Caput 1 Rubricae generales

158 CAPUT 9. PROPRIUM DE TEMPORE
RG: 510d
tamquam de Tempore in ceteris Missis, quae eodem tempore celebrantur, et
praefatione propria carent.
Infra Actionem Communicantes, et Hanc propria. Dicitur ‘Pax Domini sit
semper vobiscum’, sed pacis osculum non datur.
‘Agnus Dei’ non dicitur: et, omissa oratione ‘Domine, Iesu Christe, qui
dixisti’, dicuntur ceterae orationes consuetae ‘Domine, Iesu Christe, Fili Dei
vivi’, et ‘Perceptio Corporis tui’.
Non dicitur ultimum Evangelium.
Dominica Resurrectionis (I classis cum octava I classis)
RG: 475d
RG: 501
RG: 507b
Post ‘Alleluia’ dicitur sequentia paschalis, quae dicitur usque ad sabbatum
in albis inclusive.
Hodie et per octavam dicitur ‘Credo’.
Praefatio paschalis, in qua dicitur: ‘Te quidem, Domine, omni tempore, sed
in hac potissimum die’. Infra Actionem Communicantes et Hanc igitur propria.
Et sic dicitur usque ad sabbatum in albis inclusive.
Post ‘Dominus vobiscum’ additur ad ‘Ite, Missa est’ et ad responsum bis
‘Alleluia’. Et sic dicitur usque ad sabbatum in albis inclusive, in Missis de
Tempore.
Feriae in octava Pachatis
Sabbato in albis (I classis)
Ab hac die usque ad sabbatum Quatuor Temporum Pentecostes inclusive,
in omnibus Missis, non dicitur graduale, sed quattuor ‘Alleluia’ cum duobus
versibus, in vigilia autem Pentecostes et post quamlibet lectionem in sabbato
Quattuor Temporum eiusdem, unum ‘Alleluia’ dicitur cum unico versu.
Dominica in Albis in Octava Paschatis (I classis)
Dicitur ‘Gloria in excelsis’ in hac et sequentibus dominicis post Pascha, etiam
quando infra hebdomadam adhibetur Missa dominicae praecedentis.
Praefatio paschalis, in qua dicitur: ‘in hoc potissimum gloriosius praedicare’.
Dominica II – V post Pascha (II classis)
Praefatio paschalis, in qua dicitur: ‘in hoc potissimum gloriosius praedicare’.
In Litaniis maioribus et minoribus
RG: 130a
PR: 10.7
Ad processionem et Missam in Litaniis maioribus et minoribus adhibetur
color violaceus.
Litaniae maiores assignatae sunt diei 25 aprilis; si vero eo die occurrit dominica
Paschatis vel feria II post Pascha, transferuntur in sequentem feriam
III.
Litaniae minores seu Rogationes, per se, assignantur feriis II, III et IV
ante festum Ascensionis Domini. Ordinariis autem locorum facultas tribuitur
eas transferendi ad alios tres dies continuos magis opportunos, iuxta regionum
diversitatem aut consuetudinem aut necessitatem.