28 Mrt 2013 - Afrikaanse Klub

'n Mengsel van populêre Afrikaanse en Engelse liedere word gesing, gevolg deur heerlike oggendtee
en verversings.
Die aanbieding sal in Engels wees, dus is jou Kiwivriende ook baie welkom! Slegs 'n beperkte aantal
kaartjies is beskikbaar.
Kaartjies kos $15 (oggend tee ingesluit) en is beskikbaar by Fred’s Fine Foods in Albany en in Howick
of skakel Marina by 09 479 2097 of 021 599 980 in die Noorde of Wilma by 09 534 1879 of 021 104
8545 in die Suide.
Paasnaweek – rus lekker en ry versigtig
Vrydag begin die Paasnaweek en Brokkies se redaksie wens al ons lesers ‘n baie aangename rustydjie
toe. Onthou gerus waaroor Paasfees eintlik gaan en hou matigheid voor oë. Indien jy en jou gesin op
die pad gaan wees, ry asb versigtig en wees bedag op die ander padgebruikers.
Brokkies se redakteur gaan self ‘n bietjie uitspan en volgende week se Brokkies mag dalk ‘n bietjie
dunner wees!
Sokkie - Herfs Dans
Die enigste goeie ding van die Somer wat einde se kant toe staan, is dat dit tyd raak om te dans - en
die rugby natuurlik.
Wanneer 20 April 2013 om 7:00 nm
Waar Pakuranga Bowls Club, Sir Lloyd Drive, Pakuranga.
Vir meer inligting en om kaartjies te koop, gaan na www.sokkie.co.nz of kontak Franz Wendzich by
021 134 2022.
Heerlike Afrikaanse leesstof vir Kiwilanders
Ons Suider-Afrikaanse immigrante kry nie aldag lekker humoristiese en ontspannende Afrikaanse
leestof in die hande nie en daarom het ek gedink om die boek Die reine waarheid en ander
liegstories deur Herman Toerien onder ons lesers se aandag te bring. Dis nou ook as ‘n e-boek
beskikbaar, ook by Leserskring, Kalahari, My Books en Amazon deur Boekemakranka se maklike
skakel. Die boek tel ook vir klublede van Leserskring se verpligte maandelikse aankoop.
Elmaré Rossouw se resensie van die boek lees soos volg: “Herman Toerien se nuutste reusebydrae tot
Afrikaanse humor is ‘n moet vir elke Afrikaanssprekende om te lees! Die jonger geslag sal presies
agterkom waar Dawid nou eintlik die wortels gegrawe het in ‘n tyd sonder Google of TV, en hulle kan
inleef in die ongelooflike vertellings van toeka tot nou. Vir ons wat effe ouer is, herinner die leser hom
aan stories wat pa en oupa kleintyd om die kaggel- of braaivleisvuur vertel het, maar jou nou byna
heeltemal ontgaan het. So dikwels het jy gewens dat jy hierdie kosbare vertellings neergeskryf het,
om dit nogmaals te kon geniet, en vir jou kinders en kleinkinders kon bewaar. Herman se besondere
waarnemingsvermoë en unieke skryfstyl met hope humor en fynweg draaksteek, maak van Die reine
waarheid en ander liegstories ‘n vreugde om oor en oor te lees en te geniet. ‘n Stukkie Africana op sy
beste!”
Die e-boek is nou by My Books hier beskikbaar. Vir vriende en familie in die buiteland wat dalk
makliker in dollars kan hoes, soos ons hier in Niu-Seeland, is dit by Amazon hier beskikbaar. Dit sal
ook binnekort by Kalahari en Leserskring beskikbaar wees.
Wat het Herman Toerien probeer bereik met dié boek? Hy vertel soos volg:
“In die eerste plek ongetwyfeld ‘n vaste wil om te keer dat die stories wat my pa, ‘n gebore
Namakwalander, so lekker vertel het, vir die nageslag verlore gaan. Hy is in 1977 oorlede toe ek nog
‘n student was. ‘n Paar verhale is ook afkomstig van sy suster, tannie SC, wat enkele jare gelede
oorlede is. Dit is daarom ook hoofsaaklik vertelstories, met verskeie wat oor ‘n paar radiostasies
voorgelees is.