Caput 1 Rubricae generales
Caput 1 Rubricae generales
Caput 1 Rubricae generales
Create successful ePaper yourself
Turn your PDF publications into a flip-book with our unique Google optimized e-Paper software.
98 CAPUT 4. DE ANNO ET EIUS PARTIBUS<br />
autem sancti Matthiae, in februario, licet posterior littera currat, additur tamen<br />
tunc dies intercalaris, ita ut dies 24 februarii dicatur 25, et dies 25 dicatur 26, etc.<br />
Quod si dies cinerum cadat in martium, nihil addendum est, quia tunc et littera<br />
posterior currit, et dies mensis propriis numeris respondent, cum dies intercalaris<br />
februario sit additus. Immo nisi per posteriorem litteram investigarentur, non<br />
inveniietur recte Septuagesima in anno bissextili currente epacta XXIV vel XXV,<br />
et littera dominicali d c, ut in secundo ac tertio exemplo perspicuum net pro<br />
annis 4088 et 3784. Exempli gratia: Anno 2096 bissextili epacta erit V et<br />
litterae dominicales A g. Si igitur per posteriorem litteram, quae est g, festa<br />
mobilia investigentur, reperietur Septuagesima die n februarii, et dies cinerum 28<br />
februarii. Si autem addatur unus dies, cadet Septuagesima in diem 12 februarii,<br />
quae est dominica, et dies cinerum in diem 29 februarii, quae est feria iv; Pascha<br />
autem et reliqua festa in eos dies cadent qui in tabula expressi sunt. Item<br />
anno 4088 bissextili, epacta erit xxiv, et litterae dominicales d c. Si igitur per<br />
litteram c, quae posterior est, inquirantur festa mobilia, invenietur Septuagesima<br />
die 21 februarii, et si addatur unus dies, cadet in diem 22 februarii, quae est<br />
dominica. Dies autem cinerum cadet in diem 10 martii: quare nihil additur,<br />
etc. Rursus anno 3784 bissextili, epacta erit XXV et litterae dominicales d<br />
c. Ergo iterum per posteriorem c reperietur Septuagesima die 21 februarii,<br />
hoc est, addita 1 die, 22. Quod si per priorem litteram d in utroque horum<br />
duorum annorum agendum esset, nihil efficeretur, cum infra epactas XXIV et<br />
XXV littera d indicet Septuagesimam die 15 februarii, quod falsum esset, cum<br />
eo anno posterior littera c Pascha offerat die 25 aprilis, ac proinde Septuagesima<br />
die 22 februarii celebranda sit, ut liquido constat, si a die Paschae dominicae<br />
retro numerentur usque ad Septuagesimam.<br />
In priori porro tabula paschali antiqua reformata, epactis ad sinistram praeposuimus<br />
aureos numeros eodem ordine quo ante emendationem calendarii collocari<br />
solebant, ut ex iis festa mobilia invenirentur. Hoc autem idcirco a nobis<br />
factum est, ut Pascha ceteraque festa mobilia a Concilio Nicaeno usque ad annum<br />
1582 quilibet indagare possit. Eodem autem prorsus artificio ex aureis<br />
numeris ita distributis festa mobilia eruuntur, quo ex epactis. Sit enim explorandum,<br />
exempli causa, quando festa haec celebrata fuerint anno 1450. Quoniam<br />
eo anno aureus numerus fuit 7, et littera dominicalis d, si aureus numerus 7<br />
in sinistro latere accipiatur, et prima littera d infra eum occurrens, reperietur e<br />
regione huius litterae d, Septuagesima die 1 februarii, dies cinerum 18 februarii,<br />
Pascha die 5 aprilis, etc.<br />
Adventus Domini celebratur semper die dominico, qui propinquior est festo<br />
sancti Andreas Apostoli, nempe a die 27 novembris inclusive usque ad diem 3 decembris<br />
inclusive; ita ut littera dominicalis currens, quae reperitur in calendario<br />
a die 27 novembris usque ad diem 3 decembris, indicet dominicam Adventus.<br />
Ut, verbi gratia, si littera dominicalis est g, dominica Adventus cadet in diem 2<br />
decembris, quia ibi est littera g in calendario, etc.<br />
Ad finem tandem tabellarum paschalium apposita est tabula temporaria<br />
multorum annorum, e regione quorum omnia festa mobilia inveniuntur; quae<br />
quidem tabula, ex tabulis paschalibus excerpta est, ex quibus infinitae aliae erui<br />
possunt pro quibuscumque annis.