Create successful ePaper yourself
Turn your PDF publications into a flip-book with our unique Google optimized e-Paper software.
34<br />
Carla:<br />
Su, Reverendo, l’è par la so salute! Sa fai i só parochiàni se lu el se cùcia?<br />
D. Alceste:<br />
La me scusa, sióra Carla, ma in sto momento no pól interessàrmene de manco.<br />
Iolanda:<br />
Don Alceste, no ‘l staga far come le creature. Se no ‘l se cura i cervicali, ghe vien mal<br />
de testa e anca le stornìsie, No se lo ricòrdelo più el rugolón che l’à fato zo da l’altàr<br />
par i giramenti de testa? S’el batéa ‘na tempia, el ghe restàa séco.<br />
D. Lumìn:<br />
Ma g’ala da fàrghela nel brasso o nel dedrìo? Mi no l’ò gnancóra capìo. Nel brasso va<br />
ben, ma in quel’àltra parte nò, piutòsto la morte. Tien duro, don Lumìn! Ma in sto paese,<br />
no ghe n’è mia òmeni che sàpia far le pontùre? A mi el me le faséa el Tano. Indoe élo<br />
andà a finìr el Tano?<br />
D. Alceste:<br />
Basta! Mi de pontùre no ghe ne vói più, specialmente da ‘na dòna.<br />
Carla:<br />
Oh! Èlo par quel? El se figura che efèto ch’el me fa el so dedrìo! Far le pontùre l’è el<br />
me mestiér e ghe assicuro che tra el so fondoschéna e quel de la Iolanda no gh’è<br />
nissùna difarènsa.<br />
D. Lumìn:<br />
La g’à da fàrghela proprio in quel posto!....L’è ‘n scandalo!<br />
Iolanda:<br />
E così el me….el me cóso l’è come quel de ‘n prete!....No l’avaréa mai dito!<br />
D. Alceste:<br />
Se in tuti sti giorni l’à insistìo, contro la me volontà, de vegnérme a far le pontùre, par<br />
dopo dirme che ghe soméio a la Iolanda….Quéla l’è la porta!<br />
Carla:<br />
Ma, Reverendo, sa alo capìo? El varda che mi no ò mai visto gnénte, són sempre stà<br />
discreta….Si e nò che g’ò visto un centimetro quadrato de pèle…L’è come se g’avésse<br />
visto quéla de la fàcia.<br />
D. Alceste:<br />
De ben in mèio! Donca mi g’avaréa la fàcia da…..Bóca tasi!<br />
Carla:<br />
Ma, Reverendo, lu el se stà diséndo tuto da solo!...El varda che la fialéta l’ò za<br />
róta….qua svaporìsse tuto!<br />
34