28 Mrt 2013 - Afrikaanse Klub

More documents

Recommendations

Info

Voorts het ek staaltjies uit ander dele van die land “opgedoen” wat minder bekend is as storiewêreld, maar darem vir die nageslag vasgelê moes word. En terloops, mense wat dink daar is dele van die land wat nie <strong>Afrikaanse</strong> storie-wêreld is nie, het nog nie landswyd landboukongresse bygewoon nie. Ek het een jaar daardie voorreg geniet. Die fokus val op humor, en verskeie lesers hiervan en ook ander stories, soos die Herrie se kerriereeks, vertel of skryf hulle het gelag dat die trane loop. Maar, hoewel daar wel komiese insidente voorkom, is ek nie ‘n persoon wat myself met vlak humor vereenselwig nie – veel eerder die diep, droë humor van die Namakwaland. Daardie mense kan ‘n storie met ‘n sedige gesig bly vertel terwyl die aanhoorders skaterlag. \ Maar geen gesinsman wat ‘n gestremde kind het, kan vir deernis onaangeraak bly nie. Ons jongste is outisties, maar hoewel hy altyd afhanklik sal bly, is ons besonder bevoorreg dat hy ‘n lieftallige geaardheid het. En ook ‘n humorsin. Die inkomste sal ongetwyfeld ook help om ons in staat te stel om vir hom ‘n neseier op te bou vir wanneer ons self eendag nie meer daar is nie. Van die stof is ook van Abrie de Vos bekom, en het onder meer die verhaal, Sondaghaas opgelewer wat onder andere in Huisgenoot geplaas was, en ook verskeie kere oor Radio Hoogland voorgelees is. Abrie is merkwaardig – hy is volkome blind in sy een oog, en het net 16 persent sig in die ander. Na die beste van my vermoë het ek sy vertelling, soos hy dit weer van sy legendariese pa, wyle ds. Jacob de Vos gehoor het, probeer weergee. Dis ou nuus dat nuus vandag dikwels neerdrukkend is, iets waarmee ek daagliks as aktualiteitspraktisyn werk. Hierdie verhale se doel is om ‘n mens te herinner dat daar ook ‘n ander kant van die lewe is, waar die son skyn, waar dit ook reën, en waar mense kan lag. Dis ‘n baie aardse kyk na die lewe en die insidente wat die lewe kleurvol maak. Dis ‘n wêreld waar die Skepper en Sy grootsheid ‘n vanselfsprekendheid is. In baie <strong>Afrikaanse</strong> boeke, veral humorboeke, word ‘n ander wêreld geskep- waarskynlik onbewustelik – waarin byna almal wit is. Die Duitser, die Engelsman, die Griek ... hulle speel almal ‘n groter rol as die miskien terloopse verwysing na die bekkige huishulp, die man in die tuin, die bruin seuntjies wat die aas uithaal en die visstokke aandra. In “Die reine waarheid en ander liegstories” is daar egter ook verhale opgeneem waarin bruin mense sentraal staan, en ook probeer is om die humor so tipies van dié gemeenskap vas te vang. Met deernis. En natuurlik kan ek myself nie heeltemal in daardie skoene verplaas nie. Uit die allegaartjie is daar hopelik vir almal wat ‘n passie of waardering vir Afrikaans het iets om lekker aan te herkou. Laastens, oor die wêreld is baie mense wat soms moedeloos is weens die beperkinge wat disleksie vir hulle bring. Ek hoop hierdie werk, deur iemand geskryf wat self disleksie het, dien as aanmoediging. Baie dankie aan Trisa Hugo van Boekemakranka vir die sorg wat sy aan die dag gelê het.” Lekker lees. Weet wat jy eet: Marmite Marmite was verlede week baie prominent in die nuus toe dit weer op die winkelrakke verskyn het na ‘n jaar se afwesigheid en ek dog toe dis goed van pas om onderstaande artikel in Brokkies te plaas As die lus vir iets souts my pak, is daar min dinge so lekker soos ’n stukkie roosterbrood, dun gesmeer met Marmite. Dié smeer is ’n groot gunsteling in lande soos Nieu-Seeland, Engeland en Suid- Afrika en word van gis-ekstrak gemaak, ’n byproduk van die bierbrou-proses Dit is vir die eerste keer per toeval in die laat 19de eeu gemaak toe ’n Duitse wetenskaplike, Justus Liebig, ontdek het brouersgis kan gekonsentreer word en vorm dan ’n vegetariese pasta wat baie soortgelyk aan vleis-ekstrak is. Die Marmite Food Company het in 1902 in Burton-on-Trent, Staffordshire, Engeland oopgemaak en Marmite word vandag steeds daar gemaak. Die roumateriaal kon daar geredelik van die dorp se brouers bekom word. Die oorspronklike resep het ook sout, speserye en seldery bevat.
Marmite is baie voedsaam, en vanaf 1912 is verskeie vitamiene, soos vitamien B12, bygevoeg. Vanweë sy voedsaamheid was Marmite deel van soldate se rantsoene in albei Wêreldoorloë. Marmite is nie net lekker op roosterbrood nie – dit kan soos vleisaftreksel of sojasous gebruik word om geur by soppe, bredies en souse te voeg. Dit is ook heerlik saam met kaas en gee ’n bietjie skop aan ’n gewone kaastoebroodjie. Marmite moet nie met produkte soos Bovril verwar word nie – laasgenoemde word van dierprodukte gemaak, terwyl Marmite 100% vegetaries is. Die naam van die produk kom van ’n Franse kasserolbak met die naam marmite (uitgespreek “marmeet”). Sedert die 1920’s verskyn daar op Marmite se rooi-en-geel etiket ’n prentjie van ’n marmite. Marmite is nie net in een gedaante beskikbaar nie – oorsee is daar ryskoekies en aartappelskyfies wat met Marmite gegeur is op die winkelrakke. Van tyd tot tyd verskyn dit ook in ’n spesiale baadjie: Tydens koningin Elizabeth II se jubileum verlede jaar het Marmite haar geëer met ’n beperkte uitgawe genaamd “Ma’amite”. Weet jy waar jou liefdadigheidsdonasies beland? Nieu-Seelanders is seker die vrygewigste mense wanneer dit by liefdadigheid kom. Daar moet net ‘n berig oor die TV kom oor iemand wat swaarkry of sukkel – dink ook maar aan die pikkewyntjie Happy Feet wat so ver van die Suidpool af verdwaal het – en dan stroom die geld in! ‘n Artikel in verlede week se New Zealand Herald vertel dat die Cancer Research Charitable Trust minder as 5% van die $1.1miljoen wat hulle oor vier jaar ingesamel het, aan die begunstigde organisasie oorbetaal het. Die Trust het naamlik net $48 563 oorbetaal vir kankernavorsing – 4.2% van die $1.1miljoen wat hulle gekollekteer het. Die boeke toon verder dat die res van die geld gegaan het vir salarisse en administratiewe kostes. Miskien moet ons meer daarop aandring om by sulke fondsinsamelaars vas te stel hoeveel van ons bydraes kom by die begunstigdes uit voordat ons sommer in goeder trou geld skenk. Dan is daar ook nog die spreekwoord wat lui: “Charity begins at home” en daar is juis so baie organisasie wat geld insamel vir begunstigdes buite ons land se grense. Ek wonder hoeka hoeveel van dié geld kom ooit by hul bestemming uit! ‘My Kind, as dit Liewe Jesus se wil is…..’ So ‘n bietjie humor na ‘n week van minder goeie nuus wat ons daagliks moes lees. Een middag na werk het ons’n katjie in ‘n populierboom op ons plot gewaar. Die kat het klaarblyklik nie geweet hoe om af te kom nie en my pogings om die dier te bereik om hom uit te haal, het misluk.
Page 1 and 2: 28 Maart 2013 Paasboodskap Lewe vol
Page 3: 'n Mengsel van populêre Afrikaanse
Page 7 and 8: Die onverwerkte vakpunte is verlede
Page 9 and 10: Marius Koekemoer het daarin geslaag
Page 11 and 12: Lees in hierdie week se uitgawe ook
Page 13 and 14: houtskool. Te huur teen $60 per gel
Page 15 and 16: Rand Reunite is ‘n plaaslike maat
Page 17 and 18: 2. PC Fixit Rekenaardienste (4/5/10
Page 19 and 20: 3 Erediens te CHRISTCHURCH: Afrikaa
Page 21 and 22: Ds Mariaan Schutte by 021 0818 2629

28 Mrt 2013 - Afrikaanse Klub

You also want an ePaper? Increase the reach of your titles

Delete template?

Save as template?