Create successful ePaper yourself
Turn your PDF publications into a flip-book with our unique Google optimized e-Paper software.
6<br />
Iolanda? Ma l'è la me perpetua! Sa èle ste confidènse?.... Però, l'è ancora viva; la sarà<br />
vècia stracampìa.<br />
D. Alceste:<br />
Iolanda!<br />
D. Lumìn:<br />
L'éra za mèza sorda trent'àni fa; figurémosse adesso!... Però,mi g’ò sempre avù el<br />
sospèto che la fasésse da sorda. Quando qualcosa la ghe interesàa, la sentéa anca le<br />
moréciole caminàr par la canonica.<br />
SCENA QUARTA<br />
Personaggi: Alceste, Iolanda, don Lumin (invisibile)<br />
Entra una vecchia trascinando i piedi; la sua andatura è molto lenta.<br />
Iolanda:<br />
Vègno!... Calma!.... El staga chièto!.... No 'l vede che són drio a córar?... Vórlo che me<br />
rompa l'osso del còl?<br />
D. Alceste:<br />
Par carità, Iolanda, ralènta!....Te me pari Tomba la Bomba.<br />
Iolanda:<br />
El me tól anca in giro….. Iolanda qua, Iolanda là, Iolanda su, Iolanda zó...Me crédelo<br />
Figaro?<br />
D. Lumìn:<br />
Santo Paradiso!... Se prima l'éra bruta, adesso l'è anca pèzo: la fa spaènto; la g'à più<br />
ràpole in fàcia che cavéi su la testa. Questa l'è stà stampà proprio par i preti…. L'è<br />
contro ogni tentassión…. Maria de oro, no són gnanca bón de vardàrla… I preti no i g’à<br />
mia da desiderar le dòne, e manco ancora tocàrle….Ma vardàr se pól sempre….Che se<br />
contenta almànco l’òcio…..Ma gnénte bruti pensieri!...Bruti pensieri….La me pàr<br />
‘n’esagerassión….No i ghe fa mal a nissùni!....Ma se i vól così….Çèrto che, de le òlte,<br />
no l’è mia facile tegnér fermi i pensieri….Qua, in canonica vegnéa de quéle<br />
sposéte…..E le se rufianàa anca……Quante penitènse che ò cognèsto far!<br />
Iolanda:<br />
Cosa comàndelo?<br />
D. Alceste:<br />
Ascolta, beata creatura!<br />
Iolanda (dopo essersi guardata attorno):<br />
Mi me ciàmo Iolanda.<br />
D. Alceste:<br />
E mi te ciàmo "beata creatura".<br />
6
Change language