Augustus

8
••• KOLLIG OP CHARLIE PEARSON
’n Positiewe gesindheid
kan berge versit
vervolg van bladsy 7
ander woorde my saaiboerdery op Vaalharts en
beesboerdery op Tosca, is dat ek altyd voer vir my
vee beskikbaar het. Ek hoef dit nie te gaan aankoop
nie, ek het die goed,” sê hy.
“Die spilpuntbedryf is voordelig in die sin dat
jy minder kan besproei wanneer dit nodig is, wat
beteken jou gewas sal, mits jou stelsel reg bestuur
word, nooit te droog of te nat wees nie. As dit te
veel reën, het jy egter ’n probleem. As ek terugdink
aan 2010, het ons oor ’n tydperk van drie maande
meer as 400 mm reën gehad. Hier is die grond te
vlak en daarom dreineer die water nie genoeg nie,
dus het ons skade gely, veral by die grondboontjies
omdat jy nie soos met mielies iets kan doen om die
skade te verminder nie.
“Ons verkies ’n droë bo ’n nat seisoen. Wanneer
dit baie nat is, is hier te veel siektes en plae. Van
die vernaamste siektes wat ons hier aantref is
aalwurm by die grondboontjies en streepsiekte by
mielies. Ek is daarom baie afhanklik van my gifraadgewer
en op die ou einde belê jy eintlik jou
geloof in die gif, dat dit moet werk.”
Op die oomblik verbou Charlie 14,5 hektaar
mielies, 14,5 hektaar lusern, 11 hektaar gars
en wanneer sy mielies binnekort gestroop word,
>
gaan hy 14,5 hektaar grondboontjies plant, en
waar gars geplant is gaan hy weer lusern plant. Hy
doen sy gewaskeuse met behulp van raadgewers
by Senwes. Charlie maak ook van byna al Senwes
se dienste gebruik. “Hulle gaan werklik uit hul pad
om die produsente te help en ons kommunikeer
lekker,” sê hy.
MAAK JOU GLAS HALFVOL
Charlie gesels opgewonde oor die afgelope seisoen:
“Dit was voorwaar die beste seisoen tot dusver wat
koringoeste aanbetref. Terwyl ons somme maak het
ek vir Petra gesê dat ons iewers ’n fout begaan het,
want dit is onmoontlik om so ’n goeie oes te hê.
Mens stroop nie daardie tipe koring nie.
“Tydens 2002, 2003 en 2004 het die boerdery ’n
moeilike tydperk beleef. Ons het ’n groot droogte by
Tosca ervaar, waarna ons later van ons beeste moes
verkoop om ons uit die moeilikheid te help.” Wat
doen jy dan? “Jy kan niks doen nie, jy moet net kop
bo water hou. Die beste raad wat ek al ontvang het,
is om positief te bly, ondanks jou omstandighede.
Oom Josef Uys, my buurman, het altyd gesê:
‘Charlie, ons kan net positief en nederig bly.’ Hierdie
lewensles het my deur die moeilike tye gedra.”
Standvastigheid is die Pearsons se toekomswens vir landbou in Suid-Afrika.
Charlie spandeer gereeld tyd op sy beesplaas in die Tosca-omgewing.
www.senwes.co.za • Augustus 2012