Algemene Jaarvergadering - TopMed

More documents

Recommendations

Info

d. Met die instelling van NGV sal daar ’n toename wees in die getal persone wat die dienste van privaat verskaffers gebruik, wat oor die kort termyn beperkte kapasiteit sal meebring aangesien huidige kapasiteit in die privaat sektor nie voldoende is om die bevolking van Suid-Afrika te bedien nie. Daar is ’n groot tekort aan spesialiste, met die gevolg dat toegang tot spesialiste al hoe moeiliker raak. e. Volgens die belastingkredietstelsel wat vir die NGV voorgestel word, sal persone wat R330 000 of minder verdien ’n groter belastingvoordeel kry, terwyl persone met ’n verdienste bo hierdie bedrag die grootste deel van hul belastingvoordeel sal verloor. Dit sal meebring dat belastingsubsidie-berekenings beduidend verander. Die verandering sal aansluit by die ondersteuning van NGV-bydraes. f. Die howe se ongeldigverklaring van die Verwysingspryslys (RPL) het ’n groot impak op mediese skemas – veral met die vereiste dat skemas teen koste vir Voorgeskrewe Minimum Voordele (VMV’s) moet betaal. Voor hierdie beslissing kon skemas ’n persentasie van die Nasionale Gesondheidsverwysingspryslys (NHRP) betaal. Kennis word geneem dat TopMed tans ’n tarief het wat help om die nie-VMV-koste te beheer. Aangesien elke skema egter sy eie tariefstelsel het, het die kompleksiteit vir verskaffers en administrateurs ten opsigte van die administrasie van pryslyste, ens. geweldig toegeneem. g. ’n Nuwe resepteringsfooi is aangekondig, wat sou meebring dat resepteringsfooie vir die Skema met 30%-40% sou styg indien TopMed dit sou implementeer. TopMed het egter ’n Aangewese Diensverskaffer (ADV) ingebring, soos baie ander mediese skemas in die mark. Dit beteken dat ’n groep apteke ingestem het tot ’n sekere resepteringsfooi en ook tot ’n sekere prysstruktuur wat deur die Skema voorgestel is. Dit sal TopMed help om sy koste laag te hou en die medisynekoste op ’n aanvaarbare vlak te bestuur. Mnr Deacon beklemtoon dat dit baie belangrik is dat, wanneer ’n lid ’n ADV gebruik, die lid geen bybetalings sal hê nie. h. Die Wet op Verbruikersbeskerming (WVB) wat onlangs ingestel is, het sekere kriteria wat bepaal hoe skemas met lede moet kommunikeer en hoe voordele, dienste, ens. verduidelik moet word. TopMed is tans besig om sy webwerf op te knap en die inhoud van sy ledegidse, ens. na te gaan om seker te maak dat dit aan die WVB se vereistes sal voldoen. i. TopMed is nie aan die marktendens blootgestel waar jong staatsamptenare hul lidmaatskap na die staatskema GEMS verskuif omdat die regering hulle ’n subsidie van 75% aanbied nie. j. Die getal oop skemas in die mark het tot 28 gekrimp, as gevolg van die konsolidasie van skemas. TopMed se besluit, ná ’n kontroleringsproses, om nie ’n samesmelting met Protea Health te onderneem nie was wys, aangesien die skema sedertdien gelikwideer is. k. Die probleme waarmee TopMed tans te kampe het, is ’n verswakking van die ouderdoms-profiel, ’n groter siektelas, blootstelling aan teenkeuring ten opsigte van nuwe besigheid en, vanweë sy klein omvang, minder onderhandelingsmag. Die Skema sal selfs met die toekenning van Sanlam in die toekoms nie selfonderhoudend kan wees as sy ledetal nie groei nie. l. Twee van TopMed se strategieë is om die risiko binne die Skema beter te bestuur en ook om bestendige, volhoubare groei te verkry deur jonger lede vir die Skema te werf. 3. VERSLAG EN VOORLEGGING DEUR DIE VOORSITTER 3.1 Die voorsitter skets die volgende hoogtepunte van die Skema: a. TopMed se visie is steeds waarde vir geld – d.w.s. wat lede ontvang, moenie slegs dit wees waarvoor hulle betaal nie, maar ook werklik waarde, langtermynstabiliteit en groei bied. Die verskaffing van deursigtige opsies aan lede is ook belangrik. b. Die voorsitter meld dat lede nie altyd die opsies as deursigtig beskou nie, omdat dit dikwels van die persoon se ervaring afhang. Die Skema se strategiese doelwitte word geskets – onder meer uitbreiding van die ledetal, verfyning van die Skema se sakemodel, en samesmeltings met ander skemas. c. Met verwysing van die voorlegging van die Skema se finansiële jaarstate aan die Raad, meld die voorsitter dat TopMed vir die vyfde agtereenvolgende jaar ’n ongekwalifiseerde ouditverslag gekry het, waarop die trustees trots is.
d. Die trustees is verbind tot die beginsels en praktyke van billikheid, openlikheid, integriteit en rekenpligtigheid, wat ooreenkomstig die beginsels van King II toegepas word. Die trustees is tans besig om King III na te gaan om vas te stel wat die Skema nog in werking moet stel. 3.2 Die volgende finansiële hoogtepunte word genoem: a. TopMed se netto omvattende tekort vir 2010 was R6.4m teenoor R2.6m vir 2009, as gevolg van hoëkoste-eise. Dit is ook toe te skryf aan van die regskoste wat met die Sanlam-saak aangegaan is en in die vorige jaar gedebiteer is. ’n Deel van hierdie geld sal egter in die huidige finansiële jaar teruggekry word (±R2m). b. Die Skema se gesondheidsuitgawes het in 2010 toegeneem vergeleke met 2009. c. Die Skema se nie-gesondheidsuitgawes was meer as R44m in 2010 (waarvan ’n groot deel administrasiekoste was), maar meer as R3m minder as in 2009. d. Gesondheidsuitgawes per begunstigde het toegeneem, wat ’n las op die Skema se inkomste was. e. Die Skema se beleggings het ’n opbrengs van 10% behaal. f. Die hoogste eis van ’n lid het R1.6m bedra. 3.3 Die Skema se staat van omvattende inkomste was soos volg: a. Bruto gesondheidsorgresultaat: surplus van R24m b. Netto gesondheidsorgresultaat (bruto minus admin): tekort van R20m in 2010 teenoor R17m in 2009 (voor rente van R12m uit beleggingsinkomste) c. Netto tekort vir die jaar: R8m d. Ander omvattende inkomste: R1.9m e. Totale omvattende tekort vir die jaar: R6m 3.4 Die Skema het ’n groot deel van sy geld aan hospitale (51%), medisyne (14%) en dokters (26%) bestee. Die volgende belangrike Skemasyfers word verskaf: a. Getal hooflede teen 31 Desember 2010: 11 226 (twee groot groepe is verloor, Hudaco en Pam Golding) b. Gemiddelde getal lede vir die tydperk: 11 381 c. Gemiddelde ouderdom van begunstigdes: 39.01 d. Pensioenarisverhouding (begunstigdes ›65 jaar): 14.9% e. Begunstigdes per lid: 2.13 f. Solvensieverhouding: 34.1%
Page 1 and 2: Your Health is our Top Priority Alg
Page 3: BYWONING, VERSKONINGS EN OPENING VA
Page 7 and 8: . Die geld wat van Sanlam ontvang i
Page 9 and 10: g. Met verwysing na die Skema se sa
Page 11 and 12: Die voorsitter verklaar dat ’n on
Page 13 and 14: TOPMED MEDIESE SKEMA FINANSIËLE JA
Page 23 and 24: TOPMED MEDIESE SKEMA VERSLAG VAN DI
Page 25 and 26: TOPMED MEDIESE SKEMA OPGESOMDE FINA
Page 33 and 34: www.topmed.co.za

Algemene Jaarvergadering - TopMed

Create successful ePaper yourself

Delete template?

Save as template?