Algemene Jaarvergadering - TopMed

More documents

Recommendations

Info

3.5 Die voorsitter bevestig die volgende risiko-oordragreëlings vir 2010, wat verseker het dat Skemalede die beste moontlike sorg ontvang het. • CareCross: vir lede van die Netwerk-opsie • ER24: ambulansdiensverskaffer • PPN: verskaffers van optiese voordele vir lede van die TopMed Tradisionele Opsie Bestuurdesorg-dienste is verskaf deur: • MMSA: Verskaffers van bestuurdesorg- en administrasiedienste • Your Life: MIV-bestuur (vir lede van TopMed wat nie op die Netwerk-opsie is nie) 3.6 Die voorsitter rapporteer dat die Beleggingskomitee hul langtermynstrategie voortsit om opbrengste teen aanvaarbare risikovlakke te maksimeer. Hy noem ook dat dit voor die ontvangs van die Sanlam-toekenning vir die Skema moeilik was om ’n langtermynsiening ten opsigte van beleggings te handhaaf, weens die likiditeitsvereistes wat die Skema verplig om seker te maak dat daar genoeg geld in die bank is om die eise te betaal. Hy meld dat die Skema ondanks markonbestendigheid ’n opbrengs van 10% behaal het en bevestig dat acsis TopMed se beleggingsbestuurders bly. Die Beleggingskomitee se strategie word geskets. Dit bestaan uit die volgende drie verskillende mandate: likiditeit, vaste inkomste en reële groei. Die verskaffers is acsis (voorheen Medscheme Asset Management), Sanlam Beleggings, Prescient, Stanlib en Huysamer Capital, wat verseker dat die Skema die beste opbrengs op sy beleggings kry. Addisionele kontant van R15m (R9.7m in reserwes, en die res gehou in kontant om eise te betaal) is ontvang uit die samesmelting met Bepmeds (Built Environment Professional Associations Medical Scheme). Danksy hierdie samesmelting het die Skema se ouderdomsprofiel verbeter. 3.7 R458 483 682 is op 21 Januarie 2011 uit die Sanlam-arbitrasietoekenning ontvang. Die voorsitter meld dat hy briewe ontvang het waarin gevra word hoekom die Skema slegs R458m ontvang het terwyl dit wyd in die pers verkondig is dat ’n bedrag van R600m deur Sanlam betaal is. Hy verduidelik dat die eis teen Sanlam ’n gesamentlike eis van TopMed en Selfmed was en dat TopMed se deel van die eis R458m was, rente ingesluit. Die voorsitter noem dat die saak teen Sanlam ’n lang, uitgerekte proses was aangesien Sanlam geappelleer het teen al die beslissings wat ten gunste van TopMed gegee is, met die gevolg dat die Skema addisionele regskoste aangegaan het. Hy meld dat die aanvanklike eis nie ’n gespesifiseerde bedrag was nie, en dat die toekenningsbedrag met die hulp van ’n eksterne aktuaris bereken is. Die voorsitter spreek sy dank en waardering uit vir die rol wat mnre Van Riel en Du Plessis gespeel het om oor die arbitrasieproses toesig te hou en ’n suksesvolle finale uitkoms vir die Skema te verseker. Aangesien die Skema se solvensie meer as 170% is, kan die Skema nou langtermynbeleggings aangaan, wat die Skema se reserwes sal baat en ook in lede se belang is. Die voorsitter noem dat, selfs as TopMed in 2011 ’n verlies sou ly, die verliese deur die addisionele beleggingsinkomste gedek sou word en nie uit die reserwes geneem sou word nie, aangesien die reserwes moet groei om die Skema se volhoubaarheid oor die lang termyn te verseker. 3.8 Die voorsitter meld ook die volgende hoofpunte: a. Die voorsitter lees briewe waarin voorgestel word dat ’n groter deel van die Sanlamtoekenningsbedrag aangewend word ten gunste van lede wat al langer in die Skema is, omdat hulle die meeste gely het as gevolg van Sanlam se aksie op daardie tydstip. Die voorsitter meld dat die Skema binne die riglyne van die Wet op Mediese Skemas optree, wat nie toelaat dat sulke geld aan lede betaal word nie. Hy noem dat die toekenningsbedrag in ’n reserwerekening geplaas is terwyl die trustees al die opsies tot hul beskikking evalueer – onder meer of sekere voordele vir lede verhoog moet word. Hy meld dat die korrekte strukturering van lidopsies sal verseker dat lede wat sekere voordele nodig het daardie voordele ontvang, en dat die opsie om aan lede ’n bydraevakansie te gee, uitgesluit is.
. Die geld wat van Sanlam ontvang is, sal nie bestee word aan televisiereklame, deur rugbyspanne en programme op TV te borg soos die neiging is nie, maar eerder op die verbetering van voordele vir lede en die voortsetting van bydraesubsidies toegespits word. c. Die voorsitter rapporteer dat die trustees hul besluit om vanaf 1 Januarie 2011 slegs Clicks Directmedicines as ADV te gebruik, hersien het as gevolg van verskeie diensprobleme wat deur lede ondervind is. Hy maak namens die Raad verskoning teenoor lede vir die ongerief wat hulle moes ly en meld dat ’n alternatiewe plan ondersoek word. Die voorsitter kondig aan dat lede vanaf 1 Augustus 2011 toegang tot ’n ADV-netwerk van ongeveer 850 apteke sal hê vir hul chroniese medisyne. Dit sluit die groot kleinhandelsapteke soos Dischem, Pick n Pay, Medi-Rite en Clicks Retail in. Hy beklemtoon dat Clicks Directmedicines en Clicks Retail afsonderlike entiteite is – iets waarvan die trustees nie bewus was toe daar besluit is om Clicks Directmedicines as ADV te gebruik nie. Die voorsitter noem dat lede ’n keuse van koerier-apteke sal hê, insluitend Pharmacy Direct, Medipost, Clicks Directmedicines en Chronic Medicine Dispensary. Hy beklemtoon dat lede wat nie ’n apteek binne die netwerk wil gebruik nie, toegelaat sal word om ’n ander apteek te gebruik, maar dat hulle ’n ekstra heffing van 30% sal moet betaal. Lede word versoek om die Skema in kennis te stel as hulle ’n apteek het wat hulle by die lys wil voeg, indien daar nie ’n aangewese apteek naby hulle is nie. Die voorsitter moedig lede wat addisionele fooie betaal het weens probleme wat met Clicks Directmedicines ondervind is, aan om die Skema te kontak, sodat pogings aangewend kan word om hulle terug te betaal. Spesiale melding word gemaak van die probleme wat deur Lesotho-lede ondervind is. Die voorsitter meld dat die trustees tans die Lesotho-situasie hersien om seker te maak dat die infrastruktuur in plek is sodat lede in Lesotho die diens kan kry wat hulle verdien. Hy voeg by dat dit nie ’n TopMed-infrastruktuur sal wees nie, maar sal bestaan uit dokters, apteke en hospitale wat lede sal bedien. d. Die voorsitter sluit sy voorlegging af deur te noem dat die trustees alle groeigeleenthede waarby die Skema kan baat vind, sal ondersoek en steeds sal poog om nie-gesondheidsorgkoste te verlaag. Hy noem dat die nuwe TopMed die potensiaal het om ’n beduidende krag in die SA privaat gesondheidsorgmark te wees en moedig alle lede aan om eienaarskap van die Skema te aanvaar deur minstens een persoon van jonger as 40 te oorreed om by die Skema aan te sluit. Kennis word geneem van die volgende kommentaar van lede: a. Mnr Du Preez vra of Durbell op die ADV-lys is en dit word bevestig. Hy raai lede aan om eerder nuwe voorskrifte vir chroniese medisyne by hul dokter te kry as om voorheen uitgereikte voorskrifte by Clicks Directmedicines te probeer kry. Mnr Du Preez meen dat dit lank sal duur voordat die NGV in Suid-Afrika ingestel sal word, en dat lede hul dus nie nou daaroor hoef te bekommer nie. Met verwysing na patologie noem hy sy frustrasie om die Kontaksentrum elke maand te moet skakel omdat patoloë nie die regte ICD 10-kodes gebruik op eise wat vir betaling ingedien word nie. Mnr Du Preez vra dat TopMed met die patoloë begin skakel en die probleem eens en vir altyd oplos. b. Me Hau-Yoon bedank die voorsitter vir sy integriteit in die hantering van TopMed se saak teen Sanlam en spreek die mening uit dat Sanlam ’n apologie aan die Skema verskuldig is. Sy vra of ’n amptelike apologie van Sanlam ontvang is. Sy meld dat sy ten gunste is daarvan dat die Skema se pensioenaris-lede beloon word vir hul ondersteuning van en lojaliteit teenoor die Skema op ’n tydstip toe baie lede bedank het. Me Hau-Yoon stel voor dat die surplusfondse vanaf Sanlam gebruik word om nuwe, jonger lede te werf deur hulle goeie voordele teen bekostigbare premies aan te bied. Die voorsitter antwoord dat Sanlam nog nie ’n apologie aan die Skema gestuur het nie en dat die trustees voortdurend poog om aan sy lede voordele te verskaf wat waarde vir geld bied. Hy noem ook dat die Raad nie sy verbintenis met Sanlam wil verbreek nie, aangesien die meeste van hul werknemers lid van die Skema is.
Page 1 and 2: Your Health is our Top Priority Alg
Page 3 and 4: BYWONING, VERSKONINGS EN OPENING VA
Page 5: d. Die trustees is verbind tot die
Page 9 and 10: g. Met verwysing na die Skema se sa
Page 11 and 12: Die voorsitter verklaar dat ’n on
Page 13 and 14: TOPMED MEDIESE SKEMA FINANSIËLE JA
Page 23 and 24: TOPMED MEDIESE SKEMA VERSLAG VAN DI
Page 25 and 26: TOPMED MEDIESE SKEMA OPGESOMDE FINA
Page 33 and 34: www.topmed.co.za

Algemene Jaarvergadering - TopMed

Create successful ePaper yourself

Delete template?

Save as template?