You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
BALBODISSEA
Una chelda sira
ed prizénpi estè
dopp avàir atraversè
la basa bulgnèisa,
in zona ferrareisa
na bèla fùrastira
drì ad un èrzen l’as fermé.
Un poch prémma l’aviva magnè
la cucòmbra dal meis ed loi
e la panza l’ira
in subboi;
L’aviva la necessité
d’una evacuazion,
in barlàida d’l’imbaraz
l’as liberé!
Un bél ragaz
màinter al curìva
al passéva par dlé,
e lì al bùs d’al gnéc l’as pùlìva;
al zuvnòt un
zért quél
l’andé in movimeint,
lé par lé
comme paralizé
dala visioun imbarbajé
an savìva
sà dìr e sa fér,
ma in un muméint
l’ingarbuièda situazion
l’as cambié,
as sinté un còulp ed colt,
con dimondi spavéint
al ragazél
al fé un scàt comme Usain Bolt;
un pàs drì a clètér,
in vétta a l’érzen d’al Rein
con un gràn fiàton
al Lippo l’arrivé!
Què un sgnòur
in tal veddar un esér
uman acsé stremé
unna buttéllia
ed vein
ac dé da bovvér;
Maintér al bviva
al cunté al fatàz;
al sgnòur dalla coursa impressioné
par al Lippo a li tesseré!
Al bél zuvnòt l’è Andrea Balbòn
c’al corr e as dà unna gròsa man
pàr risolvér qualsiasi problémon!
Viva viva Andrea Balbon!!
UGOLINEIDE
L’è Stefano Ugoléin
un professour in pensiòn,
al tgniva scòla agli Aldéin,
studént con emoziòni
stévén aténti alla leziòn
c’al prof. al féva con passiòn.
Ma in zoventò al birichéin
al vlìva fér la rivoluziòn,
al fo’ bluché dai questuréin
atàis al pavajòn
con un pàc ed vulantéin
con scrét “Potere alla populaziòn!”
“Fermo lì,siamo della politica!”
“Ed io son prof. di matematica e fisica
e se non vi dispiace am piés la fic…”
Par i pulisman l’ira una provocaziòn,
i al vlivàn purtér in prisòn.
Lò al dvinté cinéin cinéin
al zighéva come un fangéin
al djiva:” A saun sòul un povér virtusséin
an farò pio’ dal caséin!”
Aloura con cumpassiòn
al fo’ lasé al so’ destéin,
al scàpé come un cunéin,
con un gran fiatòn
as fermé a bovvér dal véin
e acsé l’è dvinté un pudésta Lippéin!