo sottolineo. Comunque posso dire anche “disgraziatamente”
D. Lumìn:
Èco, bràe, metìve d’acòrdo almànco su qualcosa. L’è póco, ma l’è sempre ‘n passo in
avanti.
D. Alceste:
Santo Paradiso!
Iolanda:
Se le se ciàpa a bòte, no sò gnanca mi a ci tegnérghe. Sperémo che le se spaca el
grugno tute do.
D. Lumìn:
20

21
L'éra un bel pèsso che no vedéa de ste robe: in Paradiso no le sucéde mai. Là i è tuti
santi dalbòn.
Adelaide:
"Purtroppo" lo dico io perché lei mi disturba di giorno e di notte.
SCENA SETTIMA
Personaggi: Iolanda, Augusta, Adelaide, don Alceste, Gervasia, don lumìn (invisibile)
Gervasia apre la porta senza suonare il campanello e si ferma nell’entrata a origliare.
Augusta:
Io la disturbo? È lei che a mezzanotte sbatte le porte e cammina con gli zoccoli, è lei
che mette il purgante nel latte del mio Fufi, è lei che mi infìla le lucertole nella cassetta
delle lettere, è lei ghe manda il suo cane a far la pipì sul mio zerbino, è lei che mi butta
le briciole sul balcone perché i piccioni, i passeri e tutto quello che vola venga a farci le
cacchette.
Iolanda:(tra sé)
Manco mal che i rioplàni, sul pontesèl de l'Augusta, no i ghe stà mia.
Adelaide:
È lei che mi spalma di sudiciùme la manìglia del portone!....E poi c’è dell’altro…..
ancora più grave!
Iolanda:
Maria de oro, sa faràla mai ancora l’Augusta!
Augusta:
Dica, dica pure, signora Adelaide; le sue accuse non mi fanno né caldo, né freddo. La
sua lingua maledetta può dire questo e altro, tanto, non le crede nessuno.
Adelaide:
Ah! Lei mi sfida! Guardi che col fuoco è meglio non scherzare.
Augusta:
Le ho detto di parlare apertamente: non ho niente da nascondere io!
Adelaide:
E nemmeno io!
D. Lumìn:
Sante dòne tute do!
Adelaide:
21

22
L’ha voluto lei, signora Augusta….Capisco che suo marito è molto impegnato e che non
ha molto tempo da dedicare alla moglie, ma che lei vada a fare gli occhi dolci al mio,
proprio non lo approvo, mi secca molto!
D. Alceste:
Calma, dòne! Çèrte robe le se dise solo quando s’è sicuri….Ansi, se se trata de queste,
l’è mèio tasér.
Adelaide:
Per fortuna, mio marito non le dà bado e la tratta con sufficienza….Buongiorno,
buonasera e basta.
Augusta:
Ma lei mi offende, le faccio causa!....Mio marito è l’avvocato Sapienza.
D. Alceste
I pani spórchi i se lava in casa!
D. Lumìn:
Le g’avaréa da lavàr giorno e nòte.
Iolanda:
Èco, brae, andè a casa a lavar.
Augusta:
Suo marito non è di mio gusto. Non gli farei gli occhi dolci nemmeno se fosse l’unico
uomo della Terra!
Iolanda: (tra sé)
Mi volaréa savér come i è i òci dólsi.
D. Alceste:
Adesso basta! I òci dólsi no i vól dir gnénte. L’importante l’è no passar ai fati!
Iolanda:
E dàghela co’ sti òci dólsi!
D. Alceste:
E adesso fasì pace parché no è sucèsso gnénte. No vói discordie tra i me parochiàni,
spèce se se trata de semàde come queste. E basta farve i dispèti! I è robe da buteléti e
nò da dòne maùre come voàltre.
D. Lumìn:
I è maùre solo de polpa: piassè dólse de queste no ghe n’è.
Adelaide e Augusta si stringono controvoglia la mano.
22

23
Adelaide:
Solo perché sono una buona cristiana.
Augusta:
Se è per quello, io lo sono di più.
D. Lumìn:
Se riscomìnsia!
D. Alceste:
Basta! E quando digo basta, l’è basta sul serio!
Entra Gervasia sensa annunciarsi.
Gervasia:
L'ò vista anca mi l’Adelaide a córarghe drio a le lusèrtole e a infilàrghele ne la casséta
de le létare de l’Augusta!
D. Alceste:
Sióra Gervasia, èla l’è mèio che la parla solo quando pissa le galìne.
D. Lumìn:
L’è mèio che tute ste qua le parla solo quando i gai i fa i óvi!
Gervasia:
Ò capìo, g’ò da tasér. Parola indrìo. Mi no voléa métar discordia.
D. Lumìn:
Nò!....La Gervasia no l’à mai fato de ste robe!...L’è come quéla che la spéna le galìne e
la spampàna le piùme in òlta. Qualcosa l’à spampanà anca ancó….. Ma come àla fato a
vegnér drénto in canonica?
Iolanda:
Gervasia, èto fòrsi catà la porta vèrta?
Gervasia:
Mi g'ò la ciàve!
D. Alceste:
Iolanda, te m'avéi dito che le ciàve che l’avéa dispensà don Lumìn te le avéi catà su
tute.
D. Lumìn:
G’avéa dato la ciàve anca a sta qua? A ‘na dòna? Mi no me ne ricordo più!
23

24
Iolanda:
Sa vórlo che sàpia mi? Qua i è tuti paróni. Gervasia, mi, quando vègno qua a laoràr,
sono el campanèl. Mi, la ciàve, no ghe l'ò mia.
Gervasia:
Ma ti te sì la serva!
Iolanda:
E ti no te sì mia la paróna.
Adelaide:
Ha ragione Iolanda.
Gervasia:
Sióra, éla la parla quando l’è interogà!
Adelaide:
Io, con lei, non mi degno nemmeno di parlare. Con la gente ignorante è tutto fiato
sprecato.
Gervasia:
Ignorante la sarà éla e tuta la so rassa malcunà. Sa èle tute quéle arie? Ci crédela de
èssar?
Adelaide:
Mio marito è un ufficiale di Marina.
Iolanda: (tra sé)
E anca de qualcun'altra, da quel che dise la gente….Altro che solo de la Marina!
Gervasia:
La vaga a casa a badàr a la so faméia; a mezodì, sul so fornèl, no gh'è gnanca 'na téia.
Le braghe de so marì i è ónte come la strusa de la Iolanda.
Iolanda:
Eh! Gervasia! Sa g'àla la me strusa? L'è più nèta de la to fàcia. Ci vede spórco
dapartùto l'è parché el g'à i òci pieni de scaùie.
Gervasia:
Mi g'ò i òci pieni de scaùie? Làvete i tói; cissà che no te vedi i busi che don Alceste el
g'à ne la tònega.
Iolanda:
Gervasia, se te rièssi a védar i busi, no te fè altro che tór 'n'ùcia e ponciàrli.
Gervasia:
24

25
Se proàsse a giùstarli, vegnaréa fóra più pèsse che tònega.
D. Alceste:
Sióre, se permetì, la tònega l'è 'n afàr mio. A mi la me va ben così: d'istà ghe passa el
fresco e d'inverno ghe va drénto el caldo.
Adelaide:
Potremmo organizzare una lotteria e, con il ricavato, comperare una veste nuova.
D. Lumìn:
Te paréa che la ghe le dasésse éla i schèi?
D. Alceste:
V'ò dito che no g'ò bisogno de gnénte.
Augusta:
Iolanda, c'è ancora qualche cosa in cantina?
D. Lumìn:
I rati!
Iolanda:
In cantina gh'è:....caréghe róte, candelàbri vèci, banchi scancanà, le dotrìne del
milenoveçènto e uno, campanèle sènsa batòcio, batòci sènsa campanéle, turìbuli
sfondà, messài in latìn, ‘n fèro da stiro de quei che va a brase, el capèl a tré pónte de
don Lumìn....
Si sente un tuono assordate. Don Alceste apre l’ombrello.
.
D. Lumìn:
Guai a ci tóca el me capèl!
Iolanda:
Don Alceste, va ben ch’el coèrto l’è messo mal, ma in casa no pióe gnancóra.
Don alceste chiude l’ombrello.
D. Alceste:
L’ò fato sóra pensiér.
Adelaide:
Potremmo organizzare una lotteria dell'antiquariato.
D. Lumìn:
E alóra metìve a la lotarìa voàltre!
25

26
D. Alceste:
De l'antiquariato? De la ratatùia la pól dir.
Augusta:
Non ce ne sono più di quelle belle pellicce che erano state regalate a don Lumin per la
pesca di beneficienza?
D. Lumìn:
Par carità! Ancora le pelìce del trisavolo de Anabèla! Quéle fate cói cunéi morti sóto i
bombardamenti del quìndese-disdòto Ma l'è 'na persecussión, 'na condàna!
Iolanda:
Ma no èle mia 'na s-ciànta vèce?
Gervasia:
I pulsi che le g'à sóra i è za rivàdi a la çinquantésima generassión.
Iolanda:
L'altro dì, són andà in cantina a tór 'na botìlia par el disnàr e ò ciapà 'n sguisso che par
póco no ghe restàa séca. Credéa de avér visto 'na bestia granda come ‘n vedèl, a
mace bianche e nere, che la caminàa par la cantina.
Augusta:
Che animale era?
Iolanda:
L'éra una de le so bèle pelìce che la caminàa su le satìne de 'na colonia de çìmisi.
Gervasia:
Maria Santissima, ghe vól la disinfestassión!
D. Lumìn:
La disinfestassión? Ghe vól 'na spedissión de càcia grossa.
Adelaide:
Smettétela con tutte queste storie! Basta metterle un po' all'aria.
Iolanda:
Bràa! Così i peli i ghe se destàca e i sgóla via come pelumìni de pissacàni.
Adelaide:
Basta! Io, di pellicce, me ne intendo.
Iolanda:
26

27
E mi me ne intendo de cunèi. Quando stavo a le Ca' Roèrse, ghe n'avéa più de
çinquànta.
D. Lumìn:
Bòni quei cunéi! E che ben che la li cusinàa la Iolanda! Nò che ghe n'àbia magnà tanti;
'na satìna par ogni Nadàl.
Augusta:
Iolanda, vada a prendere una pelliccia.
Iolanda:
Cosa? Intanto, cara sióra, mi no ricevo ordini da éla, e la sàpia che mi,
quéla mùcia de peli de cunéi preistorici, no la tóco gnanca co’ ‘n bastón.
Augusta:
Ma che ne sa lei di preistoria?
Iolanda:
Sióra, la quinta alimentare l'ò fata anca mi, e vardo la televisión.
Gervasia:
Mi no lo sò mia sa l'è la preistoria.
Adelaide:
Ignorante!
Iolanda:
L'è la trisavola dei cunèi de la pelìcia.
Augusta:
A proposito di pellicce, avete visto la marmotta che si è comperata la
Cesira?
D. Lumìn::
Èco che ghe sémo ‘naltra òlta! Adesso ghe tóca a la Cesira.
Iolanda:
La ghe l'avéa za la fàcia da marmòta, figurémosse adesso che la g'à anca el pel!
Adelaide:
È ecologica.
Augusta:
Quella, cara la mia signora, è marmotta vera, e di quelle che costano.
Adelaide:
27

28
Mi scusi sa, non per fare i conti in tasca agli altri, ma con uno stipendio da operaio, due
figli, e con quello che costa oggi la vita....da dove viene fuori quella marmotta?
Iolanda:
Da la loterìa o da la pesca de beneficènsa! Le marmòte no le ghe soméia ai cunèi?
Gervasia:
L'è mèio che te tasi, Iolanda, ste qua le te magna.
Augusta:
In paese girano brutte chiacchiere...
Gervasia:
Sa se dise?
Augusta:
Sembra che .....lui, e che lei.....Insomma, siamo persone adulte e sappiamo come
vanno certe cose…..In poche parole, la pelliccia sarebbe la ricompensa di particolari
servizi prestati a un industriale lombardo.
Gervasia:
Mi no ò capìo gnénte.
Iolanda:
E mi manco de gnénte, ma quando le parla in quél modo, no gh'è da spetàrse gnénte
de bón.
D. Lumìn:
Èco altri du bèi corni infilà ne la testa de qualche cristiàn.
Augusta:
È una vergogna, uno scandalo!
Adelaide:
Qualcuno dovrebbe intervenire.
D. Alceste:
No vardè da sta parte, par piasér! Mi, de çèrte robe, no vói intrigàrme.
D. Lumìn:
E te fè bèn! 'Na òlta, mi g'ò credùo a ste do bagolóne e par póco no me le ciapàvo.
Gervasia: (rivolta a Iolanda)
I è brute léngue, le g'à sempre da sparlar dei altri! Che le se varda lóre! Le à scominçià
a smorosàr che le era ancóra in cuna. Quando le passava vissìn a dei butèi, le sculetàa
in te ‘n modo, che’l paréa che le g'avésse el femore desnoselà.
28

29
Iolanda:
Ma se no le era gnanca de qua!
Gervasia:
I me l’à contà.
D. Lumìn:
Quando el corpo el se frusta, l'ànema la se giusta.
Gervasia:
Le spua velén come do vìpare.
Iolanda:
Ma sa g'àle in corpo?
D. Alceste::
Sióre, se volì restàr, fè pure; no sarà mai dito che mi méta qualchedùn a la porta, ma
adessò, mi g'ò da andàr a dir messa.
Don Alceste esce.
SCENA OTTAVA
Personaggi: Augusta, Adelaide, Gervasia, Iolanda, don Lumin (invisibile)
Augusta:
Io leggo le letture.
Adelaide:
Ma lasci stare! Ce n'è di gente che legge!
Augusta:
È forse invidiosa?
Adelaide:
Io? Figuriamoci! Con tutte le cose che faccio, ci mancherebbe solo che dovessi anche
leggere.
Iolanda: (rivolta al pubblico))
Se no ghe fosse l'Adelaide, cascaréa zó el campanìl.
D. Lumìn:
El campanil? Noàltri no ghe l'émo mai avù el campanìl.
Suonano le campane:
29

30
D. Lumìn:
Ma queste i è campane, campàne vere! I à fato el campanìl! E brao don
Alceste!.....Però, che ciàsso che le fa; queste le sbate sui timpani fin a farli incrosàr.
SCENA NONA
Personaggi: Augusta, Iolanda, Adelaide, don Lumin (invisibile), voci esterne.
Voce femminile 1::
E basta con ste campane! Me sveiè la creatura! Tre ore g'ò messo par indormensàrla!
Voce maschile 1:
E fasìla finìa! Mi ò fato la note e g'ò el dirìto de dormìr.
Voce femminile 2:
Me marì el stà mal! Basta con quel sbatociaménto!
Voce femminile 3:
Me fasì scurlàr i véri!
Voce maschile 2:
Mi, quel campanìl, lo bruso.
D. Lumìn:
I parochiàni no i me pàr mia massa contenti. E sì che i è così bèle le campane!... Mah!
A sto mondo le difìcile riussìr a contentàr tuti quanti; l'è mèio che mi torna nel mio.
Augusta:
Che bello sentire il suono delle campane!
D. Lumìn:
Questa l'è musica del Paradiso!.
ATTO SECONDO
SCENA PRIMA
Personaggi: don Alceste, don Lumìn (invisibile)
Entra don Alceste.
D. Alceste:: (tra sé, levandosi i paramenti)
30

31
E anca ancó la messa l’è stà dita. Quàtro gati gh’éra. Va ben che l’è giorno feriàl, ma a
la domìnica, no l’è che ghe ne sia tanti de più…..E tuti vèci i è! A mi me interessa la
gioventù, quei che sarà i papà e le mame de domàn….E anca preti e suore….Parché
nò?....Gh’éra solo le solite basabànchi e suor Verecondia. Poaréta, l’è diventà vècia
anca éla, ma la fa ancora tanto. Sènsa de éla, l’asilo no ‘l ghe saréa gnanca. Ma se qua
continua a nàssar così póchi fiói e éla la volarà seitàr a far del ben, la dovarà nar a
rincuràr i véci del ricòvaro. L’è ‘na roba bèla anca quéla, par carità, ma quei là i è za
arleà….e se i è cressùi storti, no le indrìssa più nissùni. E po’, gh’è anca quei za via de
testa, poaréti! Più de magnàr e dormir, sa volìo che i fassa?...Ma i vèci, quando i vede
‘n prete o ‘na suora, i è sempre contenti: ghe pàr che i ghe vèrza la porta par el
Paradiso. Poaréti, i lo sà anca lóri che no ghe manca mia tanto.
Don Lumìn:
Pòro don Alceste, el me fa pecà. Ai me tempi la gente la vegnéa….La messa l’éra in
latìn e no i capéa gnénte….I tiràa fóra de quei spropositi che no i rivàa gnanca al
sotofìto de la césa….”Canta el merlo sul formento” invésse de “Tantum ergo
Sacramentum”e “La Regina tacà al caro”, che po’ la saréa la “Regina
patriarcarum”……e altri strambòti che no me ricordo più. Le bagolóne, le maleléngue le
gh’éra anca alóra, le gh’è sempre stà….Òmeni che se imbriagàa e che i tiràa ‘na rasìa
ogni do parole ghe n’avéino da vendar; fiói che nasséa de sfròso ghe n’éra anca
alóra…..Ma adesso no i le lassa gnanca nàssar!
D. Alceste: (sedendosi in poltrona)
E adesso me spónso ‘na s-ciànta. Eh, sì, cari mei! No són mia fato de fèro mi!
Suonano il campanello.
D. Alceste.
Ò parlà massa presto! Ghe risémo! Padtreterno, l’è finìo el tempo dei martiri, possibile
che mi sia sempre condanà a far sta vita? E no són gnanca sicuro de finir in
Paradiso….Ogni tanto me passa par la mente de quéle brute parole!...I pensieri i va da
par lóri soli, come fasso a comandàrghe?
Suonano un’altra volta.
D. Lumìn:
Fòrsa, don Alceste, fate coràio; gh’è sempre ci stà pèzo.
D. Alceste: (alzandosi dalla poltrona):
Iolanda!....Iolanda!
Iolanda: (fuori scena)
Végno!....Vègno!...Almànco el tempo de métar zo la veléta e el libro de le preghiere.
Suonano ancora.
31

32
D. Alceste:
Iolanda!....Iolanda!
SCENA SECONDA
Personaggi: don Alceste, Iolanda, Don Lumìn (invisibile)
Entra in scena Iolanda.
Iolanda:
Ècome són qua; adesso vago a verzàr! Mi, quel campanèl, va a finìr che lo destàco dal
muro e lo buto ne la scauiàra.
Suonano con insistenza. Iolanda si dirige a passi lenti verso la porta.
Iolanda:
Tasi, maledéto sonaiól! Ma ci èlo che t’à inventà? Qualchedùn che ghe
l’avéa con mi.
Iolanda entra nell’ingresso.
Iolanda:
Sóna ancora!....Struca forte!...Méteghe anca el pié….cissà che no ‘l se spaca sto
strumento del diàolo!....Altro che le fiàme, mi ghe scométo che a l’Inferno gh’è
campanèi dapartùto che sóna in continuassión…..Ci gh’è là fóra?
SCENA TERZA
Personaggi: don Alceste, Iolanda, Carla, don Lumìn (invisibile)
Carla:
Són la Carla! Són vegnùa par la pontùra!.
D. Lumìn:
La pontùra? Ci èlo che stà mal?
Iolanda apre la porta e fa entrare Carla.
Iolanda:
La se comoda, infermiera, e la me scusa se l’ò fata spetàr. No són più quéla de ‘na òlta.
Fin a qualche àno fa saltàa come ‘na cavaléta, ma adesso, són pèzo de ‘n bogón. De le
òlte me giro parfìn indrìo par védar se lasso la strìssia de bava.
Carla:
No la staga preocupàrse, Iolanda! No gh’è bisogno de scusàrse.
Iolanda:
32

33
Ma la senta ‘na s-ciànta….Mi no g’ò mia l’intensión de farghe ‘n‘osservassión, vói solo
capìr…..No pórla mia sonàr ‘na òlta sola e dopo spetàr che ghe vèrza sènsa seitàr a
spacàrme quéle robe che gh’è drénto a le réce?
Carla:
I timpani?
Iolanda:
Proprio quei!
D. Lumìn::
La Iolanda no la móre mia col gòsso. Manco mal che no la voléa mia farghe
‘n’osservassión.
Carla:
La me scusa, Iolanda, no pensàa mia de darghe fastidio: continuo a sonàr parché g’ò
paura che no me sentì mia.
Iolanda:
Qua no gh’è nissùni de sordo….Sémo ‘na s-ciànta scoraià, le gambe le scomìnsia a
pesàrne, ma le réce le ne fonsióna benón. Quando casca ‘n moschìn nel late, mi lo
sento, prima de védarlo.
Carla:
Ghe dimàndo de nóvo perdón, ma adesso, la me lassa nar da don Alceste…L’è za tardi
par la pontùra.
D. Lumìn:
La pontùra a don Alceste? ‘Na dòna?.... Sperémo che la sia ‘n’indovenosa..
Carla, seguita da Iolanda, entra nello studio di don Alceste.
Carla:
Sia lodato Gesù Cristo, don Alceste!
D. Alceste:
L’è da ‘n pèsso che no i me saludàa così…Da quando ero ‘n pretìn ancora sènsa barba.
Però, me fa piasér!....Sempre sia lodato! Sa vórla sióra Carla?
Carla:
Come sa vói? Són vegnùa par la pontùra, come ogni giorno.
D. Alceste:
M’éro desmentegà ch ’el momento piassè bèlo de la giornàda no l’éra gnancóra rivà.
Sala sa ghe digo? Ancó no me fasso ‘n bel gnénte!
33

34
Carla:
Su, Reverendo, l’è par la so salute! Sa fai i só parochiàni se lu el se cùcia?
D. Alceste:
La me scusa, sióra Carla, ma in sto momento no pól interessàrmene de manco.
Iolanda:
Don Alceste, no ‘l staga far come le creature. Se no ‘l se cura i cervicali, ghe vien mal
de testa e anca le stornìsie, No se lo ricòrdelo più el rugolón che l’à fato zo da l’altàr
par i giramenti de testa? S’el batéa ‘na tempia, el ghe restàa séco.
D. Lumìn:
Ma g’ala da fàrghela nel brasso o nel dedrìo? Mi no l’ò gnancóra capìo. Nel brasso va
ben, ma in quel’àltra parte nò, piutòsto la morte. Tien duro, don Lumìn! Ma in sto paese,
no ghe n’è mia òmeni che sàpia far le pontùre? A mi el me le faséa el Tano. Indoe élo
andà a finìr el Tano?
D. Alceste:
Basta! Mi de pontùre no ghe ne vói più, specialmente da ‘na dòna.
Carla:
Oh! Èlo par quel? El se figura che efèto ch’el me fa el so dedrìo! Far le pontùre l’è el
me mestiér e ghe assicuro che tra el so fondoschéna e quel de la Iolanda no gh’è
nissùna difarènsa.
D. Lumìn:
La g’à da fàrghela proprio in quel posto!....L’è ‘n scandalo!
Iolanda:
E così el me….el me cóso l’è come quel de ‘n prete!....No l’avaréa mai dito!
D. Alceste:
Se in tuti sti giorni l’à insistìo, contro la me volontà, de vegnérme a far le pontùre, par
dopo dirme che ghe soméio a la Iolanda….Quéla l’è la porta!
Carla:
Ma, Reverendo, sa alo capìo? El varda che mi no ò mai visto gnénte, són sempre stà
discreta….Si e nò che g’ò visto un centimetro quadrato de pèle…L’è come se g’avésse
visto quéla de la fàcia.
D. Alceste:
De ben in mèio! Donca mi g’avaréa la fàcia da…..Bóca tasi!
Carla:
Ma, Reverendo, lu el se stà diséndo tuto da solo!...El varda che la fialéta l’ò za
róta….qua svaporìsse tuto!
34

35
D. Lumìn:
Come el vin santo!
D. Alceste::
La senta, sióra Carla, s’el me dedrìo e quel de la Iolanda i è la stéssa roba, la ghe le
fassa a éla la pontùra.
Iolanda:
Cosa? Sa centro mi? I cervicali el ghe i à lu!....Su, don Alceste, basta far storie!...El
varda che, anca se l’è ‘n prete, de sacro el g’à solo l’osso….. Come mi, come tuti i
cristiani e anca come quei che no i è mia cristiani..(Tra sé) Parché el se ciàma osso
sacro, mi no l’ò mai capìo…El se trova in un posto, che la me pàr ‘na mancànsa de
rispèto…(A voce alta) El se tira su la tònega e el se decuèrsa ‘na s-ciànta de pèle….de
la fàcia.
D. Alceste :
Iolanda, me pàr che te te tóghi massa confidènse!....’Na s-ciànta de rispèto!
Iolanda:
Eh!...No se pól gnanca schersàr?.....L’ò fato par taiàr l’aria.
D. Alceste:
Tàia qualcos’altro….La léngua, tanto par scomìnçiàr.
Carla:
Su, don Alceste, el se decìda. È morto uno co’ la siringa in man!
Don Alceste si tira su la tonaca.
D. Alceste:
E ghe sarà ‘n altro ch’el morirà co’ la siringa piantà nel……Ne la fàcia.
D. Lumìn:
No se trata mia solo de pudòr, el g’à anca ‘na fifa bestia!....Pòro òmo!....Dai, don
Alceste! Pensa a san Sebastiàn che l’è stà infilsà co’ çènto fréce!
Carla prende la mira e pianta la siringa nel sedere di don Alceste,che si è appoggiato
con le mani alla scrivania.
D. Alceste::
Mama che mal! Óhi, óhi, óhi,…Che dolor!
Carla:
35

36
El porta,passiensà!...Le pontùre par i dolori i è oleose…..Le fa ‘na s-ciànta mal….E
bisogna che buta zo el liquido pian pianìn, senò ghe vien fóra el bugnón….Alóra sì che
sémo a posto.
D, Alceste:
Són a posto mi, nó éla!
SCENA QUARTA
Personaggi: Iolanda, don Alceste, Carla, suor Verecondia, don Lumìn (invisibile)
Entra suor Verecondia, senza bussare, e vede la scena dell’iniezione. Si nasconde il
viso con le mani e si gira dall’altra parte.
S. Verecondia:
Misericordia!
Don Alceste si alza di scatto e l’ago si spezza dentro..
Carla:
Questa no la ghe voléa mia!....S’à spacà l’ùcia drénto!
Iolanda:
Maria vèrgine! Sa fémo adèsso?….Sorèla, no podéela mia sonàr el campanèl.
S. Verecondia:
Ma te me l’è dito ti, Iolanda, de vegnér drénto sènsa sonàr, par risparmiàrte ’n giro in
più. Mi te l’avéa dito che no andava mia ben, ma ti t’è insistìo così tanto, che mi t’ò
contentà…E adesso vardè cosa è sucèsso! Misericordia, sa ò visto!
D. Alceste:
Che umiliassión! Me sento la fàcia de brasa….E ‘n mal al dedrìo ch’el me fa vegnér le
làgrime ai òci.
Iolanda:
Ma sorèla, in fin dei conti, se pól savér sa l’à visto? Mi, che ero qua a ‘n metro de
distànsa, no ò visto proprio gnénte.
D. Alceste:
Manco mal!...Questo el me consola ‘na s-ciànta.
S. Verecondia:
Don Alceste, érelo drìo a farse far ‘na pontùra?
Carla:
E cosa vórla ch’el fosse drio a far?
36

37
S. Verecondia:
Mi no lo sò…Són stà ciapà così de sorpresa!....
Iolanda:
No se n’ala mai fato éla de pontùre?
S. Verecondia:
Sì.
Iolanda:
E come faséeli a fàrghele?
S. Verecondia:
Così.
Iolanda:
E alóra, Sorèla, la se tira via le mane da la fàcia e la se òlta pura! L’è ancora casta
come prima!
Suor Verecondia si toglie le mani dal viso e si gira.
D. Alceste:
Ma Iolanda, sa dìsito?
Iolanda:
Digo quel che g’ò da dir!...Basta co’ tute ste storie!...El pàr che l’àbia visto el
demonio!...In fin dei conti, la ghe nèta el dedrìo ai buteléti de l’asilo,,,,E i so culéti i é
come el suo, ma in formato tèssara.
D. Lumìn:
La Iolanda l’è proprio fata par le pùbliche relassión. L’è tuta delicatéssa!....La fa de quei
giri de parole!
Suonano il campanello.
Iolanda:
Èco, lo savéa mi!...Ch’el sia anca el Papa,mi lo lasso fóra.
D. Lumìn::
Scùseme, don Alceste! Te me fè pecà, ma me vien anca da rìdar. Te sì spaìso come ‘n
gato davanti a ‘n can….Che fàcia che te gh’è!....I òci i pàr volér saltàrte fóra come i ossi
de sirésa quando te li struchi con i dièi!....Spèta che me sposta, che no i me vègna in
facia….Che sagoma che te sì, don Alceste!
Suonano ancora.
37

38
Iolanda:
Fala finìa!
D. Alceste:
Figùrete se i va via! I lo sà che són qua e i continuarà a sonàr fin a inseminìrne.
Iolanda, l’è mèio che te vaghi a vèrzar!
Carla:
Ma gh’è da cavar l’ùcia!
D. Alceste:
L’ùcia la resta indóe l’è.
Iolanda:
Ma don Alceste, come falo a sentàrse?
D. Alceste:
Stago in pié e penso a san Sebastiàn.
D. Lumìn:
Oh….Brao, don Lumìn!...Ti sì che te sì ‘n prete!
Iolanda:
Mi no vèrzo mia!
D. Alceste:
Ti te vè a vèrzar e te tasi!
Suonano ancora.
Iolanda:
Passarà anca questa, ma dopo, qua g’à da cambiàr tuto! El g’à da finìr tuto sto viavai!
Iolanda si avvia verso la porta.
D. Alceste: (rivolto a Carla)
La m’à fato ben la to pontùra! Col mal che g’ò dedrìo, no sento più i cervicali!
Carla:
Me despiàse, Reverendo, ma no l’è mia stà colpa mia! L’à fato ‘n scato che se saréa
scavessà anca ‘n pal!
D. Lumìn::
Don Alceste, adesso te gh’è la pontùra cronica!
38

39
Suonano ancora.
.
Iolanda:
Vègno!...Vègno!....(Tra sé) Che ve cascàsse tuti i dièi de le mane!
SCENA QUINTA
Personaggi: tutti quelli della scena precedente, ai quali si aggiunge Cesira.
Iolanda apre la porta.
Iolanda: (con evidente rabbia)
Avanti!
Entra Cesira reggendo una focaccia dolce.
Cesira:
Bongiórno, Iolanda! Són mi, la Cesira.
Iolanda: (con disappunto)
Se no la me le diséa no me ne inacorséa gnanca che l’éra éla!...L’è così cambià da
l’ultima òlta che l’ò vista!
Cesira:
Ma Iolanda, sa dìsela? Se són vegnùa anca ieri! come fala a dirme che són
cambià?...G’avénti, fòrsi, ‘na bruta siéra?...G’ò i calamari?....Pènsela che staga mal?
Iolanda:
La m’à fato tante domande, ma mi ghe dago ‘na risposta sola…..E no la me domanda
parché!.....Nooo!
Cesira:
E parché, alóra no m’ala mia riconossùa?
Iolanda alza gli occhi al cielo e lascia cadere le braccia.
Iolanda:
Parché g’ò le orbaróle!
Cesira:
G’ala la pressión alta?
Iolanda:
A tresènto!
Cesira:
39

40
Maria vèrgine! Bisogna che la se cura!
Iolanda::
La savaréa mi la cura!
Cesira:
Sa ala dito?
Iolanda:
Gnénte, parlàa da par mi. Némo da don Alceste ch’el la stà spetàndo.
Iolanda e Cesira entrano nello studio di don Alceste.
Cesira:
Comparmésso!....Bongiórno, don Alceste!....Se savéa che l’éra impegnà con altra
gente, passavo dopo….Me despiàse disturbar.
D. Alceste:
Nissùn disturbo, sióra Cesira.
D. Lumìn:
Ma quante bale cóntelo in te ‘n giorno?
D. Alceste:
La vègna pura avanti!....Qua sémo tuta ‘na faméia!
Cesira:
Ò portà la fugàssa!
S. Verecondia:
El me scusa don Alceste…..Mi g’avaréa prèssia…..G’ò da tornar ai me impegni….
D. Alceste:
La g’à resón, sorèla! Sa posso far par éla?
S. Verecondia:
Misericordia! No me lo ricordo più!....Con quel che è sucèsso, me són desmentegà
tuto!....Me despiàse, parché l’éra ‘na roba importante.
Cesira:
Sa è sucèsso?
Tutti::
Gnénte!
40

41
Don Alceste, in quel momento di imbarazzo, si dimentica dell’ago e si siede. Si mette a
urlare e salta subito in piedi. Iolanda, Carla e suor Verecondia, consapevoli della
situazione, rimangono immobili, Cesira prende un gran spavento.
Cesira:
Maria vèrgine, sa sucéde?
Tutti:
Gnénte!
Cesira:
Come gnénte?....El s’à messo a sigàr come ‘n paón e l’è saltà su come ‘na mòla…..
D. Alceste:
M’è vegnùo inaménte, sióra Cesira, che questo l’è el momento de la me penitènsa: ogni
giorno, stago in pié par tre ore par la salvéssa de le àneme dei me parochiàni. Me són
distràto ‘na s-ciànta e me són sentà. Quando me són ricordà, m’è dispiasùo; èco parché
ò fato quel tiro. Par mi sta penitènsa l’è tanto importante!
Cesira:
Ma lu l’è ‘n santo!
D. Alceste:
Beh…., Adesso no stémo a esageràr!
D. Lumìn:
El l’è farà a fin de ben, ma el le conta gran grosse.
Suor Verecondia:
Dimàndo perdón, tornarò quando me vegnarà inaménte….
D. Alceste:
Èco,sì, bràa!....La torna da le so tèssare!...I ingrandimenti no i fa par éla!
D. Lumìn:
Con quel che è sucèsso e co’ ‘n’ucia piantà nel dedrìo, el g’à anca el coràio de far del
spirito!....Però, tór in giro suor Verecondia, con quel sguìsso che l’à ciapà, no ‘l me pàr
mia giusto. El dovaréa domandàrghe scusa!
Suor Verecondia esce camminando in fretta per liberarsi subito da quella situazione
imbarazzante. Dimentica persino di salutare.
SCENA SESTA
Personaggi: tutti quelli della scena precedente, tranne suor Verecondia.
41

42
Cesira:
Mah, l’ ò vista ‘na s-ciànta stramba suor Verecondia. No l’à gnanca saludà….Che la
staga mal?
D. Alceste:
Ma nò! La g’à tanto da far! La g’à i so pensieri!...Par éla i stà tuti mal!
Cesira:
Manco mal!...Beh, ò portà la fugàssa par la çéna de staséra.
Iolanda:
Òrpo, staséra gh’è la çéna del grupo de le missión! (Rivolta a don Alceste) Sa fémo?
D, Alceste:
Gnénte çéna!
Cesira:
E parché?
D. Alceste.
Gh’è da far penitènsa par la fame nel tèrso mondo.
Cesira:
Mi proprio no lo capìsso. No l’è mia da ieri che in qualche parte del mondo i patisse la
fame, ma la çéna par el grupo de le missión l’émo sempre fata!
D. Alceste:
St’ano nò! La fame no l’è mia passà e così ò deciso che se fa penitènsa.
Cesira:
In pié e sènsa magnàr!
Iolanda:
Éla la pól anca star sentà!
Cesira:
Va ben. Alóra la fugàssa la magnémo subito, qua, tuti insieme. Sentì che parfumìn!
Iolanda:
Mi, veramente,’na s-ciànta de fame ghe l’avaréa…. Almànco ‘na fetìna!
D. Alceste:
Nissùni l’è costréto a far penitènsa con mi!
Iolanda:
42

43
Va ben! Ma sènsa de lu, la çéna no se pól mia farla.
Cesira:
Ò portà anca el coltèl.
Cesira comincia a tagliare la torta.
D. Alceste:
El mio no l’è ‘n caprìsso: La me cossiènsa la me dise de far così.
D. Lumìn:
Don Alceste, lassa star la cossiènsa! Quéla l’è ‘na roba seria! L’ùcia no te ghe l’è mia
ne la cossiènsa…..Te ghe l’è ne l’ingrandimento!
Cesira e Iolanda cominciano a mangiare. Suonano il campanello. Iolanda, indispettita, fa
il gesto di mandare il nuovo arrivato a quel paese. Non parla
perché ha la bocca piena. Ma la rabbia le fa andare per traverso il boccone e comincia a
tossire. Le manca il respiro.
Carla:
Gh’è andà par traèrso!.....Sta qua la se sòfega!
Cesira comincia a battere dei colpi sulla schiena di Iolanda. Carla la ferma:
Carla:
Nò così! In sto modo l’è pèzo. Mi lo sò qual l’è el sistema giusto.
Carla si mette dietro le spalle di Iolanda, l’abbraccia all’altezza della vita e comincia
stringere con forza in modo intermittente: Iolanda tossìsce ancora per un po’ e
finalmente riesce a sputare il pezzetto di focaccia.
Iolanda:
Maria santissima che spaènto: ero za piassè de là che de qua. Gràssie, Carla, ma te
m’è sassinà: me digo che te m’è róto qualche còsta…. Sènsa contar che le sgnàcare de
la Cesira le m’à spostà i polmoni.
Carla:
Che esagerassión! L’è ‘na s-ciànta de indolensiménto. Mèio quel che finìr sofegà.
Suonano ancora.
Iolanda:
Disìme quel che volì, ma mi, a vèrzar, no ghe vago mia. Són ancora sènsa fià e g’ò mal
dapartùto.
43

44
Cesira:
Ghe vago mi a vèrzar.
Cesira si avvia verso la porta. Si ferma davanti allo specchio dell’ingresso a darsi una
aggiustatina.
Cesira:
Spèta mò che me sistema!...No se sà mai…El podaréa èssar anca el Vescovo!
Carla: (sottovoce a don Alceste)
Gh’è da cavar l’ùcia!
D. Alceste:
No se ghe ne parla gnanca!
Iolanda:
E alóra el passarà el resto de la so vita in pié.
Suonano ancora.
Iolanda:
No ala gnancóra vèrto la Cesira? Sa spètela?
SCENA SESTA
Personaggi: tutti quelli della scena precedente, ai quali si aggiunge Gervasia.
Cesira apre la porta. Entra Gervasia con una borsa della spesa piena.
Cesira: (con aria delusa)
Èla éla, sióra Gervasia?
Gervasia:
No ò mia dropà la ciàve parché me la són desmentegà a casa. Ci se spetàela che ghe
fosse?
Cesira:
Nissùni.
Gervasia:
Come nissùni?.....Ò sonà….La m’à vèrto….Mah!... Indoèla la Iolanda? Stala mal?
Cesira:
‘N bocón de fugàssa l’à sbalià strada: invésse de narghe nel canalùsso, l’è andà da ‘n’
altra parte. Ma adèsso no la móre più, l’è solo ‘na s-ciànta straca. La vègna avanti!
44

45
Gervasia::
Manco mal che no è sucèsso gnénte de bruto!
Gervasia e Cesira entrano nello studio di don Alceste.
Gervasia:
Bongiórno a tuti!....(Vede la focaccia) Qua se magna!...Dovì tegnérve l’apetìto par
stasera. E ti, Iolanda, stà atènta ai bocóni!....L’è bastànsa
‘n àtimo par finìr da l’altra parte…. Vardè sa ò portà.
Gervasia appoggia la borsa della spesa sulla scrivania e comincia a tirar fuori il
contenuto:
Ò portà ‘n bèl tòco de formàio de quel de malga….Gh’è da lecàrse i dièi!...De le fetìne
de polenta che dopo metémo a brustolàr su la gradèla….Dei pearóni sóto asédo
e….Spetè che lo tira fóra….Ècolo!....Sto qua l’è salame del porco de me fradèl?
Cesira:
‘N salame del porco de so fradèl?
Iolanda:
Sa alo fato to fradèl par ciapàrse del porco?
Gervasia:
Maria de oro! Sa avìo capìo?
Iolanda:
Quel che t’è dito: “El porco de to fradèl”
Gervasia:
Sì, l’ò dito, ma nel senso ch’el porco l’è suo….Crompà e arleà da lu!
Iolanda:
Ah! Adesso te t’è spiegà ben!
Gervasia:
Poaréto! El m’à regalà el salame par la çéna de stasera, volìo che ghe daga del porco?
Cesira:: (che intanto si è seduta e ha ricominciato a mangiare la focaccia)
Vardè che, de le òlte, l’è fadìga capìrse!
Gervasia:
La pól dirlo|
Cesira:
L’ò za dito!
45

46
Gervasia:
Sémo bèle che capìe ‘n’altra òlta!
Iolanda:
Stasera no se magna.
Gervasia:
Come no se magna?...Se fa la festa sènsa magnàr?...Che festa éla?
Iolanda:
A don Alceste gh’è vegnù inaménte quei che patisse la fame nel tèrso mondo.
Gervasia:
E gh’èi vegnùi inaménte proprio ancó?....La fame nel tèrso mondo la gh’è sempre stà
ma,de quei che ghe qua, no me risulta che qualchedùn l’àbia mai saltà ‘n pasto par i
moréti che patisse la fame! Ogni ano,,par el tèrso mondo, tirémo su schéi, fémo la
pesca de beneficènsa….Ocór anca far de manco de magnàr? Deventémo del tèrso
mondo anca noàltri!
D. Alceste:
‘N conto l’è magnàr come se fa tuti i giorni, ‘n altro l’è métarse a far festa. Mi no me la
sento.
Gervasia:
Sta festa, insieme a tante altre, l’è sempre stà fata…E po’ volaréa savér sa l’è che se
magna de così speciale da farse vegnér i scrupoli. Se magna robe de tuti i giorni, via
che lo fémo in compagnia. No gh’è mia léngue de gardelìn?....E po’ el senta, don
Alceste, se, par esempio, sto salame no lo magnémo mia, valo fòrsi a finir drito nel
tèrso mondo?
D. Alceste:
L’è el sacrificio che conta!
_Gervasia:
El sacrificio el pól farlo domàn!...E po’, se volémo star in pié, gh’è da magnàr! Gh’è altri
modi de far sacrifici! S’el se senta su ‘na fassìna de spini, el patìsse de più!
D. Lumìn:
No l’è mia ‘na fassìna, ma ‘n bel spin el ghe l’à za nel dedrìo!
D. Alceste: (rivolto a Carla, sottovoce)
Questa la sà qualcosa, qualchedùn à parlà.
Carla: (sottovoce)
46

47
Qua no à parlà nissùni.
Iolanda: (tra sé)
La Gervasia, sènsa volérlo, l’à messo el dièl ne la piaga.
Carla: (sottovoce)
Reverendo, s’el continua così, qua va finìr che i scomìnsia a sospetàr qualcosa. Némo
de là e el se fassa cavàr l’ùcia; no se ne inacòrse nissùni.
D. Alceste: (sottovoce)
Se némo de là mi e ti, da par noàltri soli, ste dòne le ghe metarà subito la malìssia e
cissà sa le dirà!...E po’, no vói dòne!
Carla: (sottovoce)
Qualcosa bisogna pur far. No védelo mia che no ‘l ghe la fa più a star in piè? Ghe vien
le caùcie grosse come la sòca de ‘n róaro!
D. Alceste: (sottovoce)
E va ben! La vaga a ciamàr el dotór, ma ch’el vègna quando ste qua le sarà andà fóra
dai pié.
Carla: (sottovoce)
Farò come el dise lu, ma podéino rangiàrse tra noàltri, sènsa scomodàr el dotór
Bragòssa che, i lo sà tuti,, l’è ‘n dotór da bugànse.
D. Alceste (sottovoce)
Va e fa quel che t’ò dito, anca se no g’ò mia le bugànse.
Carla si avvia di soppiatto verso l’uscita. Esce chiudendo la porta senza far rumore.
SCENA SETTIMA
Personaggi: tutti quelli della scena precedente, tranne Carla.
Gervasia: (sottovoce a Iolanda)
Ma sa g’avéili da strolicàr la Carla e don Alceste?
Iolanda: (sottovoce)
Parché? Strolicàveli?...Mi no me ne són mia incòrta!
Gervasia. (sottovoce)
Dai, Iolanda, no stà far la finta tonta! Te sì furba come ‘na ólpe e no te scapa mai
gnénte, né dai òci, né da le réce. Con mi te pól parlar! Te lo sè che són ‘n’amìga.
Iolanda: (tra sé)
47

48
L’è da quando l’è vegnùa drénto che móro da la óia de contàrghe tuto!...E la me tenta
anca…(Sottovoce a Gervasia).No posso.
Gervasia: (sottovoce)
Ma, alóra, qualcosa gh’è.
Iolanda: (sottovoce e confusa)
Ò dito che no posso parché no g’ò proprio gnénte da dir.
D. Lumìn:
Ah!...Iolanda, Iolanda! A la Gervasia l’è fadìga dàrghela da intèndar!
Suonano alla porta. Iolanda si alza subito per andare ad aprire ma soprattutto per
liberarsi di Gervasia che la stava mettendo in difficoltà.
Iolanda:
L’è la prima òlta che sento sonàr el campanèl volentièra!
SCENA OTTAVA
Personaggi: quelli della scena precedente, ai quali si aggiunge Fulgenzia.
Iolanda passa nell’ingresso e apre la porta. Entra Fulgenzia anche lei con la borsa della
spesa.
Fulgenzia:
Comparmésso!
Iolanda:
Avanti!...Avanti! La fassa come se la fosse a casa sua.
Fulgenzia: (tra sé.)
Che molesìna che l’è ancó la Iolanda! No g’ò ricordi de védarla così.
Fulgenzia e Iolanda entrano nello studio di don Alceste.
D. Lumìn:
È rivà altri rifornimenti.
Fulgenzia:
Bongiórno a tuti! Ò portà qualcosa par stasera.
D. Alceste:
No la staga gnanca udàr la spòrta, parché staséra no se magna mia.
Fulgenzia:
48

49
Aventi capìo ben?...De le òlte, da sta récia no ghe sento mia tanto. Dopo la
costipassión de st’inverno, le me réce no i è più stà le stesse.
Cesira: (che, intanto, ha sempre continuato a mangiare la focaccia)
Se l’à capìo che no se magna, l’à capìo ben!
Fulgenzia:
Éla, invésse me pàr che no l’àbia mia capìo: la gh’à la bóca piena!
Cesira:
Sto qua l’è ‘n fóra pasto. Stasera no magno mia.
Fulgenzia sta per parlare, ma Iolanda la interrompe.
Iolanda:
E adesso no la staga a domandar parché….Són stufa de ripètarlo!
Fulgenzia:
Par carità!... No la staga magnàrme!.....In fin dei conti, no ò fato gnénte de mal!...M’avéi
dito de portar qualcosa par la çéna de stasera…E mi l’ò fato!...Ò portà óvi de le me
galìne…
Iolanda: (rivolta verso il pubblico)
Manco mal che no i è mia quei de so fradèl!....
Fulgenzia:
Polenta, pissacàni, ‘n codeghìn….e basta.
Gervasia:
La ghe manda tuto al tèrso mondo!
Fulgenzia:
Cosa?
Suona il campanello.
Iolanda:
Maledéto stranfér del demonio!.....Mi no vèrzo mia!...Qua sémo za anca in massa!
D. Lumìn:
La Iolanda l’è tornà su la sua!
Si alza Gervasia.
Gervasia:
49

50
Stà lì, Iolanda, vago mi a vèrzar. Ghe sarà dei altri del grupo de le missión. No podémo
mia lassàrli fóra!
Gervasia si avvia verso la porta.
Iolanda:
Sperémo che no le sia mia quéle che sospèto mi.
SCENA NONA
Personaggi: tutti quelli della scena precedente, ai quali si aggiungono Ade-
Augusta.
laide e
Gervasia entra nell’ingresso.
Gervasia: (ancora prima di aprire la porta)
Ci gh’è?
Si sentono due voci che rispondono assieme.
Voci:
Siamo noi!
Gervasia: (tra sé)
Ò capìo…Ghe mancàa solo queste. Sa fasso?...Me tóca vèrzar!
Gervasia apre la porta. Entrano Adelaide e Augusta vestite in modo elegante, ma
eccessivamente vistoso. Entrambe reggono un vassoio coperto da un tovagliolo.
Adelaide e Augusta:
Buongiorno!
Adelaide:
Èccoci qua!
Augusta:
Dica la verità, Gervasia, avevate paura che non venissimo, vero?
Gervasia:
‘Na paura da mati!..Tremàino parfìn!...G’avéino el cór in gola par la paura che ve fosse
sucèsso qualcosa. Continuàino a dir: “Ma indóe èle nà a finir la signora Adelaide e la
signora Augusta? G’avéino ‘n pensiér!
Augusta:
Lo sappiamo che ci voléte bene. A noi, vogliono bene tutti!
Adelaide e Augusta si accomodano i capelli davanti allo specchio.
50

51
D. Lumìn:
Scomìnsio a èssar stufo, sperémo ch’el me premio el finìssa presto!...Prima che tóca
ancóra ‘n santìn….Ghe n’à da passar del tempo!
Adelaide, Augusta e Gervasia entrano nello studio di don Alceste.
Iolanda: (tra sé)
Ècole qua!....Queste i è pèzo del campanèl….E anca de n’ùcia infilà nel dedrìo.
Adelaide:
Buongiorno!
Augusta:
Indovinate cosa abbiamo portato.
Iolanda: (tra sé)
Òstreghe co’ la perla drénto.
Adelaide:
Io ho portato un buonissimo pasticcio.
Augusta.
E io dei meravigliosi antipasti.
Iolanda: (sottovoce a don Alceste)
E adesso, a ste qua, el ghe le diga lu che no se magna mia.
D. Alceste: (a voce alta)
No se magna, no se bée e no se parla!...E za che ghe sémo, tute in pié, come mi!
Spaventate dai modi di don Alceste, tutte si alzano in piedi.
Cesira:
Siorsì!
D. Alceste:
Tasi!
D. Lumìn:
Manco mal che no ‘l me vede mia, senò el me méte in pié anca mi.
Suonano il campanello.
Iolanda: (timidamente)
51

52
El me scusa, don Alceste, posso nar?
D. Alceste:
Va e tasi!
Iolanda si avvia verso l’ingresso a passo svelto.
SCENA DECIMA
Personaggi: tutti quelli della scena precedente, ai quali si aggiunge il medico.
Iolanda raggiunge l’ingresso a passo svelto e apre la porta. Entra il dottore.
Iolanda::
El dotór Bragòssa! Bongiórno, dotór!
D. Lumìn::
Adesso don Alceste l’è proprio messo mal. Vedémo come el se le cava.
Dott. Bragòssa:
Indoèlo don Alceste?
Iolanda:
L’e de là, nel so studio. Èlo vegnùo par lu?
Dott. Bragòssa:
Són vegnù par uno ch’el g’à ‘n’ùcia piantà nel dedrìo.
Iolanda:
Don Alceste!
Dott. Bragòssa:
E alóra són vegnùo par don Alceste, ma fémo presto che no g’ò mia tempo da perdar.
Iolanda:
Par carità, el se ferma: de là gh’è pien de dòne e Don Alceste no ‘l vól mia che se sàpia
quel che è sucèsso. El spèta che le vaga via!
Dott. Bragòssa:
Iolanda, g’ò dito che no g’ò tempo da perdar: g’ò ‘n saco de malàdi da andàr a
visitar…..e ‘n’altra òlta no torno mia.
Iolanda:
Alóra, par piasér, el ghe diga che l’è vegnùo a confessàrse.
Dott. Bragòssa:
Va ben! Va ben! Basta che fémo presto.
52

53
Il medico e Iolanda entrano nello studio di don Alceste.
D. Alceste: (stupito e spaventato)
Za qua? El vaga via! El vaga via! Mi no g’ò bisogno de dotóri!
Dott. Bragòssa:
Són vegnùo a confessàrme!
D. Alceste:
Ma dìselo sul serio o me tórlo in giro?
Dott. Bragòssa:
Digo sul serio! Su, némo de là che g’ò prèssia.
Il medico si avvia verso l’ingresso.
D. Alceste: (tra sè)
Come mai tuta sta premura? El g’à da avérla combinà piutòsto grossa!:…(A voce alta)
El spèta ‘n àtimo che me méta la stola!
Mentre le donne sono ancora in silenzio e in piedi, don Alceste si infila la stola e segue il
medico. nell’ingresso. .
D. Alceste:
Quanto tempo èlo che no ‘l se confèssa? Sa alo fato? El me diga tuto.
Dott. Bragòssa:
El se piéga in avanti e el se tira su la tònega.
D. Alceste:
Cosa?
Dott. Bragòssa:
El faga come g’ò dito. No posso pèrdar tempo!
D. Alceste:
E se riva qualchedùno?
Dott. Bragòssa:
No riva nissùni!
Don Alceste, di malavoglia e con gesti impacciati, si piega e solleva la tonaca. Il medico
si mette una lampada in testa, prende un apposito attrezzo e comincia l’intervento.
53

54
D. Lumìn:
Strénsi i denti!
D. Alceste:
A pian! El me fa mal! (Si rimette diritto) Ma sa g’alo in testa? El me pàr ‘n minatór! G’alo
intensión da nar così in fondo da trovar el carbón?
Dott. Bragòssa:
No se sà mai….El torna ne la posissión de prima!
Le donne si guardano con gli occhi sgranati. Solo Iolanda non si mostra stupita.
Gervasia:
Che se possa parlar?
Iolanda:
Parla, parla, che no ‘l te sente de sicuro! E g’à altre robe da pensar!
D. Alceste:
Mama che mal!
Gervasia :
Sa sucéde de là?
Iolanda:
Quando i pecàti i è grossi, don Alceste el sente sempre mal.
Gervasia:
Indóe?
Iolanda:
Al…al…al cór.
Adelaide:
Ha un animo molto sensibile il nostro parroco!
Iolanda:
Se la vól ciamàrghe animo…..
Augusta:
Che cuore tenero!
Dott. Bragòssa:
El staga fermo senò me tóca farghe ‘n buso che ghe passa ‘n dièl.
54

55
Don Alceste:
Qual dièl?
Dott. Bragòssa:
El piassè grosso: el deolón del pié.
D. Alceste:
Par carità! No ‘l staga farme busi!
Adelaide:
Che ignorante! Si chiama alluce….E poi non capisco perché debba fare un altro buco
nella tonaca di don Alceste. Ne ha già abbastanza di buchi.
Gervasia:
La tònega del pàraco la pàr magnà dai rati!
Fulgenzia:
Se pól sentàrse?
Iolanda:
Sentémose!
Le donne si siedono.
Dott. Bragòssa:
S’ el continua a móarse così, no rièsso mia a ciapàrla. El staga fermo!
D. Alceste:
‘Na parola! El le canta bèla lu! Són mi che sento el mal!
Gervasia:
Ma sa g’alo da ciapàr el dotór?
Iolanda:
L’assolussión!
Fulgenzia:
Ma bisogna star fermi par ciapàr l’assolussión? A mi no me l’à mai dito nissùni.
Iolanda:
Èla èla stà ferma fin che la se confesaà?
Fulgenzia:
Fòrsi nò. Scurlo sempre la gamba: l’è el sistema nervoso.
55

56
Iolanda:
E alóra la g’à ancora ne l’ànema tuti i pecàti che l’à fato ne la so vita.
D. Lumìn:
Ma sa dìsela la Iolanda, èla deventà mata?
Fulgenzia:
E alóra bisogna che me confèssa subito e che staga ferma!
Iolanda:
Come ‘na statua!
Fulgenzia:
Ma mi no me ricordo mia tuto!
Iolanda:
La vedarà che don Alceste i so pecàti el li conósse tuti: gh’è ‘n saco de gente ch’el lo
tien informà.
Fulgenzia:
Manco mal!
Iolanda:
Contenta éla!
Adelaide: (rivolta a Iolanda)
Ma che cos’à don Alceste? L’ò visto molto strano.
Augusta:
Non è da lui comportarsi in un modo così brusco.
Iolanda:
El g’avarà dei dispiaséri.
Gervasia:
Sì, nel tèrso mondo!
Dott. Bragòssa:
Ècola, l’ò ciapà!
Adelaide:
Meno male! La confessione è finìta: il dottore ha preso l’assoluzione.
Dott. Bragòssa:
L’ò tirà fóra: Vórlo védarla?
56

57
D. Alceste:
Par carità! Se la vardo, me vien i sgrisolóni.
Cesira:
Ci g’avarésselo da vardàr don Alceste? E parché ghe vièn i sgrisolóni?
Fulgenzia: (sottovoce)
I ghe vegnarà vardàndo la Iolanda!
Adelaide:
Mi sembra tutto molto strano.
.Dott. Bragòssa:
Adesso vago…La salùdo, Reverendo!
D. Alceste:
Gràssie, grassie! Me pàr de èssar rinato.
Il medico esce.
SCENA UNDICESIMA
Personaggi: tutti quelli della scena precedente, tranne il medico.
Don Alceste chiude la porta d’entrata e entra nello studio tutto sorridente.
D. Alceste:
E alóra se magna?
Le donne si guardano con stupore.
Iolanda:
Come “se magna”?!
Gervasia:
E el tèrso mondo?
D. Alceste:
Noàltri vivémo ne l’abondànsa! Se la spartémo, ghe n’è bastànsa par tuti. Questa,
intanto (Indica il cibo portato dalle parrocchiane), l’è la parte che ne tóca a noàltri.
Augusta:
Continua a sembrarmi tutto molto strano.
Adelaide:
Anche a me.
57

58
Gervasia:
Su, dai, parecémo la tòla!
Le donne cominciano ad apparecchiare.
Iolanda:
Sióra Cesira, ala vansà ‘na s-ciànta de fugàssa?
Cesira:
Ghe n’ò magnà mèza.
Iolanda:
Ma l’è proprio ‘n seciàr!
Cesira:
Prima se magna, dopo no se magna, adesso se magna ancora…Mi qua no capìsso più
gnénte!....E me ciàpo anca del seciàr!
D. Alceste:
Fòrsa dòne, fasì in prèssia che g’ò ‘na fame che magnaréa ‘n can coi dolori!
Don Alceste si siede, con molta cautela. Appena seduto sorride e fa un sospiro di
sollievo. Si mette il tovagliolo.
Che bèlo podér sentàrse.
Gervasia:
Lo credo ben! L’è lu ch’el voléa che restàssimo tuti in pié.
D. Alceste:
Star in pié el fa vegnér apetito!
Adelaide:
Avete capito? L’a fatto per quello! Per farci venire l’appetito!
Iolanda:
L’ala capìo solo adesso?
Fulgenzia:
Mi no ò gnancóra capìo gnénte!
.
Gervasia: (sottovoce all’orecchio di Iolanda).
Varda che te gh’è da contàrme tuto!
Anche le donne si siedono a tavola. Cominciano tutti a mangiare. Le campane si
mettono a suonare.Tutti si alzanoin piedi.
58

59
Augusta:
Che belle le campane!.
Iolanda:
Quando la campana grossa la taca a sonàr, me pàr ch' el so batòcio el me sbata qua
sul cór. Din...el cór el me se sposta a destra, dòn...el cór el va a sinistra. Din-dòn...el
cór el me vièn in bóca. Che sia l'emossión? Però i è bèle le campane!
Gervasia:
Assè! Da quando gh'è el campanìl, a mi me pàr che sia sempre Pàscoa o Nadàl.
Iolanda:
Te lo ricordito, Gervasia, quando a sti àni, invésse de le campane gh'éra el disco? El
disco no 'l sonàa mia così ben ma, de le òlte, mi próo 'na s-ciànta de nostalgia. Alóra
gh'éra don Lumìn e l'éra el vècio sacrestàn, Mariéto, che ‘l tacàa el disco. La so man la
tremava e, prima che scominciàsse el din-dón, se sentìva ‘n gratón che ’l faséa rissolàr
le réce.
Gervasia:
El tempo el passa!
Cesira:
Se devènta vèci.
Iolanda:
De sacrestani come Mariéto no i gh'è più; gh'è solo betòneghe.
Augusta:
Non ci sono più neanche i chierichétti.
Gervasia:
Te ricòrdito, Iolanda, quando, tuti vestìi de biànco come angeli, i caminàa dedrìo a don
Lumìn?....Che bei che i era! Gh'èra anca i me du butìni.
Iolanda:
Se stava mèio quando l'andava pèzo.
Gervasia:
Sacrosànte parole!....Sióra Augusta, sa fala?
Augusta:
Cosa volete che faccia? Piango, mi sono commossa. Che brava persona che era don
Lumìn!.
Gervasia:
59

60
Su, no la fassa così, senò me vien da piànsar anca a mi.
Adelaide:
Non vedete che anch'io piango?
Gervasia:(rivolta al pubblico)
Figurémosse se quéla la voléa èssar de manco. Se l’Augusta la fa diése làgrime, éla la
g’à da fàrghene óndeze!
Iolanda: (tra sé)
Quasi quasi ghe conto quel che gh’è sucèsso al pàraco, così, invésse de ‘n’ùcia sola,
éla la se ne impianta dó…Una par ciàpa!...Ma adesso fémola finìa. Basta cativèrie! (Si
rivolge alle altre donne con un tono di voce dolce)
Anca don Alceste l'è brào e bòn; basta pensar che ogni giorno el sopòrta tute le vostre
ciàcole! Vegnì qua e démosse la man, vardémosse nei òci, quéi no i dise busìe: i pòcia
proprio in fondo al cór e là, in tuti quanti, gh'è ‘n cantonsìn caldo dove gh'è solo amor,
‘n amor grando che ‘l spèta solo che lo lassémo parlar. Tasémo tute e scoltémolo, el so
canto l'è più bèlo de mile din-dòn de campane. Sssst! Fémo silènsio, el taca a cantar.
Si sente un canto molto dolce.
D. Lumìn:
Ve benedìsso, beate creature!
F I N E
60