Algemene Jaarvergadering - TopMed

TOPMED MEDIESE SKEMA
OPGESOMDE FINANSIËLE JAARSTATE VOORBEREI UIT DIE GEOUDITEERDE FINANSIËLE STATE VIR DIE JAAR
GEËINDIG 31 DESEMBER 2011
VERWANTE PARTYE
Momentum Medical Scheme Administrators (“MMSA”) het as ’n derdeparty-administrateur ’n beduidende
invloed op die Skema. Momentum Medical Scheme Administrators het gedurende die tydperk
administrasiefooie, bestuurde gesondheidsorgfooie, MIV-bestuursfooie asook tandheelkunde-bestuursfooie
ontvang.
TopMed Distribution is verantwoordelik vir die bestuur van alle makelaarbetrekkinge, insluitend diens aan
makelaars, en het dus ‘n beduidende invloed op die Skema. TopMed Distribution het fooie ontvang vir dienste
wat eksklusief aan Topmed Mediese Skema gelewer is. TopMed Distribution is kennis gegee en hul kontrak het
op 31 Maart 2011 verstryk.
Die trustees van die Skema word geag sleutelbestuurslede te wees. Bydraes gefaktureer aan, bydraes
ontvang van, en eise betaal ten opsigte van trustees van die Skema gedurende die tydperk, het plaasgevind in
ooreenstemming met die reëls van die Skema en die bepalings van die Wet op Mediese Skemas.
NETTO INKOMSTE/(UITGAWE) OP RISIKO-OORDRAGREËLINGS
2011 2010
R’000 R’000
Dental Information Systems (Edms) Bpk - 38
Preferred Provider Negotiators (Edms) Bpk 47 (40)
ER24 EMS (Edms) Bpk 64 (366)
CareCross Health (Edms) Bpk 2,366 3,423
HIV Managed Care Solutions (Edms) Bpk 38 11
2,515 3,066
Dental Information Systems (Edms) Bpk (Denis) het in 2009 beide konserwatiewe en gespesialiseerde
tandheelkunde aan lede van alle opsies verskaf, behalwe Topmed Netwerkopsie en Topmed Hospitaalplan.
Die kontrak sluit volle bestuur van die tandheelkundevoordele in, met inbegrip van die magtiging van
tandheelkundeprosedures en die betaling van tandheelkunde-eise. Dental Information Systems (Edms) Bpk
se kontrak is met ingang 1 Januarie 2010 beëindig. Die res van die winsdeling met betrekking tot 2009 – ten
bedrae van R38 348 soos in die state aangedui – is in 2010 aan die Skema betaal.
Preferred Provider Negotiators (Edms) Bpk het optiese voordele aan lede van die TopMed Tradisionele opsies
verskaf vir 2011. PPN aanvaar die risiko van die bestuur van die optiese voordele. Die kontrak sluit volle bestuur
van die optiese voordele en die betaling van eise in.
ER24 EMS (Edms) Bpk bied in ’n noodgeval pad- of lugvervoer aan lede van al die voordeelopsies binne die
Skema.
CareCross Health (Edms) Bpk lewer primêre sorg aan lede van die TopMed Netwerkopsie van die Skema in
Carecross-fasiliteite regoor die land. Die kapitasiefooi dek die voorsiening van basiese dag-tot-dag-voordele
buite die hospitaal, insluitend maar nie beperk nie tot chroniese en akute medisyne, en besoeke aan algemene
praktisyns. Die Skema dek hierdie lede ten opsigte van hul hospitaalvoordele. HIV Managed Care Solutions
(Edms) Bpk (Careworks) is die MIV-program wat van toepassing is op lede van hierdie opsie.