Algemene Jaarvergadering - TopMed

More documents

Recommendations

Info

TOPMED MEDIESE SKEMA OPGESOMDE FINANSIËLE JAARSTATE VOORBEREI UIT DIE GEOUDITEERDE FINANSIËLE STATE VIR DIE JAAR GEËINDIG 31 DESEMBER 2011 VOORBEREIDINGSGRONDSLAG Die finansiële state waaruit hierdie opgesomde finansiële state afgelei is, is opgestel in ooreenstemming met Internasionale Finansiële Rapporteringstandaarde (IFRS) en op die wyse wat deur die Wet op Mediese Skemas van Suid-Afrika vereis word. Die Skema het alle nuwe en hersiene rekeningkundige standaarde en interpretasies aanvaar wat gedurende die huidige jaar van krag geword het. Die aanvaarding van hierdie hersiene standaarde het tot sekere openbaarmakings gelei, maar nie enige veranderings in rekeningkundige beleid meegebring nie. OPSOMMING VAN WERKSAAMHEDE Die Skema het ’n netto surplus van R474,959,286 (2010: tekort van R8,335,870) vir die jaar gegenereer. Die Skema se totale omvattende inkomste vir die jaar is R475,101,755 (2010: R6,408,693). Dit sluit ongerealiseerde wins vir die jaar tot dusver in op beleggings wat beskikbaar is vir verkoop. Die hoofrede vir die Skema se hoër as verwagte werklike surplus is die geregtelike toekenning van R458,483,613 en die verhaling van regskoste van R2,164,867 in 2011. Voor inagneming van die beleggingsinkomste, het die Skema ’n netto gesondheidsorgtekort van R28,364,423 (2010: R20,066,756) aangeteken. Hierdie groter tekort is toeskryfbaar aan die hoë gemiddelde begunstigdeouderdom in die skema en die toename in hoëkoste-gevalle wat die Skema in 2011 ondervind het. Die Skema het sy getal lede tot 12 436 opgestoot soos op 31 Desember 2011 (2010: 11 226). Die Raad het die behoefte geïdentifiseer om die Skema uit te brei ten einde volhoubaarheid oor die lang termyn te verseker. Die samesmelting met die Built Environment Professional Associations’ Medical Scheme in 2011 het gehelp om dit te vermag. Die Raad sal steeds verder samesmeltingsgeleenthede in 2012 ondersoek om die ledetal en die Skema se profiel verder te verhoog. Hierbenewens sal die Raad die Skema se ledetal probeer uitbrei deur mededingende opsies aan huidige sowel as potensiele lede te bied. Die Skema sal nog steeds geleenthede soek om gesondheidsorg- en nie-gesondheidsorgkoste te verlaag. Die Skema se solvensieverhouding soos op 31 Desember 2011 is 169.2% (2010: 34.1%). Dit is hoër as die minimum vereiste van 25% soos bepaal deur die Wet op Mediese Skemas. Die Skema het dus sterk reserwes en behoort vir die 2012-voordeeljaar steeds hoë gehalte gesondheidsorgvoordele aan lede te verskaf. SLEUTELBEDRYFSYFERS 2011 2010 Getal hooflede teen 31 Desember 12,436 11,226 Gemiddelde getal lede vir die tydperk 12,267 11,381 Gemiddelde ouderdom van begunstigdes 38.11 39.01 Pensioenarisverhouding (begunstigdes > 65 jaar) 15.3% 14.9% Begunstigdes per lid 2.08 2.13 Solvensieverhouding 169.2% 34.1% MOONTLIKE BATES Die Skema het eise aan lede betaal namens die Padongelukkefonds. Op grond van vorige ondervinding en die huidige finansiële bestendigheid van die Fonds het die trustees egter besluit om hierdie betalings nie as debiteure te erken nie, aangesien enige toekomstige verhalings onseker is en, indien die debiteure erken sou word, dit ‘n volle waardedaling sou beteken.
TOPMED MEDIESE SKEMA OPGESOMDE FINANSIËLE JAARSTATE VOORBEREI UIT DIE GEOUDITEERDE FINANSIËLE STATE VIR DIE JAAR GEËINDIG 31 DESEMBER 2011 LATERE GEBEURE Geen gebeurtenisse het ná die einde van die rekeningkundige tydperk voorgekom wat die finansiële jaarverslag affekteer, en wat na die trustees se oordeel onder Skemalede se aandag gebring behoort te word nie. VOLDOENING AAN DIE WET OP MEDIESE SKEMAS Die trustees is van mening dat daar geen wesenlike afwykings van die Wet is nie. Nie alle bydraes wat gehef word, word binne drie dae ontvang soos die Wet vereis nie. Enige finansiële risiko word verlaag deur die bestaande kredietbeheerbeleid, wat die risiko van nie-verhaalbaarheid tot die minimum beperk. Eise word gewoonlik binne 30 dae na ontvangs betaal, maar weens sekere prosedures soos kliniese ouditering is daar uitsonderings waar sekere eise eers ná 30 dae na ontvangs betaal word. Artikel 35(8) (c) van die Wet op Mediese Skemas 131 van 1998 bepaal dat ’n mediese skema geen bates in ‘n administrateur mag belê nie. Die Skema se beleggingsfondse word deur onafhanklike derdepartybatebestuurders bestuur wat ’n volle diskresionêre mandaat het om te belê met die doel om hul vasgestelde maatstaf te bereik. Met hierdie benadering kan die Skema op enige tydstip gedurende die jaar aan aandele in ‘n administrateur blootgestel word. Die Skema het by die Raad vir Mediese Skemas aansoek gedoen en op 3 April 2012 vrystelling van hierdie artikel van die Wet op Mediese Skemas verkry. VERSLAG VAN DIE ONAFHANKLIKE OUDITEURE AAN DIE LEDE VAN TOPMED MEDIESE SKEMA Ons het die finansiële jaarstate van <strong>TopMed</strong> Mediese Skema vir die jaar geëindig 31 Desember 2011, waaruit die opgesomde finansiële state afgelei is, in ooreenstemming met Internasionale Ouditstandaarde geoudit. In ons verslag van 12 April 2012 het ons ’n ongekwalifiseerde mening uitgespreek oor die finansiële state waaruit die opgesomde finansiële state afgelei is. Na ons mening strook die bygaande opgesomde finansiële state in alle wesenlike opsigte met die finansiële state waaruit hulle afgelei is. Vir ‘n beter begrip van die Skema se finansiële posisie en die resultate van sy werksaamhede vir die verslagtydperk en van die omvang van ons oudit, moet die opgesomde finansiële state saamgelees word met die finansiële state waaruit hulle afgelei is, en ons ouditverslag daaroor. OORSPRONKLIKE DOKUMENT ONDERTEKEN Deloitte & Touche Per S Munro 12 April 2012
Page 1 and 2: Your Health is our Top Priority Alg
Page 3 and 4: BYWONING, VERSKONINGS EN OPENING VA
Page 5 and 6: d. Die trustees is verbind tot die
Page 7 and 8: . Die geld wat van Sanlam ontvang i
Page 9 and 10: g. Met verwysing na die Skema se sa
Page 11 and 12: Die voorsitter verklaar dat ’n on
Page 13 and 14: TOPMED MEDIESE SKEMA FINANSIËLE JA
Page 23 and 24: TOPMED MEDIESE SKEMA VERSLAG VAN DI
Page 25: TOPMED MEDIESE SKEMA OPGESOMDE FINA
Page 29 and 30: TOPMED MEDIESE SKEMA OPGESOMDE FINA
Page 31 and 32: TOPMED MEDIESE SKEMA OPGESOMDE FINA
Page 33 and 34: www.topmed.co.za

Algemene Jaarvergadering - TopMed

You also want an ePaper? Increase the reach of your titles

Delete template?

Save as template?